Wednesday, May 30, 2012

Regency Hotel kan va test chhin

May 29, 2012 zing ka tho chu ka tihdan thin pangngai angin phone chu ka'n bih nghal vat a, sms 1 a lo awm a. Engemaw ho mai mai a nih ka rin leh nak alaiin ka thianpa U Tin-a message a lo ni a, "Regency Hotel ah zanin chu rawn dine rawh u, midang pawh lo sawm la i duh leh. Kan foods vel hi rawn tryout teh u. Rawn kal dawn chuan confirm vat la," tih hi a lo awm kulh mai a. Ka lawm ngei mai.

Tichuan, chu information dawng tur ang ang ni a ka hriat te chu ka han forward ve leh nghal ta zung zung a. A chhanna ka dawn chu "Yes", "Aw", "OK" tih deuh vek a ni a. U Tin-a pawh chu ka hrilh lehnghal a, tichuan ani pawh chuan table min lo reserve sak ta a.

Regency Hotel hi Mizorama 3 Star category hmasa ber tur a nih avangin ral khat atanga a changkan hmel kan tih kan tih bak chu han belhchian vakna chance hi kan nei lo hle a. Tin, chu mai bakah ka lawm em em na chu, mipui vantlang (public) tan an la hawng lo a, a vir zual ho (ka ti mai) kha a bik takin min lo sawm kual chu niin. He chance duhawm hi bawhpelh chi a ni lo reng reng.

Zan dar 6 a lo rik meuh chuan a ngai te te in Dara nen chiah chuan kan hman leh ta lawl mai a. "Pawilo, kal tho ang" tiin kan inzui phei ta a. Ruah a sur deuh seng seng a, boruak pawh a vawt lek lek a ni.


A building pawh hi an bei nalh hle a, zanah pawh a eng nalh hle. Tin, ground floor ah hian parking area zau tak mai a awm bawk a. 


A chhung lampang kan han melh chho chu, 'chhas' hmel deuh deuh an tam phian mai a, kan zak angreng hle mai a. Mahse, eitur lamin min kohna chu a nat em avangin zak chung chung chuan kan chho ta a, U Tin-a chuan rang lutukin min lo dawngsawng nghal a. Kan table lamah chuan kan innghat phei ve thawr a.

Mi an lo la awm mang lo a, table kil khata nula leh tlangval pakhat bak chu tumah an lo la awm lo a. Keini chu hmanhmawh lo tura min tih angin muang reih rawihin kan han titi te te a, a hnu lamah order te chu kan siam chawp chho ve a. Mi pawh an rawn luh belh zel a, kan khat ve thap chu a ni ber e. Mi chi hrang hrang kan inpawlh a, a then nula chhelo tak tak, a then chhungkua, a then thianzaho, a then inngaizawng, kan chikim angreng hle a ni.


Thla an la chuai chuai bawk a tiin thla te pawh chu kan la ve chawt chawt a, mahse camera pangngai kan ken loh avangin Dara phone chuan kan la ve leh zauh zel a. Ani phone changkang nei ah.


 Rin ai taka kan ei theih phian avang leh an eitur te chu a tui hlawm avangin kan lam belh zel a. Hming mak tak tak te chu kan lam zel a. Tin, anmahni Regency's Special chu kan chah bawk a. Regency's Special tak hi chu a tui kan tih loh zawng tak mai a ni thung, alu leh bawkbawn chawhpawlh vel a ni. A dang erawh a tui ka ti hlawm tak tak.Thla erawh kan la vek lo, kan eitur mawlh ah kan buai a.

 

Rei ngial kan ei hnu chuan kan puar ve ta hle mai a, hei mah aw, kan puar hmel. Kan thut dun kher na chhan hi hre duh in awm takin, in hmachhawna thut hi mipa leh mipa ah chuan a nuam chiah lo a. Ti hian kan thu dun ta mai a ni. Table kan reserve hnem nen, kan kal tlem leh si a, a awl phah ta duai anih hi. :-)




Kan ei zawh chuan lobby lamah thu phei ve reng reng rawh u, min tih avangin lobby lamah chuan kan inkap phei leh nghal a. Ngaiteh, lobby ah chuan sap nula tlangval ti dawn ila, mizo tawng vek an hmang bawk si. Tleirawl te te, an va chhelo in an incheina te a va nalh tak em! Thla kan laksak lo hlauh. Mahse, an camera a thla laksak tura min tih avangin vawi 3 chu thla ka lak sak. 



 Zak map lova thla kan lak mawlh mawlh hnu chuan, haw lam kan hnaih ta a. Thil pakhat an cheina nalh deuh chu, lobby luh chhoh dawn hian light eng khai fual (chandelier) nalh deuh mai an khai a, a ti class riau.

 


Tichuan, khamlo takin dar 8:30 velah chuan kan chhuahsan leh ta a. Gate keeper chuan, "In riak ve dawn nange?" a rawn ti a, "Tinge? An riak vek dawn ami?", "Riah khawm tur an tih kha" a tia, "Khai a, va chakawm ve, mahse thil tihtur kan la nei a, kan kal phawt mai ange," tiin lungni vak lo chung chuan kan kalsan ta a.
 
E, U Tin-a nen kan thlalak ka dah theihnghilh.

12 comments:

TS Khupchong said...

Khai, a va changkan hmel ve. Khawi laiah nge a awm? Ka la hre ngai lo reng reng. Zak map lova in thlalak ho chu han dah tel hram la tha tur aniah! I sawi hmangah chuan Regency Hotel Ṭhalai Remchang a nih duh hmel..:)

lr hlonchhing said...

"Regency Hotel kan va test chhin"-test hi chhin tihna tho a ni lo maw? A heading a dik lo hret a ang.
A changkangin, a nawm hmel khawp mai a.

Joseph L said...

@TS - I la hre ngai lo reng ang chu, an la hawng hleinem. Zak miah lova thlalak hi chu delete leh ah an tang duh tlangpui. I rin dik duh hmel ka ti, han hawng phawt sela.

@LR - I va sawi dik tak. Mahse, "Test chhin" khi a heading ka phuah duh dan a ni ta tlat sia, diklo chung chung pawhin min lo pawmsak zel mai a ni ang chu. Nuam ve reuh lutuk.

mnowluck said...

a double in i lo test elo? :P

caribou said...

A changkang hle mai, kei chu lut ve chhin ila ka lu a hai ka ring.

Aduhi Chawngthu said...

Selected few an sawm che u ni maw test chhin turin. An hawn hunah chuan Facebook velah thlalak hmuh tur a tam leh ngawt ang :D (Mualpui leh Hmuifang ah an la kim vek tawh sia)

Joseph L said...

@mnowluck - yassiii..

@caribou - lu hai na an zuar lo a. :-)

@aduhi - A tam leh viau ang, engemaw hlek ah chuan an lam ri leh sek mai ang. :-)

samuel ralte said...

test chhin hi thangtharte tawng uang a ni a, A dik.
Room hrang2 pawh in round kual lom ni?haha.

H.Vangchhia said...

IVan vannei ve, an hawn hmain i eiin i in bik thlip thlep thei ania.

Thianghlm leh tawplo takin an enkawl theih beisei ila!

Muantea said...

changkang ve ka va kal ve chak e :)

Hermit said...

ti khian in FREEFOOD tihna ami?

NEKRAW said...

changkang hmel khawp mai. gud post