Tuesday, June 14, 2011

Lam ang ka lo let e….

Hun leh ni te an ral zel a, kum khat a vei meuh chuan thlalaka Rih Dil a hmuh ve tawh mai avanga Ramfangzauva inti ve ringawt pawh a lo lang leh ta hlawl e. “I va vang ve” in rawn ti tliar tliar dawn nia, Vanglaini ka sem thu erawh chu min lo hriatsak hmasa ula.

Vanglaini sawi takah chuan Zorock-a hian Vanglaini (www.youtube.com/watch?v=1WSDgT3hFas) a phuah chhan hi an sawi a – Vawikhat chu Zorock-a hi ramhnuaiah a kal a, a ek a chhuak ta em em mai a, hmun rem deuh a hmuh chuan a e ta a, mahse a mawng thiarna tur lam a lo ngaihtuah lo pek, a zawng kual ruai ta a. Chutah Vanglaini chanchinbu hlui hi a hmu hlauh, a mawng-ek thiar nan chuan a hmang ta a, hla a phuah ta a “Vanglaini te hi…hman dan thiam a va pawimawh em” tiin….

Tunlai Aizawl

Lam ang ka lo let leh na a nih avangin thu ho mai mai i han chhu kual leh vel teh ang.

Mi chi hrang hrang hi kan buai mup mup ni ber hian a hriat a, hman deuha khawlaia thu mai mai kan tih thin te pawh tlai lama a sen chi leina tur engtin nge ka neih theih ang tiin an thian hnai zualte be kualin ‘signal’ thatna hmunah an kut khinghnihin cell phone an hmet a.

Thenkhatin Speak Asia Online survey an buaipui mup mup a, nuai chuang chuang invest te pawh an awm leh ta nawk mai. Chiahpuam atanga kan lo inzir chhuah tawh angin a che hmasa sa vanneihna anih avangin a che hmasa nih tumin hmeichhe lam bikah an buai vut vut mai. Tha tak maw?

Oriflame aia tha tur Jafra a chhuak an ti, tunah Living Forever Products (Aloe Vera) a lar chho leh bawk a. Mipa chenin an buaipui.

Neih nei lova mi thawhchhuah sa hmanga eng eng show emaw buatsaih tumin mi tam tak an phe sup sup a, a tunlai tawngkam takin “Sponsorship Age” ah kan cheng tak meuh meuh a ni.

Camera tha pui pui neiin eng eng photography emaw kan inti sup sup a, an nei sei sei an thiam hmel bik! A lens ania ka tih. Hehe. Thiam hmel tih sawi takah chuan hmanni Malsawma of Malsawma Photography hian tihian mi tia lawm, “Sam te hi zuah tur, hmuihmul te khabe hmul te hi zuah buk chhup tur, kan tuizawng nen a inmil a. Photographer ho theuh theuh kan han din tlar hian midang aiin kan thiam hmel bik” a tia lawm. J Photographer chu ka ni ve chiah lo nangin. Mizo Vocal Band a an hla sak pawh kha “Lumehna ka neih si loh chuan” tih vel em ni kha?

Comedian ho an common hle. Mizo fiamthu hi nuih tur pawh a awm tawh meuh lo. A nuihzatthlak loh lutuk hi a nuihzatthlak tawh zawk. A kuit tlat!

Politician ho pawh an in ngeih leh vak tawh lo a, mipuite an lamtangah an siam leh tan. Inthlan a hnai leh tawh bawk a.

Two wheeler market a lun hle, thla khata motor register thar zawng zawng zinga 90% chu two wheeler.

Facebook khawvel a tih theih ve hial ta. Facebook a/c neilo chu chhas vak tawh lo. J

Gutkha products do na MHIP lamin an kalpui vung hle a, an office pawh dawr tur an awm lo zeuh zeuh thin, “Tiranga an check” an lo ti mai zel. An ti tha khawp mai a, mahse a ei hnem ber pawh a MHIP lam tho hi an nih hmel, kuhva ei sen aiin nula hovin an thlang tlat.

Huau Huau emaw Concert lian tham emaw aiin thianzaho picnic ah kal an thahnem thei zawk.

Mizoram lamah internet te pawh khawih tur a that tawh avangin, computer zirna hrang hrang ah Internet a Free in an zirtir tel thin. A free a zir theih rau rau ah, ka taimakna in tlin se, ka zir ve chak khawp mai, zawh tur ka’n ngah dawn tehreng nen.

Hna a vang a, private firm a hlawh tam vak lovah pawh graduate te duate lo te kan inpek suau suau ta. E taka, hna zawnglai i nih chuan hnaruak.com lo tlawh ve la. J

“Mi rethei leh hausa an awm za a, an lenchhuahna chu Hmuifang a ni” an tih thin Hmuifang pawh a lun vak ta lo, a aia hla deuh Sialsuk tlang a hit leh tawh zawk.

Duhtawk phawts ta ila…thusawi hmingthang em em lo te hi i han thaikawi leh jokes ila…

Thusawi hmingthang lo te

“Mihring hi kan bo laklawh chuan a lo bo theih khawp mai a. Bo laklawh tlat chuan mahni choka ah pawh kan bo tlat zel”

- U Mafaka

“Chem hriam tak pawh hman loh chuan a bil thuai a, chutiang bawkin mipa thil pawh hi hman loh chuan a te tial tial mai a ni”

- Pu Thartea

“Sap ramah te chuan ka kal ve tawh alawm, kan naupan lain kan thenawmah Pu Sapchhuana te an awm a, an ram ah kan kal thin a, sap ram kal chu kan ni mai alawm”

- Pu Machana

“Stress is very stressful”

- Megha Joykumar (Seminar on Stress ah a sawi)

“Zu hi a tha chi, a chhe chi a awm hran lo. Lu a tih hai but theih chuan a tawk”

- U BT-a (Maia te driver sawi ni ta in ka hria)

“Hetiang drinks hi a va tha ve, tarmit power awm bun ang chiahin ka awm mawle”

- Thara

“Airtel balance check dan chhinchhiah dan tha ber chu, arsi one two three leihlawn”

- Sanga

“Internet an tih chu a tha khawp mai, mi tawm ru lai pawh a en theih vek”

- A sawitu ka hre tawh lo

“Nitin hian kan thil chak ber leh kan hreh ber hi tih thin tur an ti a, kei chu ka buai ve lo, chak takin ka mu a, hreh takin ka tho leh thin”

- Anonymous

“Kan hunlai mi leh tunlai mi te hi chu inang thei kan ni lo reng reng. Tunlai mite chu sap tawng changkang tak takin lehkha te an zir a, keini ve tlar 2 tlar 3 ah kan thu a, thle dual dual pahin ‘Ni khat chuuuu…. Zovi nu in….Ka feh dawnnnnn… a ti a” kan ti rual thap thap thin”

- Mi pakhat

Ka mut a chhuak, ka peih tawh lo. Ka hre teuh a, ka theihnghilh zo leh tawh.

12 comments:

Mizohican said...

HAHA FIRST! :D i rawn leh lehna post a first commenter nih hi chu a ropui e sin. Lam tak tak ang u!!! Kum khat lai han update loh chu, bawn tak a ni! :D

i rawn update tha hle mai bawk. i rawn update regu zel kan lo beisei e.

Anonymous said...

Reh ngawt tak. Speak Asia Online Survey khian min chîm. Mahse, ka nel vak lohna chuan inchhir lova mi awmtir ka ring tlat. Comedian an common i ti a, khawiah nge an common? Engah nge i teh? An fiamthu khawia mi nge i chhiar thin. Comedian Search-ah lo chuan comedian-te'n common-na tur hmun an nei ve lo. A nawi nawi an che peih deuh e tih mai loh chu. Fiamthu chhiar tur i duh em em a, common deuh i ning bawk si a nih chuan fiamthuhuang.blogspot.com-ah lut rawh. A tam zawk chu common lo a ni ang a, i luh tlai deuh erawh chuan a lo common hman ang.

Thusawi ropui lo khi tha hlawm khawp mai. A tam zawk chu ka hriat ngai loh a ni.

H.Vangchhia said...

Ilo kir leh chiah a i rawn tlak nghal duah elaw hairehai.

A ngaihnawm phian lehnghal a

Aduhi Chawngthu said...

comeback nei turu khawp mai. With a big bang! I thuziah hi a tluangtlam a chhiar a nuam ka ti. Lo comeback zel teh.

Lal Jo-a said...

@Sandy - Kum khat lai han ip chu a hrehawm khawp mai. :-) I ti ropui thin e, i awm hmunah i lo lam nghek dawn nia. Update zel chu kan tum zel ang chu.

@TS Khupchong - Welcome. Comedian te an common ka tihna awmzia hi third person point of view in han thlir ve la i hriatthiam mai ka ring. Fiamthu Huang blog pawh a tha khawp mai, ka lo en ve ziah dawn nia.'

@HV - Inthlahrung duh bik thak nang, tlak leh duah zel.

@Aduhi - 'I'll be back' tia khawvel ka nghawr nghin hnu khan ka rawn comeback ta chiah a ni e, a ruk te in. Ka lo comeback ziah ange. :-)

The Chhamanator said...

F1rst. A hlimawm hle mai... Welcome back.

Lal Jo-a said...

@Chhama - Nang meuh a hlimawm i tih chuan a hlimawm a ni ang e. Ka lawm e.

Samuel Putarte said...

Ka nuih chiam chule. Thu ziak i thiam hle mai. Thu inhmulo tak tak te i sawi zam thiam vek mai a.

Jerusha said...

Welcome back boss Father! I rawn let leh post pawh hriat ngai loh I rawn dekho treuh a ngaihnawm khawp mai. Speak Asia/Aloe leh cosmetic brand pakhat te khi ka hre ngai lo rere. 'Mihring bo lakloawh' quote khi dik hmel fu

DaGGyLo said...

Ngaihnawm thei e..nang ngei ngei,tluk lo rim i hnam thin ee! Blogging lam ah hian keipoh lam ang ka let ve leh trep toh e..

mnowluck said...

arsi one two three leilawn.. hahaha.. thanks for the tip .. and welcome back

Lal Jo-a said...

@Sangpuiipa - Mai mai thin a, kan hmetkhawm nawk nawk anih hi.

@Jerusha - Thank q thank q. I rawn bo laklawh ve ange aw... i bo tlat mai ang. hehe

@DaggyLo - Rawn let ve tawh teh nang pawh.

@Mnowluck - I lo chhinchhiah kar dawn nia. Thank you.