Monday, February 18, 2008

Rosy....O..I va'n hrethiam lo em!!

Hun leh ni te a lo ral zel a. Kei pawh zawi zawiin puitlin lam ka pan chho mek zel a ni tih ka hre ve, mite hmuhah chuan 'tlangval' tia sawi theih ka ni ve der tawh. Chu chu kei pawhin ka hai lo, naupang chhia ang mai maia awm ka tum tawh lo bawk. Mi lungleng ve thei ngang ka ni bawk a, nunhlui thlir let tur nei tam lem lo mah ila, ka pan lai nun te ka ngaihtuah neuh neuh a. Ka naupan laia thingtlang naupang bal ve hrip hrep thin kha, tunah chuan khawpui tlangval tia sawi theih ka lo ni ve ta mai te chu mak ka ti hle.

Ka la theihnghilh theih miah loh chu Rosy-i kha a ni. Father William-a hnathawhna avangin khawpui lama kan insawnna pawh a la rei lo. High School ka kai tan tirh pawl 8 ka zir lai khan Aizawl-ah kan insawn kha a ni. Pawl 10 kan zir kum chuan board exam hmachhawn tur kan nih avang nge kan zir ngawrh ve hle. Kan pawlah chuan lehkhathiam thei deuh mai, hmeltha bawk si, angel hawlh thlak ni awma mawi Rosy-i a awm tlat. Lehkha han zir sa teh mah ila, enge awmzia pawh ka hre lo. Ka rilru-ah hian a lo awm leh veng veng zel a, ka lo ngaihtuah leh rauh rauh thin. Ka rilru chhungril ber pawh a luah a ni tih hre lovin Rosy-i lah chu a awm reng mai si. A hmel en te lah chu a nuamin, a nui mawi em em mai leh a heh vam ham mai han hmuh a, thlifimin a bahsam a han chhem phe hleuh hleuh hmuh phei hi chuan rilru hi a dam sawng sawng zel. Engmah kan hriat loh laiin keimahah chuan hmangaihna chu a lo piang chhuak reng mai a ni. Chung hunlai chuan ka hrethiam si lo a, ka vei em em ringawt mai a ni. Kei lah hi huat vang pawh ni lo hian hmeichhia hi ka be tlem em em lehnghal. Chu thil keimaha awm chu ka thian tha ber Damdama ka hrilh ta ringawt.

Hetiang kawngah kher kher hi chuan ka thianpa rin ve ber pawh hi a rawntlak loh khawp mai. A damdawi mi chawh ber pawh, "Dil ula, pek in ni ang tih a nih kha, Te-a, tawngtai la, dil rawh," min ti ngawt. Kei pawhin a thil mi chawh loh chu 'formula' dang apply tur ka hre si lo. Zan tin chuan hmaih hauh lovin ka tawngtai ta ngat ngat a. Ka ngaihtuahna chu a luah hnehin, zan mu pawh ka chhing thei meuh lo. Amah chu ka duhin, ka bulah hian awm thei se ka ti ngawih ngawih a ni. Mahse chung lah chu duhthusam mai mai chauh an ni si.

Every night I pray, I'll have you here someday.

I'll count the stars tonight, and hope with all my might.

That when I close my eyes, you'll be right by my side.

If I could only have one wish you'd be the girl whose lips I'd kiss

All my only dreams.

A nungchang lah ka duh ang thlap, nu hnap mai, hlim hmel hi a pu sang reng mai lehnghal a. Mahse, kei thingtlang atanga Aizawl rawn awm ve mai. Mi fate angin lirthei leh pawisa lah kan nei si lo. A mizia ka chhut ka chhut hian mi hausa fa hlir hi a kawm thin a, anmahni an hausa bawk si. Mi hausa fa te nena duh tawka an leng vel chu kan hmuh phak chin a ni ve leh mai thin si. Aw, he 'thil' hi engtin nge ka hrilh ang? Amah chu ka hrilh tawp dawn nge, ka huaisenna hian a tlin si lo. Ka rilru-a ka vei vang nge pawh ka hrelo, a chezia hian min duh ve hmel hi a pu tlat. Min hmuh te hian mi nuih seih zel lehnghal a, keia lawm lah hi a tling thei ropui si. A biak tak hi chu kan inbe ngai vak lo. Thianpa Damdama'n thuthar lawmawm deuh mai min hrilh ni tluka lawm kha ka la nei tlem khawp bawk asin. Chumi ni a a sawi chu e, "Rosy-i chuan bialpa a nei lo, full vacancy a ni top" tih zawng hi a ni. Ka lawm lutuk chu chunglam hnenah lawmthu ka han sawi leh phawt. Chu lo pawh, "Ka hmangaih che asin" a tih hnap mai pawh kha, ka bengah hian kha aia rimawi dangdai kha a la ri ngai lo asin. Zan a lo thleng a, eng thil dang tih mah a tui thei lo, mut pawh a theih loh. Mutchhuah reng reng a neih theih loh.

No one loves you like I love you

No one needs you the way I do

No one knows you like I knows you

No one hears you the way I do

Pretty Woman, you look as lovely as can be,

Are you lonely just like me?

Rei pawh a ni lo, mi hian kan chanchin hi an lo ngaichang reng nge pawh ka hre lo. A mak khawp mai, engtin nge an lo hriat zozai le? Tunlai tawngkam taka kan 'nih'-na pawh a la rei lo. Mi zawng zawng hian min fiam zuk zuk reng mai a, a nuamlo duh thei hle. Kei pawhin nuam ka ti lo a, a theih chin chin chu a langsar lo thei ang berin ka awm reng a. Ka hmangaih Rosy-i pawh a zak nge, hmuh pawh kan inhmu khat hle, ani pawh a chhuak zak anih ka ring. Ka ngaih a tha thei tlat lo mai, zan khat chu 'ritleng darzam' te kan neih ve phak loh avangin, mi zawng zawng hman theih tura an siam PCO atang chuan Rosy-i te phone number chu ka'n chuk zauh zauh a. Ka rin loh deuh mai aw chuan min lo chhang, ka taksa pumpui hian ka mur chhuak vek. Sawi tur ka hre ta map lo mai, phone-ah lah chuan, "Hellooo....Helloo..." a rawn ti telh telh a. Ka ding khawng reng mai, sawi tur ka va'n hre lo tak em, kei 'Robin Hood' tia hming min phuahsak ve meuh pawh hi. Bawihte, ka sawi chhuak thiam lo. Ka hmangaih che asin!

I just called to say I love you

I just called to say how much I care

I just called to say I love you

And I mean it from the bottom of my heart

Hun te lah chu a kal chak phian. Hetiang em em hian ka rilru hi a la na ang tih pawh ka ngaihtuah phak lo. Eng ang mihring nge ka nih a, hetiang em em a ka rilru tina leh tur si hian 'thil' tih ka nei em ni? A ni thei lo, ka ring bawk hek lo. Kei, thingtlang pa rethei berh ve tak fapa mai hian officer fanu chu ka phu lo viau em ni? Hmangaihna hian phu loh a neih ka hre si lo. Engvanga ka hriat loh hlana tang dang min belhsan mai chu nge maw a nih le. Rosy, ka la hmangaih reng che asin. Mi hausa fa chuan mi hausa fa pawh an ngaizawng thin tih chu awih harsa ka ti thin, mahse tunah chuan awih lo thei lo dinhmunah ka ding ta si. Tunah chuan ka nunkhua hi a nguai zo tawh, ka tan chuan khua reng pawh a eng tawh lo. I hlimthla mai te hi ka chantawk an ni ta si. "Ka hmangaih che asin" i tih lai te khan kei lah chuan thutak khukin ka lo khukpui ve hlut si a.

You and I once shared love

So strong and so secure

But all you left were memories

The feelings are no more

Like flowers in a big field

All died and blown away

The letters and the pictures are all that will remain

Kei pa chhe te hian i tan enge tih theih ka neih ve ang? Tih theih ka neih ka hre si lo, kan neihin a tlin bawk hek lo. Hmangaihna hi pawisa a lei theih a ni lo tih te hi i hrethiam pha lo em ni? Aw, ka bulah han awm veng veng la, ka rilru pawh a hlim tur. Nang lah chu, tunah chuan i hmangaih ber nen in hlim viau awm si a. Ka va awt tak che u em? Mahse, ka phu lo che a ni tih hi ka hrethiam thei si lo. A dik alawm, kawr thar emaw zungbun emaw tal pawh i tan tiin ka lei lo reng reng a, ka inthiam lo hle mai. Rosy, mi fate angin pawisa ka nei lo a ni. Mahse, ka neih chhun HMANGAIHNA chu ka hlan che a ni lawm ni? Khawngaihtakin, i rilru lam let la, nangmah hmangaih em em tu che hnenah hian lo let leh ta che. Pawisa an ngah a, thil thar an leisak zin vang ringawt che khan an hmangaih tak tak che a ni kher lo mai thei a, nang lah chuan tak tak emaw tiin a nei nei tangah i bei zel bawk si a. I va han hrethiam lo tak em!!

What`s the poor boy gonna do

If he wants a girl like you

Can`t afford no diamond rings

Or all those other fancy things

There's only one thing I could give

I`ll sing to you, here this song

City girl please stay around

Tunah chuan i hmangaih ber nena hlim taka in len dun theih hi duhsakna ka hlan theih chhun che a ni ta si. Kei zawng ka riang ngawih ngawih a ni e. Rose par a kung atanga tliak tawh hi a zawm theih loh tih chu ka hre ve, mahse a mawina a bo chuang lo a ni tih pawh i hriat ve ngei ka beisei. Rosy....O..I va'n hrethiam lo em!!

Im so lonely,

I'm Mr. Lonely

I have nobody,

To call my own

Im so lonely...

No comments: