Wednesday, September 10, 2008

Thil ho ve mai mai

Luliana style in thil ho mai mai tun tum chu ti ve leh tawp te'ng. Chutianga chetchhiatna em em pawh rawn ziah ve vak tur ka hre lo a, mahse 'chat' hrat ve tak tak lai (hahaha) a inbiakna thenkhat ka la dahthat te hi kan tarlang ve mai mai ange. A then chu a thui tawk tawka mi ka bawlna te, a nuihzatthlak duh angreng tun hnua en leh hian. :D A tlangpuiin thianpa Maia (ghostly sphinx) nena kan inbiakna kha a ni deuh ber a, 2004 kum vel kha ni tain ka hria. Kan inbe bon thin ania aw, a tam zawk hi chu tarlan chi loh hlir a ni.

Thianpa Maia hi Mary Mount kan kal lai atanga inkawm tawh kan ni a, tunah hian hei kum engzah nge a liam tawh. Hemi ka ziah lai paw
h hian ka bul chiahah a computer a khawih mual mual mai. Kan inkawm nasa ve bawk a, nuihna tur lah a tam, thin rim chang lah a tam! Hetiang lam chu sawi vak hrih lo ang, hmana kan chat dun thinna tlem azawng kan dah ange.


mike_krayzie: inkhel en i tum m
xoxef: www.alexxfender.com -ah i password siamtir roh
xoxef: a nghak che, admin in
mike_krayzie: ka siam toh
mike_krayzie: an tlem thei em mai
xoxef: a diklo ni lom ni
xoxef: 3 kan awm
mike_krayzie: i lo hmu elo
xoxef: hmu e
mike_krayzie: alexx ah ron lut ve teh
mike_krayzie: kan tlem lutk
mike_krayzie: admin hi m or f
xoxef: m
xoxef: alexxfender-a a nih kha
mike_krayzie: admi hi tunge
xoxef: alexxfender-a
xoxef: a nickname anih hi
xoxef: a hming tak chu Zothansanga
mike_krayzie: a siamtupa ami
mike_krayzie: amah chauh pohin a chat peih anih hi
mike_krayzie: ti raw
xoxef: he he he

####################
xoxef: michael m sailo website a nih hi
mike_krayzie: enteh goggle ah khan na a awmlo
mike_krayzie: goggle sipel eng nge
xoxef: google
BUZZ!!!
mike_krayzie: anih chu
mike_krayzie: mangtha 
####################

mike_krayzie: ngoraoh lawk
mike_krayzie: kan disconnect lok
xoxef: why?
mike_krayzie: thupuan ah msg ka thon lok don
xoxef: he he he
mike_krayzie: ka thon khat toh lutuk a
xoxef: keipaw'n ka lo thawn ang, what subject
BUZZ!!!
mike_krayzie: ruihlo
xoxef: he he he
Lal Maikal: zu chu pawilo
Lal Maikal: tih tur
Lal Maikal: drugs chu pawi
Lal Maikal: zu chu pawilo
xoxef: OK

####################

mike_krayzie: www.hot16.com
xoxef: ho e
xoxef: mai
mike_krayzie: i hria em
mike_krayzie: sharapova lem sexy tok a om
mike_krayzie: pic chu i hmu toh em
BUZZ!!!
xoxef: wait lawks

####################

xoxef: voin-ah kan computer ka check a
xoxef: modem a lo awm reng alom mawle
xoxef: a la thra vek
xoxef: ka sawr mai don emaw ni ka ti deuh
xoxef: a hlui tawh lutuk
xoxef: a speed pawh 26K vel chauh mawle
xoxef: Lalbiakzuala hian a lei duh ka ring
BUZZ!!!
mike_krayzie: nia

####################

mike_krayzie: engtin nge e mail ah khan pic i thon theih a?
BUZZ!!!
BUZZ!!!
mike_krayzie: min lo hrilh ve pls in
xoxef: attach files tih kha i hmu m?
xoxef: message box chung chiahah khan
xoxef: khatah khan ni mai
BUZZ!!!
mike_krayzie: aw

####################

xoxef: het
xoxef: va reh rei ve
mike_krayzie: i zawl ah aw
xoxef: yes
mike_krayzie: trek vanga k chan tur hi idawn lo em ni
xoxef: dawn e
xoxef: trek vangin engmah i chan lovang, chung lama Mi khi ring ta che
mike_krayzie: tunah poh ala phe zur2 mai
xoxef: vak vak ache
mike_krayzie: hlau chung2in k ron ti anih hi

####################

xoxef: i sign in lo ami?
xoxef: Mawh?
mike_krayzie: sign e
mike_krayzie: hello a ron ti thei lo
xoxef: hello tih ngai lo
xoxef: hi, mikey
xoxef: tih a awm ang
xoxef: Login form tih hnuaiah khan, right side ah
mike_krayzie: shout it tih ah hian ami
xoxef: ni e mawle
xoxef: i hmu em ka thil ziah kha
mike_krayzie: aw 

####################

mike_krayzie: sex toys ho hi k awt ngei mai
mike_krayzie: mizoramah hian om angem leeeeeee
xoxef: awm ang
xoxef: lo ang
mike_krayzie: computer chan poh k huam
xoxef: Oh I see

####################

xoxef: mangtha phots
BUZZ!!!
mike_krayzie: aw manchhia
xoxef: naktuk zanah same time OK
mike_krayzie: ramhuai hmu teuh roh
xoxef: Mate, tha deuh khan awm la
xoxef: kei chu thlahrang hi ka hlau tehmai ania
xoxef: The Ring vel kha, i la hrechhuak em
xoxef: Exorcist vel kha
mike_krayzie: k close daih don
xoxef: naupang hmeichhia luak hring vel vak vak
xoxef: hlauhawm lutuks
xoxef: mu ve daih rawh

####################

mike_krayzie: eglo goggle apic searh dan
mike_krayzie: virus scan na chauh a om
BUZZ!!!
xoxef: ka hrethiam neih nuaih love
xoxef: ka hmang vak ngai lo a

Awle, duhtawk phawt mai ang, thiante kan in puan nasa lutuk dawn. Heng lo pawh hi tarchhuah chi loh thahnem tawk tak a la awm. Khing ho khi chu la zia tak a ni, ka chhiar a, ka nui tlek tlek mai. Ani pui hi a dangdai ve a, kan pahnih hian kan han inti puithu dun thin khawp a, eng eng 'situation' ah hian. Teacher te bulah thil sawi tur han awm se, kan tawng hnem dun thei si. Engemaw discussion awm re re se, a hnialtu pawl emaw ah kan tang ve deuh ziah lehnghal a. LPS kaveizawng leh CCB vela thil thawn kan uar lai tak tak te khan aw, kan in tan thei sia, nuihzatthlak duh tak a ni. 

Vawikhat Skylinks ah phone a hla thlan theih kha a ni a. Maia hian ka tan Bethsy hla 'Lalpa i hmaah' tih kha min lo thlansak a. Kei khan ka lo han thlang ve a, Maia tan hian he hla bawk hi ka thlang a, a lo chhangtunu khatihlaia Skylinks VJ kan ti dawn nge Remkimi khan, "Nang hi, nichinah he hla hi i rawn thlang tawh tiraw?" a tia, "Ka ni lo, ka rawn phone tlang ve chauh" ka tia. A tuk zanah emawni kan lo chang ru ve char char a, min rawn tihchhuah sak chuang ta lem lo a.  A hnuah kan inhrilh leh chuan, keimahni kha pakhat emaw min lo ti anga, kan uang emaw tiin an lo tichhuak duhlo ni ta berin kan ring a.

Mi ina kan len a, naupang viau a min ngaih dawn chuan kan han insawi upa a. A hmaa inhrilhlawk awm chuang lem hlei lovin, uluk takin kan 'dawt' sawi hi a in man chho thin. A chang leh MA zir zo tawh, office kal lai kan ni thul. A chang leh musician, studio kan enkawl  leh thul. 

Delhi a rawn chhuk hma hian kei ka lo chhuk hmasa a, a lo chhuk zan hian airport ah thian dangte (Rsa leh Chda) nen kan lo hmuak a. Ani a rawn bo thla nasa si, thianten lo hmuak ang chu tiin thlamuang ve deuhin a rawn chhuak a. Keini'n kan bihruk san, lukawlh deuha a hawi vual vual laia insum thei mang silova, kan nuih char char lai te kha. Kan bihruksan na lamah kan bo leh vel thul. Chumi zan chuan, tluang taka a rawn thlen avangin tawngtaina hun kan hmang ange, a tia. Kei, RSa leh Chda kan thu a, Bible a chhiar atang kan khur char char tawh a. A tawp a tawpah.. "aaa.. ka tawngtai tawh lo mai ang, ei mai ang u" a tih lai te kha. 

Airport a mi hmuah sawi chuan, kan thianpa pakhat kan hmuak a. Kei, Maia leh Rsa hian poster kan siam a. Kan thianpa hming kha lianpui hian kan ziak a, 'Supermodel' tih kha kan telh ngei bawk a. A hmasa berah kan lo ding ve a, mi khan an enduh thei khawp mai a. A tawpa kan thianpa rawn thleng chu, a rawn hawi vual vual a, poster chu a rawn hmu. Tum hmuk chungin lehlamah a kal daih, a nui lo chiang kher asin aw!

Maia bawk hi alawm sual thiam thin chu. Vawikhat nula kan rim (nula??? hahaha) a, kei chu ka vawikhat kalna ania. Ani kha a hmain an lo inhmu an lo inhmu tawh a, phone ah te an lo inbe thin a, Joseph-a ka nia, a lo inti ziah a ni awm e. Kan len zan chuan, hming ka han insawi a, Joseph-a ka nia, ka tia. Kan lenna nu khan a awih ta tlat lo mai a, dawt sawi suh min ti tlat mai a. A ngaihna hriat a har thin ngei mai. A tawpah chuan Eric-a te ka inti ta velin ka hria. 

Thianpa Rsa pawh hi hmeichhia a biak apiang hian, a phone number an dil hian ka phone number hi a lo pe ve ziah lehnghal a. A zialo thin khawp mai. 

Hetiang lampang sawina tur liau liau hian nakinah post siam leh tur a ni! Ka hriatrengna a that chuan, kan la ti leh dawn nia. :D

Thursday, September 4, 2008

Sava thlawk thiam lo, a thlawk bo

Kan thenawm velah hian parva an tam khawp mai a, tam han tih ah, tam lutuk chu an ni lo a, an nghal em avang hian an lang tam a ni ber. Kan room chhung hi an arena ve deuh emaw ni tih tur ania, an lo in fight nasa thin khawp mai. Muttui laia an rawn in fight phei chuan ninawm ve duh tak a ni, dawhkana thil dah zawng zawng hi an ti thla rum rum a. "sssshhhhhh" kan tia, an thlawk sawn ve mai a. Rei erawh a daih ngai lem lo.

Zanah tukverh bul lawk lawkah an riak a, an han hram kan ti dawn nge, an ngur chhur chhur zel mai a, hmeichhe tan phei chuan hlauhawm tham a ni ngei ang! Mahni a riah zan phei chuan an hram ri hi ngaihthlak a nuam lutuk ngai lo (Dawih hmel khawp mai a.. :D). Zankhat, tukverh karah pakhat a lo tang kher phei kha chu, a na tuar thawm nen, zing dar 2 velah thianpa in a va siam rem sak a, a va han hram rapthlak tehreng em! :D

Thawmhnaw zarah an lo e reng bawk a, muttui laiin an rawn thlawk lutchhuak zawr zawr reng bawk a. Roomate te hian an ning thin a, tukkhat phei chu zing dar 5 velah thianpa Maia hian a exercise lakna dumbbell rod in vuak a tum a, a rod kan thlawn theihloh avangin a vaw leh ta lo. A nu pakhat phei chuan verandah a CPU bawm ruak kan dahah bu a lo chhep a, (kan almirah chunga bu an chhep kha chu sawi tel lo mai ang, kan tihchhiat sak daih sia) tui pahnih a nei a.

A tui chu nitin ka va en sak ziah a, a lo awp run zel. Mi hi a lo chuk ang hlawih hlawih lehnghal a, zuk khawih tum ila. Rei ve deuh hnuah chuan a tui pakhat zawk chu a lo keu ve ta a, parva note ka hmu ngai lo a, ka hmuh vawikhatna a ni nghe nghe.

A tui pakhat zawk erawh keu tih reng a nei thei lo. A pui hian a awp reng a, chaw te a pe thin. Ruah hi a rawn sur zeuh zeuh a, a rawn sur chhun hian an bu hi a rawn ti huh vek zel a, a khawngaihthlak thin khawp mai. Inchhunga han dah luh ngawt lah a ni chiah bawk si lo. Verandah a tui tling kan ti fai vat vat zel zawk mai a ni.

Tichuan, chu sava note chu a lo thang lian chho zel a. A pa ni awm tak hi a lo awm ve ziah bawk a. An rawn thlawk ri phur phur zel a. Va chhuah hi chuan, a pa hi a thlawk sawn vat a, hla lo te atang min lo en khiau a. A nu hian a bu ah chuk inring ranin min lo melh a. Thlawhsawn pawh a tum ngai chuang lem lo. A fate chu a veng uluk ve hle mai.

Chutia duat taka an enkawl ta chu a lian chak angreng khawp mai a. A tira eng vek kha a hmul te a lo dum tan a, a tei kual ve thei tep tep tawh a. A unaupa/nu tur erawh chu 'artui' a la ni reng a, a bulah a awm ve reng tho.

An bu ah hian pawnchhia remchang chang kan thehlut ve thin a, a lum theih nan. Anni pawhin an hmang tangkai thiam khawpin ka hria. :D

Ka ngaihtuah mai mai a, ran note te, sava note te hi an thang chak bik hle mai. Tiang hian mihring hi thang chak ve ta ila te ka tia, a awhawm angreng viau. Mahse anni erawh an dam hun chhung a rei lo a, mihring te erawh a rei thung.

Ni hnih khat chhung lekin an lo thang duak duak mai thin. Chutia an than chak em avang chuan, an nu te enkawl pawh ngai lem lovin an mahni in an in enkawl thei thuai thuai thin. Kan sava note pawh chu a lo lian chak hle mai, a pui nen an intiat thuak tawh a ni. A pui nen an lo awmdun chang phei chuan a khawi zawk nge a note tih pawh en thuak chuan a hriat theih tawh lo. Mahse han en chian tak tak chuan a pui zawk nge nge chu a rawn thlawk chhuak phurh zel.

Ni e, thil an inzirtir thin ani, nungchate hian. He sava note pawh hi thlawh an inzirtir loh chuan a thlawk thiamlo mai ang. A hnuaia thlalak ah hi chuan a la te deuh a, hei aia a len hnu pawh hian a thlawk thiamlo. Inzirtir turin a puiin a note hi lakchhuah ngaihna a hrelo anih ka ring. An awmna hi a bang a sang em a, thlawk thiam sa lo tan chuan thlawh chhuah theihna mai a ni lo. A note pawh chu va kal hnaih deuh hian a hlau thei ltk a, thlawh chhuah tum niawm tak hian a awm ve thin a, a thlawk thei lem hlei lo a.

Chu sava thlawk thiamlo chu, kan nuih a tiza ta em em mai a. Vawikhat chu kan inchhungah kan lalut chhin a, a thlawk thiam nge thiamlo en nan. A thlawk thiamlo chiang mai, a thla chu a zap vei phar phar mahse, khum hnuaiah a tlan lut rang ltk. Kan man leh a, a bawmah bawk chuan kan khung leh ta a.



Mahse a Siamtu siam dan a ni tlat lo a. Thlawk thiamlo reng tur pawh a ni hek lo. Tichuan, vawiin lamah te ka va en leh chuan a lo awm ta reng reng lo mai, hmun hla takah a thlawk chhuak ta anih ka ring!! A aiah tui thar a lo awm leh. :D