Monday, February 27, 2012

Zei rapthlak dan

            misual(dot)com lama Zei Book part hrang hrang  ka lo chhiar ve tawh te leh Facebook lama Zeiness group admin ka lo nih ve thin na te chuan awmzia a nei em tih phei chu ka hre hlei lo a, a hre tur pawh ka ni chiah in ka in hre lo. MHIP lampangin an hre zawk turah ngai ila (te ti vei duah ila, he thuziak hi in ring deuh zawk mahna).
           
            Tun tumah hian khang ka’n thu chhiar tawh hrang hrang leh thiante thurawn leh titi hrang hrang bawl khawmin i han kur nguai nguai teh ang. Heng kan thu tarlan tur zawng zawng hi a ziaktu pawh hian ka la apply tur chauh a nih hmel a, chuvangin ka thiante (mipa lam a bik takin) kha lo lungngai suh u. Zei dan chu i han zir ho teh ang.

PROJECT: How to be “very zei” a ni tawp - a today’s style approach.

TARGET: V-day thlen leh hma ngei a Chocolate leh Rose par pek tur hmuh.

            A hmasa in Hmeichhe hrang hrang mizia emaw blah blah blah kha ziah deh duah kan tum lo. Mipa tan chuan eng ang mizia pawh i chhai thlu thei tur a ni. Tin, heng zawhna te hi  rilru ah zawhna lo inzawt ila :
           
1)    Bialnu neih i duh em? – Duh. Anih chuan chhiar chhunzawm rawh.
2)    Bialnu neih i duh em? – Duhlo. Duhloh pawhin duh hun i la nei ngei ang, chhiar chhunzawm zel rawh.

HMANRAW NGAI TE:

1) Internet speed tha tak (A theih chuan broadband connection ni ngei se)
2) Mobile network service tha tak (Sim card 2 tal neih theih ni sela)
3) SMS Pack
4) External HDD (Size lian ve tawk tak)
5) Facebook a/c (profile picture ‘cial’ ve tak)
6) Photoshop skill (Photoshop plugin emaw online editing website hriat nual pawh a pawilo)
7) Money (Hei hi universally a thil pawimawh a ni)
8) DSLR Camera (I neih loh pawhin hawh tur nei an tam mai)
9) Android phone (Android kher i neih loh pawhin a theme emaw download a install mai tur)
10) Thian tha, thil chi tinreng (movie, software, mobile apps) nei thei mi, computer chhe siam thiam.

STEP 1 - Hmeichhia i star zawng tak i hmu a

Khawlaiah – Khawlaia i hmuh chuan i thiante hnenah an hriat leh hriat loh i zawt anga, an hriat chuan a phone number i dil anga, a tha phawt. An hriat loh emaw nangmaha i kal lai a nih chuan i DSLR Camera emaw i Android phone chuan a thla lak ruk i tum tur a ni. A hnu a i zawn awlsam na turin. Khawvel a te a, mizo phei chu kan tlem a, engtik ni ah emaw chuan i hrechhuak em em ang.

Birthday party/Chaw ei khawm/ Inneih lawmna etc – Hetiang puipun nikhua ah hian star zawng tak hmuh an awl hle, i star tak i hmuh chuan i hnaih hret hret tur a ni. Tin, i hmanraw tangkai tak DSLR camera chu i awrh lang ngei tur a ni a, tunlaiah chuan an ngaisang tih hria ang che.

            An bul hnai i thlen chuan thiam hmel deuhin (engvak mah hrethiam lo mah la) a settings vel i hmet kual vel vak vak anga, i hmet phe leh zuk thin ang. An lo en reng mai ang che. Tichuan, i hmeh kual vel pah chuan anmahni lam hawiin i camera chu i aim hret hret anga, an hnial lo tih i hmuh rualin i shoot pawp pawp tawh mai dawn a ni. “In en duh em?” tih pahin i en tir anga, nalh thawkhat viau mahse kal nghal mai tur a ni lo. “Heti zawk hian a nalh dawn hi” tiin an awmdan tur i hrilh anga, i tih ang angin an in pose mai ang, DSLR Camera i awrh miau alawm.

            Tichuan, tichuan ka thian…an bulah chuan i awm i awm anga, drinks i neih phei chuan advantage a tam khawp mai. Dawhkan remchangah i thut pui hlawm anga (hmeichhia hi chu a group te te in an awm tlangpui avangin), tichuan in lo khusi hlawm ta viau mai. In titi vel pah chuan an thla chu i lak sak leh zeuh zeuh pah anga, i star tak phei chu i laksak ngun bik avangin a in hrethiam nghal tur a ni.

            “I phone number min lo pe” i tih pawp chuan zaktheilo a ti viau ang che. Nia, i tih pawp chuan a style lo tawp! Chuvangin i phone chu i tibo der tur a ni. “Ka phone ka tibo emaw ni ka hmu miah lo, please in min lo dial sak,” tih pahin i star deuh ber chu i hrilh tur a ni. Tichuan, i phone number i sawi anga, a vawikhatna chu i ring kuit tir tur a ni. “A ring char char, i hmu em?” a ti anga, i hmuh nghal chuan a lem lutuk thei. I hmuh loh miau chuan sawi nawn ngai lovin a lo re-dial leh ang. Tah chuan, dawhkan hnuai thim laia i dah ruk zauh na lai kha i zu en anga, “Hei ka hmu e… thanks lutuk aww” tih pahin a phone number chu i save hmak mai dawn a ni.

Classroom/Inkhawmna/YMA thiltihkhawm: Heng hi chu belchhung sa kan ti mai, a awlsam lutuk a, tactic play vak a ngai lo. Star zawng te chu awlsam te te in an biakpawhna a neih theih zung zung mai.

Tawnsabawp:  Tlangval nih ve chuan hetiang hi a awm ve chawk ania. Zanah i thiante nen emaw nangmah pawhin i lengchhuak a, hmeichhe scooty khalh chhelo zet i hmu ta a…. Engtin??? Um rawh. A tlan chak ve phat phat anga, um zui chi a nih loh chuan a ding daih mai ang. A din chuan mi pangngai tak emaw rilru fim tak pu mi a ni tih hria la, khatiang ang zanah chuan i hnaih loh a fuh maithei. A tlan zui vang vang chuan a tlan tawp na thleng um la, tawnsabawp a ni mai. A phone number chu i nei thei ang. Tlangval, ngai rawh, i tlangval lai na na na chuan a THIANG vek alawm le! I lo inthlahrung ange.


STEP 2 – Tichuan, a phone number chu i lo nei ta a

I hmanraw pakhat SMS Pack kha a pawimawh chho ta khawp mai. I star deuh number chu i nei anih pawhin, i neih zan la la ah emaw i neih tukah emaw sms thawn nghal suh. A rilru takin a lo ngei viau maithei che a, emaw a lo tui vak lo thei a. Chumi reh hun awm vel (ni 3 tal chu ni sela) ah chauh chuan sms i thawn ang.

            I star chu a upat dan azirin i message type dan pawh a dang tur a ni. Tlema puitling ve deuh tawh tur chin a nih chuan hetiang hian i thawn ang.
           
            “Hello, dam m? Ege i tih thin a? :D”

            Naupang deuh hlek a nih chuan..

            “Hiieee….daM Em…??? Ne th thN aa…??”
           
            “Tunge o?” tih reply i dawng nghal ang. Hmeichhe tam tak hian inzep tih vel hi an ngaithei vak lo a, hmeltha deuh phei chuan hetianga be lumlam kual vel tu hi an ngah tih hria la, chuvangin tunge i nih tih sawi pawp mai tur. Chuan, i hmuhna hmun emaw, in inbiakna hmun emaw kha i sawi tel anga, a lo hre mai ang che.

            A vawikhat naah chuan biak zin lutuk loh tur. Chumi hnuah chuan SMS 2/3 bak I thawn tawh lo anga, i reh vang vang ang. Zan a lo ni a, average a lak chuan mi hi dar 10 velah kan mu thin tih hria la. Dar 9 velah chuan i computer on la, i broadband internet chu connect nghal ang che. Goodnight message azawnga sweet thei ang ber chu zawng la, i thawn tur a ni. Tawngkam tha in sial a man an tih kha, message sweet tak emaw ngainatawm takin a rawn reply nghal ang che. La call miah suh ang che. Hmanhmawh a ngai lo tih hriat tur.

            Timed message i schedule anga, a thawh hma ngeia a dawn turin Good Morning message i ziak lehnghal ang. I thawh meuh chuan, a message “Heyyy….Good Morning! I van tho hma em em!” tih emaw i hmu ngei ang. Zan meng rei chunga zing tho hma thei tlat te hi an rilru takin an ngaisang tih hriat tur.

            Regular taka Goodnight leh Good Morning message i thawn zak zak chuan, in in be tlangnel tawh hle a ni tih hria la. A facebook ngai leh ngai loh te zawt la, a profile hming te i zawt anga, “Ka facebook ve ngailo,” emaw “Ka online ve ngai lo aa, ka thiamlo ltk..” a tih pawhin facebook a/c chu a nei tih hriat tur. “Awihawm loh lutuk. I nei reng sia...min hrilh chuan ka rawn add ang che,” i ti anga, tichuan a hrilh mai ang che.

STEP 3 – Facebook ah chuan i va add ta a. Engtin zel nge ni ta ang?

            A hmasa in i facebook profile picture te emaw chu i enchiang ang. A nice leh nice lo te pawh thliar hrang thiam ve ang che. Fiamthu ka duh e mai emaw, kei chu engemaw deuh hian ka ti ve peih lo tih ringawt kha a ni lo ania, a hunlai chuan play thiam ve tur. Nice takin i dah ang, tin, hmeichhe dang profile ah i che nasa viau tur a ni lo. Midang thlalak nalh deuh deuh pawh like lo a, ama thlalak nalh vak lo pawh i like chat chat chuan a rilru takin a lawm veng veng ang.

            Tin, kan hrilh a che. A lutuk hi a awm ania, chin tawk hriat a tha. A thlalak zawng zawng bakah a wall thlenga i thai ran terh tuarh chuan a ning ang che. A man tawk chiah a chet tur. Tin, thlalak nuihzatthlak emaw a lawm zawng tur ni awma i hriat ah chuan i tag zel anga, tin, application “Who will be your girlfriend?” “Who is your crush?” tih velah amah chu result a chhuah tir phet i tum thin tur a ni. Heng hian point tam tak a pek belh ang che.

            Facebook ah chuan i lut ru reng anga, a online leh online loh i chang thin ang. A online lai i hmuh fuh hunah i chat pui anga, “I van fb hrat em em” te i ti anga, “Nangmah anih kha hrat zawk chu” te a lo ti ang. “Ka awihlo, ka luh hi chuan i lo awm ziah, hehehe” te i ti leh anga, a rawn chhan hma che in “Movie te i en ngai em?” i ti anga, “Ngai rapthlakk” a rawn ti ang. I chhan leh hma in i offline thut anga… I call nghal tur a ni.

STEP 4 : In inbe ta a…..

            Nichinah khan server a down thut a….ka lut thei tawh lo reng reng,” i ti anga. “A ni maw? A van mak em em? Keini chu a tha vek asin,” te a rawn ti ang. “Movie chu enge i en thin a?” i ti chho vel anga, a duhzawng kha chu amah aia duh zawk ang hial pawhin i awm tur a ni. Tichuan le, movie thar i hriat ho, a en tawh leh en loh te i zawt chho zel anga. I la hriat ngai si loh movie chhuak thar en chak deuh deuh pawh a lo nei ngei ang, “Nakinah min lo msg la i movie duh ho chu, ka lo download anga, chuan keima download thar ho pawh hi ka lo dah tel hrim hrim anga, chuan ka lo pe ang che aw..” i ti anga, a hnial MIAH LO ang. “Min pek phal phawt te chuan…” te a ti anga, “I tan te chuan phal tehreng mai,” tih pahin i nui der tur a ni (inthiamloh hmel deuhin). Zei lutuk pawh hi a ni lo, innocent ve deuh te hi a ngai thin ania.

            Mahse, kan lo kal ve ringawt chuan a tihchi dawn emaw ni le? tiin a rilru khawih deuh zawk turin i sawi anga, “Engatimaw?” a rawn ti ang. “Ka sawi duh lo…a ho lutuk,” te i ti leh keuh anga, “I ho eee..chutianga inthlahrun na tur a awm lo,” a rawn ti anga,  Green Signal a ni tih hriat tur.

PAUSE: Hmeichhia hi bialpa an neih pawhin single te an anti a, facebook lamah chuan. Tin, chhas nei reng pawhin chhas ka nei lo tih te hi an hrat tih hriat tur a ni a. Nei emaw nei lo emaw, mipa nih chuan….kan tih tawh kha. Neilo anih chuan “Sava thlawk lai chu a perh thlak theih alawm” tih kan hre theuh a. Chhas nei lai anih pawhin “Sava thlawk lai ai chuan a fu lai ngei hi perh thlak a awlsam zawk” tih kha thupui ah neih tlat tur.

STEP 5 : An ina len ringawt hi a tawk lo

            An inah chuan movie pe chuan i va leng dawn ta ngei a. I kal hun tura i sawi zanah chuan i in ready khawp ang. Nangmah in kal suh, i thiante zinga tawng duh deuh ber, kawm nuam deuh ber kha len pui ah i sawm tur a ni. A chhan chu hetiang nikhuaah hian tawng tur haihchham laia min chhanchhuak thin tu an ni fo. Inchei lutuk lo la, chu ai chuan fresh takin, rimtui tawkin kal zawk ang che. Rimtui hi hmeichhia in an ngaina tih hriat tur.

            I len vawikhatna mah nise, chocolate tenau te te emaw lollipop emaw engemaw sweet deuh tal chu i kensak ngei ngei dawn nia. Plus point.

            In titi chho anga, i thianpa chu i introduce anga, hemi hnuah hi chuan i thianpa kutah khan a tawng lam chu innghat deuh rawh. Tawng tam lo tak, cool deuh hi an ngaina hma duh ania! Tichuan, i haw hunah pawh a vei zui vawng vawng mai ang che.

            Zan khat naah chuan, i movie ken sak chu copy sak i tum anga. Hard disk space an nei tlem tlangpui a, anih loh pawhin laptop an hman uar avangin i External HDD chu kawl rih mai turin i ti anga, “Nakinah, i en zawh hunah ka rawn la leh mai ang, ka hmang vak ngai chuang lo,” i ti anga, len leh na chance chu sure loh pawn ngei ngei a lo ni ta!

            Len rei vak loh tur, a khat tawkin fiamthu deuh emaw a lawm zawng tur i phuh chhuak zauh zauh thin dawn nia. A hlim a ni tih i hriat lai, in titi kaltluan lai ngeiin haw i rawt tur a ni. I thianpa in a rawt dawn lo. Tichuan, inthlahlel tawn takin i haw ang.

            Pawna in chhuah hnuah, i thianpa chu a kal hmasa deuh ngei anga. A changtunu tur chu en pahin “In ka thlen hunah ka rawn bia ang che,” te i ti anga, “Naktuk enge i tih dawn?” i ti zui anga, “Engvak mah tih tur ka nei lo, nang zawk?” a tih chuan, “Ka hre lo le, nia, kan inbe leh dawn nia aw..” i ti anga, in in mangtha zui dawn nia. Tihtur pawh nei la, i sacrifice ve dawn nia. In i thlen veleh i bia anga, movie i pek ho zinga a en hmasak tur te i hrilh pahin bazar pui ah i sawm nghal dawn a ni.

            I mut hma in hmana a thla i laksak ho kha, nalh deuh deuhin i edit anga, i phone ah i dahlut nghal vek dawn nia.

STEP 6: Date vawikhatna

            An inah i va sawm emaw inhmuhna tur in siam anih pawhin tlai loh hram hram tum ang che. Hmeichhia hian nghah reng hi an peih lo the mai ania. I thlen chin sms in emaw i hrilh zel dawn nia. In inhmuh veleh i chibai chut ange, a chi vak loh. Inhmuh veleh hian sawi tur hi a vang duh hle a, “Vawiin chu boruak a nuam reuh khawp mai tiraw?” te i ti ang, “Nia…a zia lutuk,” te a lo ti anga. “Kan kal nghal mai dawn mi?” i ti anga, a chhang lo maithei che, “Nia” pawh a ti maithei. A thil hak chu engemaw ber kha nalh i tih thu i sawi dawn nia, “I kawr chu van nalh em em” emaw “I pheikhawk ang chi hi nalh ka ti tawp a, hmeichhia hi a ti lang nu hnap a,” emaw te i ti ang. “Awihawm loh,” a tih pawhin a AWIH tih hriat tur.

Tin, hmeichhia chu kal duhna emaw thil tih pah tur a lo nei ngei ngei ang, tihpui nghal vat vat ang che. In kal kual in kal kual anga, a thil tih tur i tihpui zawh tawh bawk chuan, khawi restaurant ah emaw hruai tum la, “Thil kan ei dawn ami? Kal duh bikna te i nei em? Ka ril tam rapss,” tiin frank hmel deuhin i sawi anga, i bulah chuan a tlangnel nghal sawt mai ang. “Nei em em lo,” a ti ngei anga, i duhna tak ah i kalpui nghal dawn nia.

In thlen hunah pawh a thutna tur te i buaipui sak anga, i thut tir hmasa thlap dawn nia. Han lenkhawthawn-na tur em em a awm loh avangin Restaurant chhungah chuan hun tam tak mahse rei lutuk si lo, i awmpui tur a ni. A ei duhzawng te i zawt anga, a zak der vel ang. “Kei chu hei hi ka duh a…” tiin i duhzawng chu i sawi anga, “Kei pawh kha kha ni mai,” emaw a lo ti anga, a menu chu i en anga, tui ve si, a man tlawm lutuk lo chu kawk pahin, “Hei hi i duh lo mi? Tui lutuk asin,” te i ti anga, “I tih ang ang kha ni mai,” a lo ti anga, i order nghal ang.

Nghah pahin in titi vel anga, hmana i DSLR camera ngei a a thla i laksak kha i phone ah i entir ang. “Min lo thawn ve..” a ti anga, a phone a khawih chhungin i bluetooth name i thlak hman tur a ni. Engemaw awmze nei thui deuh thei ang chi in i thlak ang. Tichuan, in in search vel naah a bluetooth hming chu a lo lang anga, i connect nghal thlap ang…in in thawn chhungin a blutooth name awmzia te i zawt anga, “Ka dah ve mai mai,” a ti ang. “Nang enge?” a ti anga, “Ho lutuk, kinah ka hrilh ang che..” i ti keuh dawn nia. A awmzia tur ril tak story i ngaihtuah chhuah hma chu hrilh kher suh ang che, a zawt sek bawk ang che. Hmeichhia hi an curious thei teh mai ania.

In lo in thawn zo ta bawk a, thlalak chu a en anga, “A van nalh hlawm em em, i van thiam,” te a ti anga, “Nia” ti mai lovin, “Min bawl e mai a…” tih pahin, a lama kun hnai pahin a phone ami chu i va en pui anga. “Hei hi i fb profile picture a i hman atana ka tih ania,” i ti nghal ang. Nalh tih zawk a dang a lo nei der ngei ang, “Aaa…hei ai chuan hei hi ka duh zawk,” a ti anga, “Kei chu hei hi nalh ka ti zawk daih…I sam te hi nalh lutuk a..” te i ti anga, in thil order pawh a rawn thleng zui ve nghal ang.

Ngai reng mah rawh, a fb profile picture a thlak hunah, i nalh tih zawk ngei kha a rawn hmang ang! Lem, in thil ei tur chu ei nghal bawrh bawrh suh. A ei hmasa zawk nih a zak anga, ei hmasa la…chuan ei pah chuan a school kal thin na te, a thian kawm thinte, zan lama a movie en review te i neih pui ang. A thil duhzawng, a tui zawng te i zawt kual anga, nang pawhin i TUINA TAK a nih thu i hrilh ve dawn nia.

In ei zo ta, pawisa pek ve phet a tum ang! A phawrh hma in i phawrh hman ngei ngei tur a ni. “Awii, a nuam lo ee,” a ti anga, “I ho e mai a, kan thianho bulah i la tal tam lo anih kha, kan style alawm” i ti ang. I thiante pawh a ruk takin a ngaina nghal!

Restaurant atanga in chhuah hnuah kawng cross ngei ngei ngaih naah kal pui la, kawng cross dawnah a kut ah i kai dawn nia. Nghet deuhin vuan ang che, tichuan in cross zawh hnua aman a kut a lak thlak mai chuan kai zui suh, an zak hma a, hmeichhia hi chu. A lak thlak loh chuan i kai zui zel dawn nia. Hma i va sawn ta em!

            Kal kual pui hnem lutuk suh, a chau anga, zanah a mut a chhuak hma palh ang. Ho te te ah i kalpui anga, amah pawhin a duhna ah chuan a hruai tho ang che. A duhzawng a en ngun bik thei viau ang, chu chu i chik ru kar dawn nia.

            Tlai lutuk lovah i thlah haw dawn nia. “Zanah ka lo leng ang aw..” tih pahin hawi let zui vak lovin i haw nghal hmak ang. A en zui zeuh zeuh ang che. Zana i len dawn chuan thil engemaw ken sak ang che. Hmeichhia hi an lawmzawng hi thil ho te te atang a intan a, ho te i ken sak pawhin an lawm thiam em em zel.

            An ina i va len chuan a chhungte an lo awm ve ngei anga. Puitling deuhin awm ang che. Amah chauh kawm fal lovin a chhungte pawh chu biak ve zeuh zeuh a tha ang. “He tlangval hi chu a fel dawn hi…” tih pahin ngaihtha takin an mu vat mai ang. An mut hnuah chuan a bulah i thu hnai anga, “I chau viau lo maw? Vawiin kha…” te i ti anga, “Chau lo e, nangmah kha i chau zawk lo maw? Ka thil tihtur min tihpui char char sia,” te a ti ang. “Ka fit alawm,” i ti fiamthu hlut anga, i nui khi suk suk ang. Sawi tur a vang thut nghal ang.

            A changtunu tur chuan, “E taka, i hard disk kha..” a ti anga, “E, ka hre tawh reng reng hleinem,” i ti nghal ang. Va lak a tum anga, “I en zo tawh ami? I en zawh loh chuan a la ngai lo,” te i ti tur a ni. A la en zawh loh pawhin a inthlahrung anga, “Ka en nual a, a then kha chu ka en tawh a,” te a ti ang. “Naktuk zanah a dang ka rawn keng mai ang, touching deuh deuh ka nei sin,” tih pahin i ak anga, i theihnghilh tur a ni lo.

            A chauh ve deuh dawn avangin rei lutuk i leng lo ang. Haw i tum lai chuan, rawn thlah chhuah che a tum anga, a rawn chhuak ve ang. “E, ka theihnghilh trep,” tih pahin a thil tur i kensak kha i pe anga, “Uiii….ngatinge hei hi i lo ken duh? Ka lawm tawp a…mahse min intithlahrung..” a ti chul anga, i nui mai mai ang… “Awiii…thanks lutuk aw…” tih pahin a rawn en che anga, chu tah tak chuan, “A ho lutuk engmah pawh a nih loh kha,” tih pahin i KISS zauh dawn nia.

            A lo hnial vak loh chuan i Kiss nawn leh ang, rei lutuk lo. Chuan, “Ka kal mai ang…in ka thlen veleh ka rawn bia ang che,” i ti anga…i kal nghal tur a ni. Hetiang situation ah hi chuan sawi tur a van thin em avangin awm khawtlai kha awmzia a awmlo.

            Hlawhtling ah inngai rawh! I va PA em!

STEP 7 : How to continue??

            In i thlen chuan i phone i en nghal anga, a sms a lo awm ngei ngei ang! “Thanks again! :-* ” tih a lo awm ang. “more than welcome.. :-*” i ti let ve leh anga. A bak chu i care thiam tawh em em mai tur a ni. Hmeichhia bem em em miah lovin i lo NIH pui ta reng mai!! A va tha em! I call anga, in in call zawhah pawh in in text zel anga. A rawn goodnight hma che chu i mangtha tur a ni lo. A rawn goodnight hnuah, “Butterflies in my bellies…” “Feels like im flying..” tih vel a romantic thei ang berin i thluaithlum chho vel anga. A tawpah…mwwwahh! i tel anga. A lo dawn hunah a rawn “mwaahh” let ve ngei ngei ang. Nuam tawh viau lo maw?

STEP 8 : Hriat ngei ngei tur

1.    A facebook status, thlalak etc te i like sak thin tur a ni.
2.    A problem neih emaw a lungngaih chang chuan hnem i tum anga, tih hlim hram hram i tum dawn nia.
3.    A birthday etc, ni pawimawh ang chi chu i hriat sak em em tur a ni a, a wish hmasa ber ni thin ang che.
4.    I thikthu pe chhe lutuk suh, a har viau ang. Mahse i pek chhiat loh der thiam poh leh a rawn hnaih zawk ang che.
5.    A khat tawkin a lawm zawng thil pe thin ang che. A let tam tak i dawng let ang.
6.    Khawlaiah pawh a chhuah pui che a, a zahpui loh tur che in mahni tawkah i inchei nalh ve thin tur a ni.
7.    I bula a awm a, a thla a muan theih na turin thlamuanpui tlak khawpin i awm thiam tur a ni.
8.    A chang leh sakeibaknei anga kawlh chang i nei anga, a bulah chuan thuro anga zaidam tum hram hram ang che.
9.    In in hauh ni khua ah emaw thinrim changin thiam tum phet suh ang che. I thiam na zawk pawh nise, thiam lo zawk, thuhnuairawlh zawkah i tang thiam tur a ni. A pa zawk.
10. A tana rinawm thei ang berin i awm tur a ni a, hmeichhe dang lakah i lerh san tur a ni lo. Chuti lo chu DAWT i sawi i sawi mai ang.

CONCLUSION - A tawp berah chuan kan thil tum hi thil namai a ni lo tih hriat a tha.

Mi huaisen hmelma hma a zam ngai lo Napoleon-a te pawh tui ang an nem duai duai na, US President Nixon-a meuh pawhin President a nihna atanga a ban phah khawp na, Lalbanga pawhin a lalthuthleng, a laltiang leh a lal lukhum aia a thlan zawk, Indopui lai pawha spy turu leh tangkai ber ber, Watergate Scandal te hial pawh a lo chhuah na, Nanavati Scandal turu te pawh kan hriat phah na HMEICHHIA an ni miau a. Good luck.

41 comments:

TS Khupchong said...

Ka chhiar kham lo. Ka nui nasa lutuk!! Ka hlimpui kher mai. Hetiang lampang ziah hi i zei ka ti thlawt e.

sammypachuau Robawm said...

Ngaihnawm, hlimawm, lawmawm bawk si..... Mi pawisawina tel miah si lo....thanks....:)

ku2 said...

Tlema puitling ve deuh tawh tur chin a nih chuan hetiang hian i thawn ang. “Hello, dam m? Ege i tih thin a? :D” Naupang deuh hlek a nih chuan..
“Hiieee….daM Em…??? Ne th thN aa…??”

Heihi ka van la fuh em! :D

ku2 said...

heihi ka ten em em bawk :D

"..application “Who will be your girlfriend?” “Who is your crush?” tih velah amah chu result a chhuah tir phet i tum thin tur a ni. Heng hian point tam tak a pek belh ang che."

Joseph L said...

@TS - I tan deuha ka tih ania.

@Sammy - Welcome!

@Ku2 - i vAN t l0m0m m2! :-)

ZoJaded said...

Awi awi awi!!!! zei dan hi a rapthlak mah mah!!!!!

VaiVa said...

Rawn ti leh ta... Bai haat teh ang :P

Aduhi Chawngthu said...

A va han turu em! Heng step te hi zawhkim veka Valentine's Day ah i la hawihil cheu chuan.. sawi ngaihna ka hre lo.

Mahse hmanrua nei ve lo ho te tan tihdan a va vang awm ve. Hnai deuh set sawt ah en a, "Ka hmangaih che" tih bur mai tur emni ang?

On a serious note: I think it is a clever satire of the modern Mizo youth and their high maintenance lifestyles, a clear depiction of the materialism that prevails in our society, where one's worth is measured by the gadgets and material things one owns.. te kha ti duah ila.

luliana said...

Practice what you preach :P

Kei chu hetiang hi mamawh ka in ti tawh lo aniang...tralalala :P

Alfred Ralte said...

ka tleirawl lai te pawh min ti hre chhuak rum2 a lawm mawle.hehehe tha khawp mai, chhiar a nuam thin teh e.

H.Vangchhia said...

Rin aiin i type peih phian mai a.

A ngaihnawm phian mai

mesjay said...

Sermon tha tak anih hi lol.

mesjay said...

Sermon tha tak anih hi lol.

funny™ said...

hahaha ava han rapthlak tak veee.

Juggernauts said...

Thra hle mai... Kan va han luck don luai luai tak em... Next V-Day chu... kan nei thra toh hlom don khop mai a... Father a nge nge... Bul han tran la.. i hnung ka lo zui ang... :))

Joseph L said...

@ZoJaded - Rapthlak mah mah aia rapthlak in a chet tak tak hunah chuan chet chhuah zawk tur.

@Vaiva - By Haat ai chuan hriatthiam tum la a tha zawk ang. :-)

@Aduhi - Kan zawh kim thei angemaw chu le. Hmanrua nei lo tana chet dan tur hi phur thut hunah kan rawn ziak leh ang. :-)

Ni e, i sawi ang hian tunlaia kan in chhai kual dan te hi kan khawvel mil zel hian a in her danglam ve thin a. Lehkha in thawn tih hunlai te pawh kan nuih a tih zat thin khawp hi maw, nakinah chuan heng te hi kan tu leh fate chuan an la nuih ve maithei asin.

@luliana - I mamawh lo tak tak em? tih chu zawhna lian tak awm thei a ni.

@alfred - i ti lawmawm hle mai. I tleirawl laia i lo tih thin dan anih hmel a, i lo advance hle mai a. :-)

@HV - nia, type tui laklawh hi chuan tawp mai hi a har thin a, kan ti leh duah zel.

@mesjay - Haha, lo sermon la in vengah. :-)

@funny - chhe ve viau mah ila, chet rapthlak hle tur a ni tawp.

@Juggernauts - Hahaha, i tan te, ka tan te, i hmingpuipa tan te, ania he thil hi kan ziah ni. A bul tan hmasa sa vannei, nakinah chuan a common palh ang. :-)

Henry Lalremruata said...

Boy: I mawngah khan thil a fu ania..
Girl: Engnge a??? buai tawkin
Boy: Ka mit inla zei tawkin....

Chhiar a ninawm mawlh love.Good post Father:D

Cobte Khiangte said...

A tha hleeee mai.. Apply nghal tur anih hi... hehe

dina said...

HA Ha ha!! Father-a chu a ngai tein i lo zei leh tawh a ni maw!! A va ngaihnawm em em ve. Hetiang te hi hmanah khan lo hria ila chu aw....eng teh ruai chu ka ni hauh awm si lo va!! :)

Alejendro said...

Ka zei sawt in ka hria. Hmeichhia hian min star ta huai huai a hriatna ka nei tlat.

Fellington said...

Ava ngaihnawm kher em...chhiar nawn leh ang...apply chi dawn tlat...mahse hmanraw neih loh ka nei nual nih khi...lol

Er. Beethugs said...

DSLR lei nghal teh ang...ngaihnawm ve.....!!

thinchhia said...

iau ke-zungpui lalpa a che leh a ni maw.i blog hi tiang method apply vang hian i bansan ta e maw ka tia..hlimawm in chhiar a nuam leh pek e

Lawmsanga Bodom said...

haha.. thu hi chu va han thiam tak e aww.. ngaihnawm tih piahlam.. :)

janmajit said...

father-a nghe nghe...kan va zei dawn tak em..haha

Citizen of Heaven said...

awi father my grandson, i van ngaihawm ve! i rawn misual duh tawh mang silo. movie d/l sak hi i apply ngun a nih ka ring...'ka sex story' ah pawh khan i apply tho sia!! lol

zei book 4 i ziak zo dawn tawh em?

-i pi blacki

caribou said...

Father-a chu a zei hmel hle mai. Tv ho tan tution kalna chi anih hi le.

maenga said...
This comment has been removed by the author.
maenga said...

tha ltk ka zawm nghal dawn e...

Hlua said...

I va hre changkang angreng e

Lalremruata Renthlei said...

Wow! What a story!

Duhtea said...

turu letuk hian ka hria che a..expt hmel rem rem hle mai...mahse ka D' i khan alo chhiar ve mai ang tih ka hlau deuh tlat mai a..achhan chu ka tactic a man vek dawnsi a!!! :)

Duhtea said...

turu letuk hian ka hria che a..expt hmel rem rem hle mai...mahse ka D' i khan alo chhiar ve mai ang tih ka hlau deuh tlat mai a..achhan chu ka tactic a man vek dawnsi a!!! :)

cream roll said...

LOLzzzzzzzzz.... a pui rep2 hle mai aa... XD !!! i Va pa em tih lai ang bor zeuh2 kha hit takk ani hahahah Nice ...!!!

Joseph L said...

@Henry - Hahaha, i tih dan thin a ni maw? Thanks

@cobtea - a tlai hma a apply nghal char char chi.

@dina - hmanah a hriat theih hleihnem, a tunlai deuh tlat alawm. a la tlai hleinem. :-)

@alejendro - hahaha, chutiang ang hriatna i nei thei anih phei chuan a va tha lehzual em!

@fellington - neih loh pawn hawh pawp mai tur. hehe. I dam mo? i nick chu lung a ti leng reuh.

@Er. Beethugs - Lei nghal rawh, pawisa i neih phawt chuan.

@thinchhia - bansan lo ee le, kan la ti dawn chauh alawm.

@bodom - i va han ti lawmawm suk suk thin tak em!

@janmajit - lo apply nghal rawh aw, chanchin rawn sawi leh la.

@pi black - Haha, i la dam zawk maw? Nia ka reh deuh char char a, movie d/l hi zahzel tha tak a ni reg asin. Zei book part dang pawh a zo tawh, karleh lamah aw.

@caribou - tuition fee a to ngawt ang. akekeke

@Maenga, hlua, remruata - In va ti lawmawm em! Relationship status in thlak theih thuai ka beisei hle.

@Duhtea - Ni e, chhiar tir ve miah suh ang che aw.

@cream roll - Hahaha... a lo inspire rap che a mi? THanks..

puiat said...

Love Game nita se i weapon ho chu hmang thiam veee... X te neih let leh dan han sawi leh teee

lelouch said...

“Butterflies in my bellies…” “Feels like im flying..”hahaa... I zei thlawt a ni....

Mimihrahsel said...

ka chhiar ve chiah. ka nui nasa latak!!! (nihawichi ei pahin :D)
“Butterflies in my bellies…” “Feels like im flying..” heihi ka tran topssss...hahahhaha

Mimihrahsel said...

moving on to part 2 :D

Tetea said...

Haha...nui vur2 paha kan chhiar zawh thraks chule.....:)

CyberThug said...

A va han ropui em em ve aw... Nupui nei tawh sa tan a nula dang chhaithluk dan han ziak leh teh a