Tuesday, August 4, 2009

My days in MM... flashback

MM doesn't always stand for Music Monday. Lol. A thupui saptawnga ziah a, a tak mizo tawnga ziah te pawh hi a dangdai ve duh a, hman ve zeuh zeuh hi a tha. Hman zan ka exam laiin zan khat chu ka lehkhazir peihlo kha a niang chu, ka ngaihtuahna a kal kual a kal kual a, Mary Mount School kan kal lai ka ngaihtuah chhuak tlat a, ka lung a ti leng vei reuh phian.

Afoni Ajais

He tawngkam hi tun thlengin a awmzia ka la hre thei lo. KG II kan nih lai khan tlar leh tlar hi sikul ban veleh insual tur a ni thin a, tlai khat chu kan tlar leh kan tlar hma chiah te insual hun hi a ni a. Mafelkima te khan, Joseph-a hi chu tuman shock loh tur kha a ti a. An yes thap thap hlawm a. Ka ngaihtuah let leh a, khang hunlai khan keimah kha chu shock loh tur kha ka ni tawp zel, ka hrethiam ta lo chu pawh chu.

Tichuan, ban bell chu a rawn ri a, kan insiam sap sap a. Kan chhuak ta a, school step chhuka ka kal hnak hnak lai chuan kan tlar hmaa thu ve tho David-a chu chak mang khengin a rawn tlan a, mi rawn ko tiah tiah a. Ka lo ding a, ka lo en reng a, ka bul hnai a rawn thlen chuan, chil per deuh chhaps hian, "Afoni Ajaiss" a rawn ti a, a tawng chu ka hrethiam lo nangin, "Khawnge kan shock tur te kha?" a rawn tihna ni ah ka ngai a, hmalam chu kan kawk ve ringawt a.

Zun in hnai

Tuna an auditorium khi kan classroom thin kha a ni a. Bang kha plywood in an dang kual vel mai mai a, class kan la thin kha a nia. Function awm dawn chuan plywood kha an hung sawn mai zel. Stage bul chiah kha kan class anih avangin section dang te aiin zun in kan nei hnai zawk.

Stage dawhsanna bang kha tereuhte hian a pawp a, naupang harh hlawm ta ngang chu kan kheuh kan kheuh a, ni reilote hnuah chuan kan luh theihna tawk vel chuan a kaw ta huau mai a. Short break ah te lunch break ah te, stage hnuaiah chuan kan lut dam dam zel. A hing thei phian lehnghal.

(Tun hnuah hian an siam tha te a nih loh chuan, stage pawp an bel kha hmuh tur a la awm 2000 vel kha chuan. :D )

Kekawr mawng pawp

Vawikhat chu class 1 kan nih laiin short break zawh hian, class lut hmasa nih hi kan inchuh thin a. Inti thei deuhin ka tlan lut hmasa ber a, ka thutna ka va thlen chuan ka kekawr mawng chu ka thianpa bag zipper ah a in bat tang ta tlat mai a. Kan pawt thla thei lo, midang an rawn lut zel, min rawn pawh pui luai luai... tuman an phelh thei si lo, zirtirtu lo kal tawh dawn bawk si, Christopher-an, a rem lai laiah ka kekawr chu an zai thler ta a nih kha. Ka mawng zawn chu a kaw ta huau mai, kutphah tiat velin lian tawkin. Kekawrte la ha bawk si lo, zak ve deuh si, nilengin ka thram khawm tluan zak, kut chu kham duh tak a ni.

Tiffin

Tiffin pai kha chawhmeh nei tui deuh kha chu lunch break ah an luck thei lutuk. Robert-a chawhmeh tui leh tlem bawk thin kha. A chaw zawng zawng sir kilah inthlahrung deuhin a lo in zep ve tat zel a, a tui thei em em mai lehnghal.

Vawikhat HC-a'n tiffin a uchang rep a rawn pai chiah kha chu, a pa hi ka la ti reng. A chaw chungah uchang pathum kha an mu tlar thap mai mawle. HC-a kha chu a bon thei reng reng, Melissa-i tiffin a, a pheikhawk hnuai tla a lo dah sak te kha. Class zawng zawng an fanchhuahpui a, ka ti tawh lo ang, an tih tir a, a kar lakah a lo nuih tu te kuttum a la hmuh zak zak. :-)

MM ka theihnghilh theih lohna tur te

* School ka kal reina ber leh ka luh hmasakna ber a ni.


* Tun thlenga titi naa, hlauhawm sawia, rilru a "Sister hmai plain" etc etc a rawn lan ziahna chhan hi.

* Tumtelel ka siam thiamna, min zirtirtu pawh Malsawma.

* "Nimin" tih tawngkam pawh ka hriat tanna. Nimin tih aiah "Hmanah" ka ti deuh duai duai zel, a hma chuan.

* "Leader" an tih ang chi a ka awm vawikhatna leh a awmchhun a la ni bawk, Blue House leader ka ni thin.

* Leh thil dang zawng zawng ka zirna ti mai ang.

Dairial chang lo se...

* Amanda leh Alison te unau sleeping period a an lo muthlu nasa bik thin lutuk te, kaihthawh an ngaih nasat thin zia te kha aw.

* Lallawmkima'n dawhkan hnuaia sazu a lo khawi thin te.

* Faka nena ink pen tui leh eraser nawi leh eng eng ilo chan sawm vela experiment chi hrang hrang kan tih dun thin te.

* Sir Ajit-a vuak hlau hlawm lutuk, a period chu 'beating period' a kan vuah thin. Hmeichhe thenkhat phei chu a vuak hma hma in an lo tap nasa hman thin (an hming chu puangzar lo mai ang. hehe)

* Miss Ancy min duhsak thin zia leh beng a sih nat theih zia te

* Miss Geeta khan nursery rhymes min zirtir thiam thin... ka mitthlaah a la lang thei. Stomach paining...stomach paining tih vel kan sak laia, a face expression te kha.

* Lalthangmawia leh digene leh ha nawhna.

* Sir Dara leh a "famous quotes" te.

* Ar ke kan lak thin te.

* School lamkhuang kan eiruk tum te kha, a hnai kan hmui vela kai kan tifai leh tha thei si lo. Hmuihmul nei nuauva class a kan va luh leh te.

* Clement a tawng fiahlo rei lutuk, a tawng fiahlo lawma an zai tir ziah te kha.

* Christina kha Mary Mount ah hian sound track nena zai hmasa ber a nih loh pawhin a hmasa pawl a ni awm mange, a mah chiah sound track hmanga zai ka hria. "Elshadai" a sa ngei.

* Andrew-a ten "Words" an sak ve tuma, a chang ngai leh ngai an sak nawn tlut tlut te.

* Engkima ten live music (keyboard pakhat leh guitar effect awmlo pakhat) nen "Wind of change" an sak te.

* Cub pack ah kan tel thin a, a hnuah Boy Scout kan zawm chho leh. Study period aiah class kan nei thin a, nuam thei thin tak a ni ringawt.

* Aklesh-a leh Krishna ten Miss sweet tur an lo eiruk avanga school kan ban tlai em em tum te kha.

* A khat mawi tawkah ek cheh awm leh zauh thin te.

* Class 2 kan nih laiin hmeichhe pakhat lian deuh J-in min chhan thin. A tuition la tur pawh chemte a pai tel ziah, pa tak a ni ringawt. Tunah chuan rawng bawlin missionary ah a tang ta nghe nghe.

* Sawhthing leh chi kha tinreng damdawi a ni tawp thin. Pum nat apiangin kan dil a, lu nat pawhin chuti tho.

* Tiffin ah sa pai phal loh a nia, tui ah erawh acid tui kan pai nasa thei hle.

* Headmistress thar apiang an sual telh telh zel. :-)

* Kan handwriting teacher Sister (a hming ka hre ta lo), ka handwriting en chunga, "Ohh my God... seee .... seee... seee" tih paha, hawi thle lawp lawpa ka biang an piai mai thin kha chu aw. Tun thlengin ka kutziak phei chu a chhe ta reng a.

* Class room tala kan tlawh chhiat tuma, Lalhmingliana leh Lallawmkima an vuak nasat zia te kha aw. A tlawh chhe tu tak kha chu keimah ka ni sia, mahse a hma zawng zawnga lo tlawh tu kha anmahni an nia. Min vaw tel lo hlauh.

* Raj-a love letter tur mizo tawnga kan ziah sak thin te.

* Class 6 kan nih tawhah royal rumble kan ti thin a, tum loh deuhin Malsawmkima kekawr ka pawhthlak sak a, kekawrte a lo ha si lo. Ngaihdam ka dil leh hnu hnu te kha..

* Class 7 kan pass chhuaha Farewell naa Sister in Bible min pek theuh a, a chhungah thu inziak te hi ka lung a ti leng tlat thin.

To,

Joseph L

In remembrance of your days in Mary Mount.

From,

Sr. Amrith

* Hmeichhe inkara kan thu thin a, kan han lai nasa thei khawp a. Nilengin kan nui tut tut zel. Ka bula thu thinte Belinda leh Zorini an fel thei tawp, test naah an tangkai thei lutuk.

Sawi tur la awm zul mahse duhtawk rih ila, a thui dawn lutuk tlat. Khang hun laia naupang tahbelh leh pawr fip fep thin te, tarmit lawk pui pui vuah thin te, hnap tawlh per pur thin te ho te tunah chuan an chhelo tawhin an khal tawh hlawm tawp a ni mai. Theih se chuan "Then and Now" thlalak dah sak vek ka chak. Thil mak tling a ni. hahaha

Heng hun hlimlai zawng zawng leh kan tawn ang tawng ve te, kan chhehvela awm ve reng thin, min boralsan ta te Lalhmingliana (Died. 2002) leh Lalhriatpuia (Died. 2005), hriatchhuah loh theih an ni thin lo.

24 comments:

codeAries said...

HIT bon tops :D uchang hahahaha

mnowluck said...

Hehe .. a good read.. Sweet are the days that are gone by.. :)

keep em cuming

luliana said...

lung i ti leng vawng vawng...insect camel, laiking man, sikul step bul lamkhuang lawh, nu ringi alu chop etc etc...ka sawi seng lo :)

chawngtinleri said...

ngaihnawm ve...lung a ti leng!!

Mimihrahsel said...

heyyy.. ngaihnawm bon top. Ka nui triah2 mai. I kekawr mawng pawp, kutphah tiat chu ka hmu ve chak, kkt ha lo bawk si lai tak kha..hahaha.. keipoh stage hnuai kha ka en chak thei rap, tun thlengin ka en ta lo tih ka hre chhuak. Chuan tlangah "Lasi" a awm kan tih thin bawk kha.. toilet a bal thei rap kan hunlai chuan. Quick tawkin kawngkhar hawng phut, ek alo awm chuan, khar leh nghal..hehe.. Kg 1 to Class 7 ka lut quit ve thak. Lung a ti leng hle mai..

kizkul2 said...

I thil tawn ho cu dangdai hlwm ve o. . Lalhriatpuia kha cu ni e a ngaihom khop mai. . Naupanlaia veng chhung leh biakina thian kom nasat ber thin lo ni bok si nen. . Mhse kal vek tur kn ni si. Neway, . . Nice n vry intresting childhood days

codeAries said...

Ka kekawr kap thler vek leh thirzaia ka thui dan chanchin chu ka sawi lo mai ang :D

Joseph L said...

@Codearies - i chet chhiatna te pawh chu han ziak ve ta law law la, i lo in share kual zel ang u. Sawi loh chi te pawh a tam a, kan sawichhuak duh mahna le.. lolzzz

@mnowluck - yes yes... they sure are. Lets see if i have more adventures at st pauls high.... so that i might be able to keep them coming. lemme think

@luliana - hehehe.. i hre hlui lutuk. nu ringi alu chop leh nu mawii dawr hi a lar tops a ni mai. hehe

@chawngtinleri - lo luangliam ve ringawt elaw? :-)

@Mimi - kekawr mawng pawp hmuh chak tlat... oooh.. pervs alert!! :-) awww,,, "Lasi" ngei mai te pawh kha,, hahaha, mahni a zun kan hlau thin. Kei pawh i luh chen tho ka lut ve a, lung chu a ti leng ve thin khawp mai.

@kizkul2 - tunge i nih chu ka hre mai lo a, i nick hmanah chuan. Mahse, i lo tlawh ve avangin lawmthu ka sawi e. Hriatpuia te ho kha an ngaihawm thin, a nau kha ka hre mah mah zawk thin a, kei tak phei chuan.

Sekibuhchhuak said...

MM doesn't always stand for monday music--- helai tak hi avan dik tak em :-))

Ngaihnawm phian zel mai. Panlai nun ngai hian kan kur kan kur mai zawng anih tawh hi maw ! Senior lamah hi chuan ! :-D

Joseph L said...

@Seki - Emaw an ti deuh nual tawh a, hahaha. Pan lai nun hi kohkir theih se, ka neih chhun tlemte pawh hi ka phal ta ve ang.

Varte said...

Hei vang hi lawm mi te pawhin Nunhlui ngaiin kan her, Hmanlai kan ti vawng vawng an lo tih le, nang chauh i ni lo e, hmanlai hun hi a ngaihawm thin alawm.

I hre reiin i hre hnem hle mai, sawi duh vak loh ho pawh next-ah chuan i sawi vek tawh ang chu... :)

Joseph L said...

@Varte - hriat rei lam pawh a ni lo. Ka thil hriat loh tam tak hretu an awm treuh bawk ang, ka theihnghilh hnem tawh zawk mah mah. incident nuihzatthlak tak tak.. hehehe... sawi chi loh ho chu sawi chi loh tak tak. chhas kan hmu zo lo palh ang.. haha

illusionaire said...

Nangni ang te pawn Memory lane in lo nei pha ve tawh a, min ti tar leh zual :D

Keipawh tun Monday chu ka MM ve ang, mahse hemi MM nilo deuh. :-P

Ziak tha khawp mai. Thil pawh i hre rei. i dam rei viau ang.

Sekibuhchhuak a te chu a sikul lai chu "Sikul sen" an tih thin te chanchin a nia, chuvangin engmah a hrechhuak ve theilo nang ang khi chuan.

Mi said...

Gosh, i envy you! I can hardly remember any of my primary and middle school days :-(
A delightful read indeed.

Joseph L said...

@Kima - Nia in tar tawh alawm. Nupui nei vat rawh. hehe. I ti lawmawm e, dam rei chu han hauh ila.

@Mi - Ty ty. Try asking your old friends, they might come up with some old funny incidents. :-)

mesjay said...

Ngaihnawm lutuk, nuihzatthlak leh lunglen thlak bawk si.

chhangte_ll said...

Ha ha ha....Ka nuih a za khawp mai. I hre rei thei khawp alawm :D

Mos-a said...

keipawh Mary Mount walla tho ka nia. keini chu ih 1984 vel khan KG1 kan lut tan tawh.
ka la hriat chian em em thil pakhat chu ground floor zunin hnaih ber classroom hma a bang hniam deuh ah khan kan class ho kan thu thap a.. an chim mai nih kha. mahse tumah hliam kan awm lo.

chuan maggi company hian maggi an rawn sem thin a. nuam kan ti thei rap.

kan senior te green bag ak fual deuh ho kha chu pa kan ti thei raps.

sir dara hian vawi khat chu period khat ban min kuah tir.

..sikul banah zunin tlangah lasi kan chan thin te kha..

sawi tur tam mai!

Joseph L said...

@mesjay - Ka lawm e.

@chhangte_ll - hre rei thei tho a, hriat loh hi ka ngah khawp asin!

@mos - hehehe maggi company in an rawn sem kha vawikhat chu ka dawng ve. Milo pawh. Maggi kha chu Maggi quiz-a kan chak vangin ania, Milo chu anmahni in adver nan hrim hrim an rawn sem.

Anonymous said...

wow! i va hre rei thei vee..neck tie ah acid dah a, class ah a ruk a fawh zeuh zeuh kha in hun lai in in ching ve em ka hre lo:) 1988 to 1996 ka kal ve..a ngaihawm khawp mai. Mahse sawi tur em em ka hre ta mang lo.

ann said...

its me mapuii.... (k-i) from ann's account......... heheheheheheheeh

ann said...

lalhmingliana(r.i.p), lalengkima leh lallawmkima kha an harh over fal thin... scale a mong holh an hrat theih zia kha... jonathana'n williama a zun a in tir ni molh kha... williama te lah inti tlangval tokin loyola(chennai) ah awm vah2 toh sia o... mi zun in mai2 thin kha... hria se min ngei ngot ang... tini lam en kan chak theih zia kha o, a lar ta phian sia, mhs zai daih a.. sister kirani mi kha??? an tet laia headmistress chhuak kha.. kan tap ve ringot a thlahna kan neih khan. hriat poh kan hre ciang top si lo a... 'till we meet again' kan han sa a... keipoh mm atang ciah hian k zaithiam tih k hria hehehehe.. "twas a happy happy day in the olden time......." song no 2 ni thin khan kan intihsiak ngei... kei aia zaithiam omchhun chu dorisi ciah hehe... lung i ti leng hle mai a... a then in mual min liam san toh a, a then lah in khiang min awihsan bawk a.. a tam zawk te lah khonge an awm tih reng2 kan hre toh bok si lo... "an lung a leng ve ngei ang" tih kha lo dik hle mai a hehe....

Joseph L said...

@Anon - hre tlem zawk mah mah maithei a ni. hehe..Acid mai pawh a ni tawh lo, hajmola leh pudin hara thlengin mawle.

@ann - Hi ann.. oh Mapui. hahaha... I comment hmasa ber, thuiii tawkkkk kha chu i request angin ka delete e, ka chhiar zawh hnu ngei chuan. Hehehe... i lo hre rei khawp alawm kha.

ku2 said...

tah poh ka tlai khohnu... mms ah chuan 6 n 7 ka lut ve a, sir dara kha ka ngai ber. "in the tlangnuam hill one car climb over the girl leg" serious tokin a ti a, kan lo nui khanglanga, min ben nek kha. lung i ti leng.sir thara kha in se ve em oo? a thusawi 1 in tun thlenga ka zirnaah min la encourage char2 thei. love 'em. very ngaihnawm post. e, sir dara khan lasi a hmu thin :)