Friday, January 30, 2009

Nula Siniar

He khawvela kum 20 chuang erh awrh oxygen hip a hun an hman hnu, India danpui ah kum 20 pelh tawh chuan 'siniar' in tih tur tih a awm hauh lo leh vanram an kai phah dawn a ni tih thu engmah a awm lo tih hre reng chunga engvanga tunlai kan nula te hian "Ka siniar tawh alawm" an tih teh fakau ziah le?

Tun aia kan tet lai deuh chuan nula siniar ka hriat thin chu U Machhungi a ni a, vantlang U a ni. Fiamthu a an sawi thin, "A siniar tawh lutuk a, a dam hlen dawn aniang" an tih ziah thin pawh hi, kan veng naupang hovin U Machhungi an sawina a ni. Khawnvartui pawl hma mai pawh nilo a nula tawh, kan pian hma daih atang tawh a, kan veng tlangval hovin an lo rim chhuah vek tawh a ni. Tunah chuan khang hunlaia amah rimtu tlangval te fa te ho nen khan hnatlan naah an nui ho uar uar zel.

Kan veng thiltihna reng reng ah chuan a tel lo chuan thu an titlu ngam meuh tawh lo, a thurawn ngaichangin pachang pui pui te pawh an thu ang phuau zel. Kum zat hi kan chalah hian rawn bawk chhuak zel ta sela, U Machhungi chal hi chu a khuar lai a awm zeuh zeuh chauhin a rinawm. Mahni puala engkim nei vek tawh a ni chungin pasal neih chu a la tum fan, "Kan la ti huks ang chu" lah hi a ti ve ziah lehnghal.

Tlema nungchang thatloh deuh lah hian mi phone kual lah hi a peih em em lehnghal a, min rawn zilh nek zel. Kan veng naupang ah chuan U Machhungi thu awih lo an awm lo a, nula leh tlangval U Machhungi ngaina lo an awm lo. Nu leh pa te nen phei chuan an titi rei thei hle. Tar te hlei hlei hi a kawm thiam emaw tih mai tur a ni a, an lo in chhaih nui leh ar ar zel.

Kan vengah hian lehkha rawn thleng ta se, a address ah "U Machhungi" ti ringawt mahse, a bo hian ka ring lo asin. Tleirawl/rawlthar thil tih khawmna reng rengah U Machhungi a tel chuan nu leh pa te ngaih a tha em em ringawt bawk.

Vawikhat chu kan veng community hall ah inkhawm a awm a, tah chuan thu a sawi ve a, "Min hrelo te in awm takin, U Machhungi ka nia.." tia bul a han ringawt te kha, awm kan tih pui hliah hliah thin.

U Machhungi chanchin chu sawi tawh lo ang, sikul kan kai tirha kan zirtirtunu nula kha kan sawi ve leh lawk.

Ka sikul kal hmasak ber a ka la hriat reng chu kan zirtirtu nu fel zia kha a ni, kan chhungte a nih mai chu thuhran, a zaidam em em a, min hau ngai lo tlat pek. Chutih lai chuan nula a ni.

Kan lian zel a, uniform hak ngailo chin kan thlen meuh pawhin Kindergarten zirtirtu a la ni fan a, a la nula bawk. Ka nau te zawng zawng a lo enkawl chhuak leh vek a, kan cousin te fa tereuhte te pawh a lo zirtir leh zel.

Tun thlenga a chanchin ka hriat leh pawhin KG zirtirtu a la ni a, a la nula. Pathian zara dam te a kan awm chuan, kan fate pawh a la zirtir zel lo ang tih pawh a sawi theih loh. Ani pawh hi a kum zat a chal mai ni lo, a tukhum thlengin a bawk thluah tawh in ania ka rin ni.

Aw nula hei hi hre teh. I chal chu bawk kher lo mahse, sik leh sa i tawrh tam tawh avanga a tlet deuh sar mai hunah te, kum a thar apianga "A pi" ti tur che pahnih khat tal an lo pian belh hunah chuan siniar tih i induh tawh lo ang. I rualpui ni awm tak taka i ngaih, patling pui pui te pawhin an rawn Pi chut chut hunah che chuan mak pawh i ti ang. "Nula senior jokes" khawi khawi emaw a an thawh i hriat/hmuh hunah pawh tui lo deuha i nuih ruh ruh hunah chuan inti siniar loh mahla, miin an ngai siniar tawh tho tho ang che.

Chuvangin, tunah kum naupangte a intih siniar em em pawh hi a ni lo. I pasal tur, i duhzawng ang taka rilru thianghlim leh tha phei chu pawl ruk zirlai naupangah bak kan hmu tawh lo ang tih tur vel anih hunah chauh nula siniar ka ni lo inti tawh ang che. Chung hunah chuan i duh leh tawh awm bawk si lo.... aaa, ka lehkhazir peihlo thuziak mai mai a ni e. :D

17 comments:

illusionaire said...

i lehkha zir peihlo chu, nula siniar lam deih a ni maw i lo ngaihtuah thin? :P

A ho e mai, tiang siniar ho society in fiamthu thawh nan te an hmang hi. Keipawh siniar lam ho chauh a lawm ka duh, who cares what society says.

i sawi dik khawp mai, tunlai chu naupang te te kum 28-30 vel ho hian siniar ka ni an rawn ti ve ringawt te hi. Maybe such women are called seniors 20 years ago, but times are veryyyy different now. Most women are career focused and gone are the days when a girl's "duty" was to get married before reaching 23. Men and women should keep that in mind, especially men who must seriously stop making fun of our greatest treasure: Women.

Hei hi lo en ve mai mai ru, misual.com ah pawh ka rawn post ang. Advertising viral ah chuan mi la khawih ber aniang, its about how important the Girl Child is.

The girl Effect

Too good, too good!

burgerstud2005 said...

Senior nih hi a awl khawp mai...Christmas lah hi duh aiin a thleng zing...hehe

Val senior nih chuan mi in hmu hlek se,nupui nei tawh rawh min ti thla zen a.Min lah hi an kap thla zen lehnghal a.Ka ning thei khop mai...Lolz

Anonymous said...

Oh my Gawwwddd!! this is hilarious considering...you knoww..... the prediction..tlangval senior tih zawk tinge i ziah zawk loh!
Anyways, who cares about what people say, you can get married at any age you want,18 or 70! Or be single for life! The "nula senior" concept shows how narrow minded society/community we are!! :P

samuelapa said...

U Machhungi ang deuh hi veng tinah an awm fur ang a...
Sande Sikul zirtirtu senior ve deuh tawh pawh hian tleirawl inti nulaho a hau a, "Tunah intih nulat a la hun lo, a hunah chuan in la nula em em ang. Keini a hun taka nulate pawhin nulat te chu kan kham hlui tawh hi" a ti.

Joseph L said...

@ illusionaire - niah. lehkhazir peihlo ngaihtuah tur dang hre lem lo a ni.

@ burgerstud - nupui chu nei tawh mai la, sir. :-)

@ sangi - tlangval siniar ai chuan nula siniar hi lar zawk. actually i think u didnt catch my drift,, its that many young girls started to call themselves as "senior" so early....

Joseph L said...

@ samuelapa - Niaa.. an awm deuh fur ang ka ring. hahaha, a sawi dik khawp mai.

burgerstud2005 said...

Kan vengah hian senior an tam lutuk a.Kum 15 mi vel kan nih lai poha senior a kan sawi ho kha tunah poh an la senior tho a.Chung lai chuan senior hi kan veng nula leh tlangval ten an then a.A senior zinga a hniam ber kha senior an ti a.A dawt leh kha senior most an ti leh a,a senior ber chu super senior an ti.mahse a chunga category ah khi chuan engmah khi ka la pha lo.

Sekibuhchhuak said...

i lehkha zir peih lo thuziak mai maia ni lo maw :-D

Ni e,tunlai tleirawl ho hi an inti siniar hma tak tak a aw! Kan chhang chhang leh rualte hian, ka siniar zuk ti teh fa kau a maw le ! :-)

hruaia said...

gud post! Ngaihnawm khawp mai. Mizo zingah "Nula senior" concept hi sawi a hlawh viau zel.

Mizo mipa security tha tawk nena neih tur hi an vang tawh tiin an sawi fo thin. Mizoram population-ah hmeichhia an tam chho zawk mek a, chung zingah chuan, tar leh naupang te, hmeichhia ten pasal atan an consider theih loh tur, ruihhlo ngai etc te paih vek ila, pasal tur hi an vang fu mai thei.

Mahse, mi an inpeih em, enge an dinhmun pawh hre si lova, pasal nei tawh rawh intih thawr thawr ang hi chu a finthlak loh fu mai.

Hmeichhia chauh a ni lo, Mipa pawhin kan tawng tam viau mai. Nupui mamawh tawh viau leh neih hun tlat tawha min hria an awm a. Nupui nei rawh min ti leh ngawt thin..! Hmeichhe tan phei chuan ninawm theih viau ka ring.

Joseph L said...

@ burgerstud - hahaha, chuti teh thlap thlap chuan class te in thren alaw? a tha viau e, ka awih chiah lo, senior chu i ni ve tawh hrim hrim ang. lol

@ sekibuhchhuak - a siniar tak tak pawhin siniar in inti duhlo ania tiro? :D

@ hruaia - i comment chu a bengvarthlak hle mai. Ni e, hmeichhe tam tak hian pasal tur hi an van viau niin a lang. lehlamah chuan kan duhtui ltk te pawh a ni mahna le, duhtui chu a tluk chu a awmlo alawm. A khat tawka zu va in ve zeuh zeuh te chu a pawi vak dawn em ni te ka tia, thenkhat hi chuan fihlim thlap hi an duh kher bawk si.

Hetia "nei ve tawh mai rawh" an tih hian thutak deuha ti leh infiam mai mai an inkat nawkin a rinawm. Chu erawh kan la tawng ve lem lo a, ka hrethiam chiah lo. :-)

Varte said...

Ka senior eke bal e, ti ho chu an la senior tawk lo a ni chawk... 'Niar tak tak chuan kan sawi peih lo, U Machhungi ang deuh khian Mi zawng zawng U nih hunah meuh chuan sawi ngai lo-in he title hi chu ngah sa a ni mai... hehehee...

illusionaire said...

Sawi dik lutuk, u Din.

Joseph L said...

Nia, Varte chu rawn sawi dik tlat. Kha ngei kha ani ka sawi tum chu... :-)

wonderboy said...

A siniarity lam in sawi nasa tawh sia thildang daih kan sawi teng!!
Pawl 6 naupang ang a rilru thianghlim tih khian thil min hriat chhuahtir tlat. Tunlai thangthar lehzual ho tum mumal neih lo zia leh pawisak em em an nei lo luttuk hi chuan rilru te hi a lo hah ve leh ngawt thin.

Joseph L said...

@ wonderboy - a ni ngawt asin. Lengzem Nov Issue-a "A hnuhnung hnung phungin seh" tih khan tunlai thangthar kan rilru sukthlek chhan chu a tarlang khawpin ka hria.

DayDreamBeliever said...

Enteh Father, za lo deuh a nui toi taks category kha ka thleng tawh tlatin ka hria, mahse Illusionaire in la inti senior lo tur category a a dah bor vel kha ka la ni pha, ka thla a muang leh deuh. Darrokima nula senior cc ziah pakhat te pawh kha min ti hre chhuak e. I ziak tha khop mai. Mahse maw, a hrim2 in "senior" tih label kan in pe vak vak hi chu hmaaan, kan senior ve hma atang tawha ka ngaihmawh tawh. A ho ee. Mi inkiltoih na kan siam bakah, pasal nei tura pressure a nasa ltk a, senior hlauh luatah nei fuh lo zet zet la bang lo.

Joseph L said...

nia, nula senior hi kan pe nasa khawp mai, fiamthu nan tak hian kan hmang nasa.

Nia, tunlai nula ho hi "ka senior tawh a, nangni chu in la naupang" tih hi tawngkam an nei sa teh a, chu chu ania. intih senior loh tur, ka tihna. :-)