Shine on you crazy diamond

            Thlasik a ni tawh a, tlai ni tla tur te chuan lunglenna an chawk tho veng veng zel mai thin. Zan boruak thiang kuk kara arsi de zauh zauh te chuan hun kal tawh te min thlir tir a, tlaikhaw vara zai mai loh chu min hnem tu dang a awm lo. Heng hunah hian a ni mizo hla hlui sa a mittui hnam sawk sawk a kan kiu vawng vawng thin ni. 

            Chung kan lunglenna te chuan ngaihtuahna thar min pe a. Krismas hma ngei a kan hranghlui zaithiam te inlar theihna hun siamsak bakah kan lunglenna te min tawmpui tura sawm tha in kan hre ta a. Tichuan, kan hranghlui zaithiam kan tih zual ho, chu hun min hmanpui tura sawm tur thlang chhuakin hun kan hmang chhunzawm a. Kan ngaihtuahnaa lo lut hmasa ber te zinga mi chu “C.F.L. Hmingthanga” a ni.

            “Ani hi khawiah nge a awm?”, “A la dam em?”, “A la zai thei angem?” tih zawhna te chu a rawn lut nghal zut zut a. Engpawhnise, zawnchhuah tha in kan hre ta a. Theihtawpa a hranghlui pui te kan biak kual hnu leh a awmna chin hriat theihna tur hrang hrang kan dap kual hnu ah Phunchawng veng-ah a awm tih chu kan hriat theih awmchhun a ni a.

            November 12, 2011 chuan kan “Oldies party” hmanna hmun tur Valley View en thlithlai pahin, CFL-a zawng tur chuan Phunchawng veng lam chu kan pan thla ta a. Chawhnu her hret a kal kan nih avangin kan tlan chak hle a, Phunchawng kan tlan pelh fe hnu ah ‘a ni tawh em em lo deuh’ tiin mi kan zawt a. “Let leh char char rawh u,” an tih avangin kan tlan let leh a, Phunchawng veng kan thlen chhoh leh chuan dawr kan hmuh hmasak ber atang kan zawt chho tan ta a.

            “Chhung saroast-i dawr han zawng rawh u,” ti chuan min hrilh zel a, chu dawr kan zawn hmuh leh hma chuan dawr 5 vel laiah kan zawt nawn leh hman. A hnu ah a awm na In ni ngeia an sawi chu kan thleng ta rawih mai a.

            Inchhunga lut tlang nghalin, “Pu CFL Hmingthanga hi a awm em?” kan ti a. Anni chuan hmun danga a len thu te min hrilh a, lo nghak turin min ti zui bawk a. Rei deuh fe kan thut chhungin a awmna nu hnen atang chuan a chanchin kan hre nual a. Tawngkam mawilo nilo sela, zu a in nasat avangin damdawiina dah luh tawp tawp thin a nih thu te, camp a luh tir thin a nih thu te, ruihhlo ngai te home lama dah a nih tawh thin thu te chu min hrilh bawrh bawrh a.

            Tichuan, nakin deuhah chuan mi pakhat mit khur thuk dak mai, a hmel en reng reng pawha natna chi hrang hrangin a sual beh mek a ni tih hriat khawpa vun dum tak mai, zozial rawn pak khu talh talh chungin kawngkharah a rawn dak hau mai a. A thawmhnaw pawh suk loh in a ha rei tawh tih a hriat a, a kekawr zipper pawh zip lovin inchhungah chuan a rawn pai lut chhak chhak a. “Hei an nghak rei tawh lutuk che,” ti a a in neitunu in a sawi chiah chuan kan mi hmuh tum CFL-a a ni tih kan hre chiah. Mak kan ti lutuk chu kan hamhaih zo vek.

            Ani chuan bengvar takin, “In van fel em em ve, khawi atangin nge in lo kal a?” tiin min han bia a. Keini pawh chuan rang takin thutna atanga thovin kan chibai zui nghal a. Kan zaithiam ngaihsan leh mizo zingah chuan a aw lunglenthlak kan tih thu te chu kan fah liam liam a. Ani chuan inthlahrung takin muang ban cherh chawrhin min chhang ve zel a. Kan inbiak danah a rilru pawh a pangngai tawh lo hle tih a hriat a, rilru a na duh ngei mai.

            Tichuan, kan kal chhan te, zai ve tura kan duh thu te kan sawi a, a hmun tur te min zawt a, a chak ve zia te, hun a neih phawt chuan tel ve ngei a tum thu te chu min hrilh ta a. Kan titi thui zel a, a hla hlui te chu laptop ah chuan kan han play a, a ngaithla a, a sakpui a, a lung a leng a ni tih hriat takin a mittui a rawn parawl kuang a. A hla hlui a han sakpui te chuan a aw chu CFL-a ngei kha a la ni, mahse a hmel ah chuan a ni ang tih rin ngaihna tur reng reng a awm lo.

            “Ka pu, keini thalai te hian kan la ui si che a, khawngaihin i thil tih thin zu hi chu in tawh lo hram la, i thi hma ang tih kan hlau khawp mai,” tiin inthlahrung takin kan hrilh a. Chuveleh a aw ki a rawn san a, thinrim meng bial pawpin, “Chutiangin min ti suh u,” tiin a kut chuan min kawk kual a. Sawi thui pui chi a ni lo tih hria in, a hla hlui lamah chuan kan kuai lut leh a. A lunglen ngai tho in a lung a leng leh a, Mizo Idol lama a hla “Intawng leh ngei ang” tih a lar thu te chu kan hrilh a, ani pawhin a lo ngaihthlak tawh thu leh, thiam a tih ve zia te a sawi a.

            A thian hluite, an hun laia a zaipui thin te ho chanchin te kan zawt a, a ngaih thu te, an hunlai na na na chuan Mizoram an al hneh ve zia thu te a sawi a. A bik takin U BM-a a ngaih thu a sawi chhuak ngun khawp mai.

            A hla chu kan play sak zel a, a chang leh kut zaizir nen meuh a sak pui a, a chhing vawng vawng a. A hla kan play apiang chu, “Awwww…hei pawh hi,” tiin a sakpui zel a. A hnu deuhah phei chuan a music video hlui te chu kan en tir a, ama zai chu a en ngawih ngawih a, a kuttum humruhin, a awma a beng dawp dawp pahin, “Keimah CFL Hmingthanga….Keimah CFL Hmingthanga” a ti a.

            Hun a kal chak duh ngei mai. Ani pawhin nuam a ti tih a hriat a, kan chhuah pahin min rawn thlah thlap a, phone in thla ka lakpui zuai a, kan kalsan ta a, min vai lauh lauh lai hmel pawh ka mitthla ah a la cham reng mai. A live a ka hmuh hmasak ber leh ka hmuh hnuhnun ber a ni ta. Zofate rimawi khawvel lunghlu pakhat in min kalsan hi a uihawm a, rimawi khawvel hian a ruak pui huai dawn a nih hi.

Remember when you were young, you shone like the sun.

Shine on you crazy diamond.

Now there's a look in your eyes, like black holes in the sky.

Shine on you crazy diamond.

R.I.P C.F.L HMINGTHANGA

Died 09.09.2012

Coming Soon : Annual Cosplay Con Mizoram

 

Join the event on Facebook – Click Here

Official page for Project Z.E.R.O. – Click Here

Mizoram is preparing for its “1^st Annual Cosplay Con Mizoram”, thanks to Project Z.E.R.O. [Zeal Entrepreneur Reformation Operation] for taking the initiative. Well, being a member of the cosplay squad, it makes me shoulder a responsibility to jot down some‘thing’ about the event.

The event which is planned to be held at Millennium Centre roof top on 28^th December, 2012 will be based on the theme “Anime”. So, this makes it clear that you can’t enter the roof top dressed neither as a Marvel comic character nor Hollywood’s bigshot superheroes. If you’re going and you don’t know what character you’re going to cp, you can google them all the time.

The squad aims at bringing Anime fans – big or small, together in a place where they can share what the world has been doing for years. Cosplay has been one big event across the globe for many moons and we see the content smile, the happy faces behind those masked and unmasked characters. Nothing is better than seeing people doing what they love and this event calls for a gathering for fans across the city to quench their thirst.

Cosplayers can enter their name for a competition on this big day and prizes will be given to best cosplay blah blah blah - later. And yet, you can still come to the venue cosplaying some character without participating in the competition.

There are some rules laid down by the organizers for the participants in the competition which you can read at the event page. Yes, check out the event page and see how many people brace themselves for the event.

On the contrary that we believe cosplays are kinky and are meant for big boys and girls, it certainly isn’t. Come and witness the young and pure hearts in action.

We had a promo video shooting and photo session somewhere outside Aizawl and I feel great to be a part of young and energetic guys out here, they’re awesome. Videos and official pictures will be out soon. So stay tuned on the official page.