Thursday, February 16, 2012

Ka sex story!

Zan dar 8 a ni a, computer hmaah chuan ka blog zogag.wordpress.com ami tur thlalak edit vel pahin hla ka lo ngaithla mai mai a. Mahni chauh pawha ka nuih ka nuih lai chuan ka phone chu a rawn vibrate vu vu a, rang lutukin ka sms dawn chu ka'n bih nghal a, "lo lng rh,tmah omlo a.... ;-)" tih chu ka zuk hmu nghal. A va nuam emm!! 

A message tawpa ";-)" a rawn telh avang hian "If you know what I mean" a ti ni ngei ah ka ngai a, zan hmasa lama movie ka download te chu pendrive ah chuan ka thun sawk sawk a, ka boxer leh tawnzau ka thlak zuai a, body spray rim tui tawk axe rockstar ngei mai chu ka in kap vak vak a. Hetiang situation lawmawm leh hmanhmawhthlak ah hi chuan inbuatsaih a ngai nasa thin reng a ni. Tichuan, an ina kal tur chuan ka chhuak nghal a. Lawks, ka rim chu ka duhdan a ni leh lo.. chocolate rim zawk chu motor ke hawlh thep ang maia ri sur sur a ka in kah hnu chuan ka lim chhuak leh puat a..ka rim pawh a sweet viau chuan ka hria.

Rei ka thang lo, chet ka tum dan zawng zawng rilru a hisap chungin an kawngkhar bulah ka lo ding reng tawh a. Kawngkhar chu ka tihdan thin pangngai angin kan kik karh karh a, chutah sensiari chuan kawngkhar a rawn hawng. Luh hmain an inchhung chu ka bih a, a chhungte an awm lo tih chu ka'n chian leh te te a, chutah rang lutuka ka hma lam ban pah chuan ka'n hlim pawp mai a.....



an purdah chu.


Current a awm la awmlo zui! Hetiang situation (ka ti lehpek thin ang!) ah hi chuan awmlo char char mahse a pawilo zawk. Inchhung a hmuh that theih loh a, tichuan a kut nem tak chuan min kai lut a, a rem rem dap dun dun pah chuan thuthlengah chuan pang insi rialin kan thu thla dun thawr a, chutah chuan inthlakhlehna zawng zawng a rawn par chhuak ta. Ka'n zut riai riai a, a chang leh kan kheuh deuh a, ka sik leh niap niap thin bawk a…….




an thuthleng ban chu.



Current pawh a rawn awm leh tawh a, a room lamah movie ka ken sak te chu computer a dah lut turin kan inzui lut a. Hmuhnawm ka tih zual ho te chu ka hrilh thuak thuak a, "sawi lawk suh...plss plss plssss....ka en hunah a hmuhnawm loh ang" tih pahin ka hmui a rawn hup a. Kei lahin sawi luih ka'n tum vel a, nuam ve deuh mai a nia! Nakin deuhah chuan thingpui min lum a, ka lawm angreng hle. Ka bulah chuan a thingpui rawn chhawp pah chuan a rawn kun du du a, chutah tak chuan ka’n kawm tawk a……….



an kurtai chu.



Boruak a sosang chho tan ta. Kan inhaw lo dun khawp mai. Tichuan ka kuah leh chawt a, kuah pah chuan zawi muangin ka’n phelh a, ka han hnim vang vang a, a hmul deuh thup a, a rim lah chu a ti deuh them them lehnghal a…….



ka mawza chu.



A bu lah chu a tha thup thup ngei mai. Ka'n enchiang a, a var tha sar sar hle lehnghal a. Ka han hum a, ka han hmet vel, ka hmer vel a, ka kut size nen a inmil hle mai, hum pawh a nuam thuap thuap a, a nel thep lehnghal……..



an lehkhabu chu.



Ka lu chunga a lo awm lai reng reng ka hre lo, a var tha em em mai lehnghal a, a mum nalhin han zut vel pawh itawm tak a ni. Ka hmuh theih tura a awm reng avang chuan en ngam si lo, en duh deuh bawk si chuan ka awm reng a………



an tube light chu.



Chutah le, a finishing na tur kan thleng ta. A lo met kawlh tal mai a, mak ka ti lutuk! Mi surprise chiang hle.  A chungah chuan ka kut ka han nghat a, a vum thar mai a. A mam then mai a, a lum vet vet mai lehnghala.........



an ui te chu.



Haw lam te rilru ah a lo awm ta a, a tawp nan tiin ka han kawm leh ngawng ngawng a, ka han liak zeuh zeuh a, a al deuh hlek bawk si, a nal deuh palh bawk a.......



ka hnapkhir chu.



A mitmeng nalh taka min en chungin "La haw suh, ka la ngai che alawm" a rawn tih rual chuan bathroom lam kan pan dun a. A room hi chu tukverh atang miin min lo hmu palh anga, a zahthlak kan ti deuh a, bathroom chu kan pan a ni. A chang leh ka han su zuk zuk a, a chang leh a rawn su bawk bawk a, a chang leh kan pahnihin kan su bawk a….



thawmhnaw chu.



"Ka haw tawh tak tak ange, naktuk zanah ka rawn leng leh dawn nia" tih pahin a tawp nan ka han kuai kak leh a...



an kawngkhar chu.


Rilru a hlawhtling inti takin ka haw ta a...



Note :

1. He thil hi March 9, 2007 a ka ziah tawh a ni a, ka phuah rem leh a ni. http://kekawrte.wordpress.com/2007/03/09/sexy-rasss/ . Ka nuih a tih zat leh em avangin.

2. He thawnthu a inziak zawng zawngah khian zogag.wordpress.com khi true story awmchhun a ni.

21 comments:

Anonymous said...

Ka va han nui hnem mai mai tak em!! Phuahchawp mai mai tur chuan eng emaw hriat chu a ngai a ni! A humor a sang ka ti khawp mai (ti ve khanglang ila..:P) Zan lai laiah min tikhi sĂșng alawm le.. :D

Taia Pu said...

Hahaha. . .a va rapthlak em!

Samuel Putarte said...

Haha, ka tum loh deuh a kan chhiar chu le, i ziak thiam hle mai, min bum chiang khawp mai.

Hriatpuia Pa said...

Haha! Ka mur chum chum mai :-D

Aduhi Chawngthu said...

Hahaha tunlai i rawn comeback tha thuai thuai lutuk hi ka tan tawp che. Min tihlim e, a lawmawm.

PS. Ka blog ah ka lo link miahlo che tih ka hrechhuak a, i phalna tello in i blog hi ka lo link e.

Anonymous said...

this is fune shit, Chuck!

Lal Jo-a said...

@TS - Eng engemaw hi chu kan hre ve a, thiante zarah hian. :-)

@Khabezuma - Nia, keipawh mi rap deuh asin! :-)

@Sangpuiipa - Thiam han tih atan em hi chuan ka inphal lo, mi hi in tha a. Eh! :-) Bumin in awm zeuh zeuh ang.

@Zaia - Mur chum chum hi chuan nerve lam hi ngaihsak deuh tan a ngai tihna ani fo.

@Aduhi - Ka rawn comeback dan hi a H i ti deuh em? lol. Link mawlh teh, a lawmawm ve em asin. Kei hi ka blogroll hi siamthat a ngai tawh khawp mai. :-)

@Gkhiangte - fune? fun and fine? :-)

VaiVa said...

eheeee... zing dar thum a chhiarah chuan le.... :P Miss Aduhi meuhin min chhiar khalh chu le :D

H.Vangchhia said...

AVan tha hlawm reuh e hairehai :D

Anonymous said...

ka nui vur vur mai :-)

Anonymous said...

Any blog that wastes more than a minute of my time deserves a comment! Here's 2!

Anonymous said...

Ka.. nilo.. Mi Sex story rin loh lampang daih.. very funny stuff.. and great initiative on zogag..

ku2 said...

hahaha, In va han che na tehreng emm! Chhiar pahin kan lo kimki chawih2 lom le..

Lawmsanga Bodom said...

min va bum thruai2 ve aw.. :)

Lal Jo-a said...

@Vaiva - Zing dar 3 velah hian tunlai chu a midnight hot tawh zawk asin!

@HV - Nang meuhin tha i tih chuan a lawmawm tih lo chu sawi tur ka nei tla.

@ZoJaded - Khi suk suk bawk la. :-)

@blackestred - a BIG Thanks man!

@kukui - Kha mah mah ka veilam chauh lehnghal. :-)

@Lawmsanga - Ka bum reng mai dawn che u ka tih kha!

LR Hlonchhing said...

Dawt i sawi ril hle mai. Dawt i sawi reng chuan, i blog hi ka lo lut reng ang. Ka va han nui nasa em.

Er. Beethugs said...

Ka chhiar hmain ka nui nghal, ka chhiar a ka nui nasa leh zual. Ka rindan piah lamah min hruai lut daih. :)

luliana said...

huk huk huk! a va zahmawh teuh thei e aw... :D

Lal Jo-a said...

@lr_hlonchhing - Dawt sawi reng pawh hi a ni em em lo asin mawle.

@Er. Beethugs - Nuih hi a tha a nia. Nuih char char mai tur.

@luliana - I va reh ve a, hotupa.

story said...
This comment has been removed by the author.
story said...

first time sex stories