Wednesday, April 23, 2008

Chhechhawnga - II

In chung bomb

Kan naupan lai (hihi) hian mi inchung vawm hi kan hrat tlat mai pek a. Bomb hi kan tia, mi rangva inchung hi kan vawm ri dupdup zel a. min hauh veleh kan tlan chhe leh daih zel a. tum khat chu thianpa pakhat nen kan vawm leh triah triah a, a neituten min rawn hau mai bawk si lo a, nuam kha kan ti dun khawp mai a. Chuan, kan vawm zawhin kan kal sawn a, kalkawngah, mi ventilation atangin rora hi kan thun sak bawk a, chutia kan thun mawlh mawlh lai chuan mi pakhat hi rang lutukin a rawn tlan a, keini mipa naupang pahnih chu bangah min rek bet ta. Ka thi dawn emaw ka ti tawh a, inchung kan vawmsak pa kha a lo nia, a rukin min lo veh char char a lo ni. Chutih lai tak chuan, an ventilation atanga rora kan thunsak te kha, an nu ber leh an fanu an rawn chhuak bawk, min rawn an khum ta bawrh bawrh mai, bangah chuan engmah ti thei lovin kan bet dun reng bawk a, hahthlak duh feih feih tak a ni.

Kekawr mawng pawp

Vawikhat chu class 1 kan nih laiin short break zawh hian, class lut hmasa nih hi kan inchuh thin a. Inti thei deuhin ka tlan lut hmasa ber a, ka thutna ka va thlen chuan ka kekawr mawng chu ka thianpa bag zipper ah a in bat tang ta tlat mai a. Kan pawt thla thei lo, midang an rawn lut zel, min rawn pawh pui luai luai... tuman an phelh thei si lo, zirtirtu lo kal tawh dawn bawk si, thianpa Christopher-a chuan, a rem lai laiah ka kekawr chu an zai thler ta a nih kha... ka mawng zawn chu a kaw ta huau mai.. lian tawkin..... kekawrte la ha bawk c lo.. zak ve deuh si, nilengin... ka hum khawm tluan zak... kut chu kham duh tak a ni.

Chhe laklawh

Class x nih lai khan thiannu pakhat bday lawmna ah min sawm ve sia, kan kal ve a... nuam ti deuhin hun kan han hmang ve a.. dar 10 velah kan haw a, a tuk skul kal ngai bawk sia. mahse le, haw kawngah thianpa motor a chhe ta. a nung duh ta thrak lo mai, a tlai tawh si.... dar 11 pelh hnu pawhin chanmari west ah petrol kan la in hip chhuah chhawk zak zak....hahaha.. a thim bawk sia, kan light neih chhun chu, lighter kha ni mai a... kan thawm a hria a ni chek ang chu, a bula in pakhat atangin pitar a rawn chhuak a, torch light min rawn pe ringawt, "in hman zawhah in rawn dah leh dawn nia" a tia a lut leh nghal hmaks.

Nula rim

Inbual zawh tawh dek dek kha chuan nula rim tur emaw kha ti nghal ngawt zel a. Tum khat pawh thianpa pakhat nen inbual zawh chuan inti nalh fahranin nula rim turin kan kal, class 2 vel lek kan la ni. Nula te in chu kan thleng tep tawh a, an in bul ah chuan step rualrem lo fahran mai hi an nei a. Chu sitep rualrem lo fahran maiah chuan a bul atanga a tawp thlengin ka'n lum tak tak mai anih kha. A tawp ka thlen chuan ka tap ta tuar tuar a, kan nula rim tur kha a lo chhuak a, min rawn pawm a, kan inah min dah. :D

Thal lem siam te hi a tha lem lo

Thal tereuhte te siam kha ka uar thei khawp a, naupang lehzual te hi ka siamsak thin a. Ka ta tur kha chu tha deuh hian ka siam a, a hmawrah hian perek te emaw paper pin emaw hi ka dah tel ngei zel a, tichuan thing ah pawh nise ka kap bur deuh chat chat bik thin a ni. Pakhat ka siam zawh chuan intifuh fahranin a test nan ka tia, ka kap dawn a, naupang pakhat hi ka target tur chu ka ken tir a, ka tin vang vang a, ka kah dawn lai tak chuan a hlau leh a, a thil ken chu a lo dahthla hman. Keiin ka lo kap tawh laklawh bawk si, a awmah chuan a bur ta chat mai. Ani lah chu a awma thal bur vu chu a en a, a tap ta chiam a, kei lah chu ka hlauthawng lutuk. A rang arangin ka va phawi sak a, a tap ri a nu ten an hriat phak lohna turah ka hruai a, a tah zawh te te hnuah, thil te ka leisak ta vel a.

Kelawngin bazar-ah

Tunah chuan kan lian ve deuh tawh. Thawmhnaw trawp deuh hlek nena pawn chhuah phei chu zahna chang kan hre tawh lutuk. Kan thenawmah hian mikhual an nei a, an mikhual chuan bazara thil leipui turin min sawm a. Kei chuan aw ka lo ti ve mai a. Tichuan kan kal tan dawn a, kawngpui kan chhuak a, thui pawh kan la kal hma in ka silipar hrui chu a chat ta. Ka haw leh anga, a dang ka bun anga, kan kal thra leh dawn nia ka tih pawhin a phal ta tlat lo mai. Ka silipar khing chu ka khai ta a, kan kal zel a, kelawng chuan Treasury Square vel chu ka vei ta zak zak. Chutah Bazarpui lamah phei leh ang a tia, aia u te a ni bawk sia, ka hnial ngam si lo. Ka tihngaihna hrelo chuan ka silipar lehlam tha zawk pawh chu ka phelh te te a, kelawng chuan bazar chu ka kalpui ta hnak hnak a. Ka zak ve tehreng asin awww

3 comments:

amuana said...

Ka lo chanleh beisei ang ngeiin ka nui leh nasa pek hle. I naupang ang hu in chanchin sawi tur i ngah tlat mai :P. I naupanna hi ngaihnep ngawt chi pawh a lo nih loh hi a :D

Lal Jo-a said...

i ti lawmawm e, pu Dul. Sawi chhuah vak chiloh te pawh a awm nual a.. haha. sawi vek lo ang. :D

sloppy said...

Lmao:-o