Friday, March 16, 2012

Hriat Tirh Hriat Thelh

Sumo Tata Sumo motor hi chu kan hre vek awm e. 1998 kum vela Mary Mount School kan kal lai kha a ni ta in ka hria. Exam lai hi a ni a, Rindika (of Tlangnuam) nen school playground sira thutna ah chuan exam tan hma in lehkha kan zir a, kan thutna atang chuan kawngpui a lang thei a, Rindika chu kawngpui lam a hawi voh voh lai chuan phur tawk hian, “Aaahhh….khu Sumo. A tlan chak a sinnn!” a tih pah chuan en ve tum chuan ka hawi thla ve nghal a. Ui te pakhat mei kawh va a tlan chiam mai hi ka zuk hmu a, thil danglam tak ka lo beisei laia an venga ui pakhat tlan lai mai mai min hmuh chu tawng pawh tawng lovin ka hawi let leh a, lehkha chu ka zir chhunzawm leh ta a. An veng a ni bawk a, ui hming te pawh a hre vek anih dawn hi ka ti rilru a.

            Ani lah chuan Sumo motor chhuak thar TV lama fakna a lo hmuh thin kha a takin a hmu a, ka zuk en ve kha chuan a lo tlan liam tawh a ni maithei, bakah sumo a tih khan motor a ni ang tih ngaihna reng reng ka hre lo bawk a ni. Nupui a nei tawh bawk a, ka rawn sawichhuak mai mai anih hi. Rindik, hmana Sumo tiha min hrilh kha Ui te hming kha emaw ka lo ti char char a.

            He pa bawk hian min lo fuihpawrh hneh thin ngei mai. Tlangnuam Field a kan sports laiin haw ru turin min sawm a, kan haw ru. Kalkawngah chuan a ek a chhuak ta tlat mai a, mi in rel lai hi kan hmu a, “Hetah hian e dun ang,” a ti ta tlat mai a. Field lam chu ka zu en a, sikul naupang chu attendance pe turin kan lam hawi zawng chuan an intlar thup mai a, “Min hmu palh ang, a zahthlak,” ka tih pawh chu a lo ngaihsak tawh lo, a dropping centre chu a lo hawng der tawh a, chutia ka kalpui pa ber a ek tak tlat si avang chuan kei pawh chu……..

Sidney Sheldon – Hei hi chu keimah chauh ka nih bik ka ring lo. Hmeichhe thuziak thiam tak a nih hi ka ring char char a, High School kan kai chhoh hnu khan History Channel ka en uar laiin “Man of Letters” documentary ah chuan Sidney Sheldon chu mipa a ni tih ka hre ve chhaks! Ka lo ngaihzawn ruk vei roh nen! Tun thleng hian Sidney Sheldon hi mipa a ni tiha hrilh hriat tur hi ka la tawng zeuh zeuh.

Bekang Sa (Nutrela) – Chawhmeh tui tak mai Nutrela hi ka hriat tirh khan Alkatra tih tlatin zuk hre pek a! Kan vengah chuan Pu Zauva dawrah khan kan lei thin a, ani lah kha a fel thei em em khawp a, “Pu Zau, alkatra cheng sawm man,” ka tih chuan bo map lovin Nutela cheng sawm man min pe thlap zel.

Pen Drive – Vawikhat chu thianpa Chda hian thil pakhat tha deuh mai, computer USB port a vuah luh mai theih, hard disk anga thil dah theih ni bawk si hi a chhar hlauh mai a. Intithei lutukin a chhar tlai chuan kan thianho in kan inhmukhawm a, kan en laih laih a, 128MB lai chu space a nei ve a ni tih te kan hmu a. Computer a han vuah veleh khan Symtronics tih kha a drive hmingah a rawn lang thin a, Symtronics ti hlirin kan sawi thin. A hnu ah Symtronics chu computer dawr ah kan va zawng ve a, an lo neilo zel lehnghal! Kan awt ve hlawm ngei mai.

            Pendrive a ni tih kan hriat hnuah 1GB chu Rs. 2,000/- in neih zawng zawngin ka’n lei ve ta anih kha. Ka va lawm in a man kha a va lo to tak em! Opa lah chuan 1GB ka nei tih a hria a, 2GB chu Rs. 3,000/- in a pa a lo leitir ve bawk! A lo to ngei mai!

Mace – Thil sawi nana shortcut hman hian min tibuai fo tawh a. Vawikhat chu kan thiannu pakhat nen hian Yahoo Messenger ah kan inbia a. School kan chhuah hlim kha a ni deuh bawk a, enge a tih tum zel tak te ka zawh chuan, “medical lam cu k la tm rng a, tnah cuan azl ah k la om a, mace entrance te hi ka pe phot anga,” tih chu a rawn ziak a. “Anih tak chu,” ka lo ti laklawh tawh si a, MACE entrance chu eng entrance nge ni ang aw? tiin ka rilru a buai hle mai a. Medical lam anih avangin hriatthiam tumin ka han google chiam thin a, Mahatma Gandhi blah blah blah entrance tih vel te chu ka hmuh teuh ber te an ni mai a.

            Ka’n thiante dang medical lama lo kal tawh te chu ka zawt kual a, an lo bo angreng hlawm khawp mai a. A thla a thla tel fe ka buai hnuah amah nen chuan kan inbe leh ta hlauh mai a, hmana kan inbiak naa ka buai zia, MACE entrance chu enge tih vel chu ka zawt ta nge nge a. A thil type ang chiah chuan ka han type leh a… A nuih a za khawp mai a, “Mahse entrance te hi ka pe phawt anga…” a tihna a ni tih min hrilhfiah ta a. Mace tih a ziah zawhah hian entrance tih hian zui kher lo se chu ka hrethiam tho in ka ring a, entrance a rawn telh avang hian ka buai ta ber chu a ni e.



  • Hawi zau vak lo tih takah Lady Antebellum pawh an band hming a ni tih ka hre ngai hleinem! A zaitunu hi a ni ang chu ka lo ti ve ringawt a.

  • MTV Music Video Awards kan en tum hian, ka thiante nen Lady Mister tia a hming an lam nu chu chhelo kan ti hlawm khawp mai a. A hming te chu a va han mak reng reng kan ti a, kan play nawn sek a. A tawpah kan han google chiam a, kan hmuh tum chu kan hmu lo chiang ngei mai. Kan mualpho thui hma in engtin tin emaw Leighton Meester a ni tih kan hre chhuak ta hlauh zawk a!

  • Computer Monitor hi Motherboard tiin ka lo sawi char char thin a. Vawikhat ka nu hian Pu Zawna fapa ten computer thar an neih thu te a rawn sawi a, “Mama, enge a en na ber kha?” a ti a, kei lah chuan “Motherboard” tiin ka’n chhang deuh tlat a, ani lah chuan, “A ni lo, M atanga intan tho chu ania, mahse Motherboard chu a ni lo,” a ti a, “Awihawm loh, Motherboard alawm,” tiin ka chhang tlat sia, min ring zawk aniang, a awih ve mai a.

  • Computer pakhat atang hian email pakhat chauh a neih theih emaw ka ti thin!

  • Kan thianpa pawhin, “Leikapui tih hi Lunglei sawina tiraw?” tiin min zawt tawh.

  • Kan thiannu pakhat pawh hian lmao hi a awmzia a hre si lo a, mi a zawt ngam si lo a, tunlai style deuh aniang chu a tia, a mi biak apiang hnenah a thil type tawpah hian lmao tih hi a telh zel a. “I dam em? lmao”, “I van reh em em, induh ropui si..lmao” a ti ve chiam chiam a, kan hrilhfiah chiah chu, min sik hlawk hlawk mai.

14 comments:

VaiVa said...

Hmanni ah Mumbai a zirlai pakhat pawhin Tanya Tucker hi mipa emaw a lo ti ve char char tho a lawm! :P Ka u fapa pawhin "Beram zawngin bazarah ka kal dawn" tiin a sa ve ngau ngau thin.

ROONEY OPA said...

sidney sheldon, pen drive leh lady antebellum ah khian kan inang. Hihi

ku2 said...

Leikapui= Lunglei :D :D
Kan naupan lai hian Catholic schoolah kan lut nasaa, tawngtai zawhah "In the name of the Father, and of the Son etc" an tih thin hi kan u pakhatin, a lamtawinan "A mi thaw fa" tihtur atia, kum 10 vel ka nih thleng kha chu tawngtai tihtawp nan "A mi thaw fa" ka ti ziah thin...

TS Khupchong said...

Hairehaiiii! A tawp ber lmao khi a hit khawp mai..lmao Kei pawh Sidney Sheldon hi hmeichhe hming emaw ka ti char char thin. Chuan, MZU Professor, Margaret Ch. Zama hi hmanni lawk khan hmeichhia a ni tih ka hre chiah bawk. :P

ahooma said...
This comment has been removed by the author.
ahooma said...

HHAHA. A va tha leh thuai thuai em Imao tih tak hi chu tun thlengin ka la hrethiam chuang tlat lo- tlat lo mai a!

Aduhi Chawngthu said...

Thiltawn inang rau rau sawi ngaihnawm thei bik i nih dawn hi :)

Zaia said...

MACE entrance chu a har ve thawkhat ang a! :)

Lawmsanga Bodom said...

sidney sheldon hi keipawh ka hriatna la rei bik hleinem.. :)
Pendrive khi hit ve aw..

samuel ralte said...

lmao ka hre miah lo.

Joseph L said...

In ti lawmawm hle mai. :-) In comment a ngaihnawm hlawm.

LMAO hre lo tan a google theih reng e. :-)

mpi said...
This comment has been removed by the author.
mpi said...
This comment has been removed by the author.
MissLeo said...

Ka pi poh in cancer chemo khai thin hi sumo a ti ve tho lom..."thenom pa poh karleh trang in a cancer sumo an khai tran don"ti ve hmiah2 lom..hahhaha!