Wednesday, March 28, 2012

Mutchhuak Thuchhuak

Laikhum belin zan mu ka chhing ta’ng e

Silh puan nem te u
In pu hi ka hah avangin min lo tuam r’u aw
Lukham dup tak te u
In lumna pe chhuakin duat takin min lo pawm r’u aw

Aw thosilen duhawm tak te
Ka harh loh nan sehmi lakah min lo hum la
Eng no nalh tak te
Mut ti nuam tawk chiahin i en na pe chhuak la

Zawhte nunnem tak te u
Zahngaiin inngeih takin awm dial dial ula
Aurinna pawimawh tak te u
Khawngaihin zanin chu lo phur lutuk lo ula

Cellphone taima tak te
A pawimawh loh chuan min hrilh lo la
Alarm harhvang tak te
Mut ka kham hma chuan min kaitho lo la

Earphone aw mawi tak te
I rimawi hmangin min awi mu leh rawh le
Ngaihtuahna kal kual chak tak te
Zan a ni tawh a hahchawl ve rawh le

Hlim takin kan inkawm leh dial dial dawn nia

4 comments:

TS Khupchong said...

Ahahaha.. Tha thei pah pah khawp mai! A nachang te lah hi i'n hre khawp a. Min tihlim thei khawp mai.

Aw vaihmite chimawm takte, i tur bawlhhlawh lo dahtha rih la,
Aw thosi ngeiawm ngawih ngawihte, i viii titawp turin i thla han khup ta che.

Ka thiam thlawt lo...hahaha

Joseph L said...

I ti lawmawm thin e, nang nge nge. Ka blog ti khawhar lo tu pakhat ch i ni hrim hrim. I phuah belh thiam phian a, a thluk pawh i siam thiam ka ring. Min lo la siam sak la, a solfa te nen.

Mimihrahsel said...

Ka pu, thu leh hla ah hian i ril! He post hi I phuah rei pawh ka ringlo. I post zan khan ka chhiar a, mahse comment pe turin ka lo thatchhe deuh a :-) Great post!

Joseph L said...

Ka pi, i ti lawmawm e. Mi ti lai trep thin.