Wednesday, September 23, 2009

Hringnun

Hmanni deuh khan ka thianpa pakhatin "Hringnun" lehkhabu ka chhiar tawh leh tawh loh thu min rawn zawt a. Kei chuan ka la chhiar loh thu in ka lo chhang a, ani chuan ka chhiar ve atan a it em avangin min rawn thawn vang vang a. Ka lawm kher mai.

"Hringnun - I" tih lehkhabu hi Vanneihtluanga ziah a ni a, chutah chuan Hringnun hi zir reng ngai, zir zawh awm thei si lo leh a zir thiam apiang te hmasawnna a nih thu te kan hmu a. Tin, a bu chhungah hringnun kalkawng chi hrang hrang a kan zir theih tur te a rawn tarlang bawk a ni.

Tichuan, hmanni lawk khan Beihrual thupui ah "Ringtu Nun - Zirna kawngah" tih zirhona neih ni in ka inkhawm ve leh hlauh a, a hlawk thlak ka ti hle mai. Thupui ziaktu chuan zirna ah hian lehkha zir chungchang a rawn sawi ber a, a chhan pawh Mizoram pawn lama kan chhuah hi chuan hnathawk kan nih loh vek chuan lehkha zir kan ni ber a, hei vang hian a rawn thlur bing deuh a ni.

Kan lehkhabu a kan zirlai avanga kan rinna a tihdal theih dan leh chumi lak atanga inven dan te sawi a ni a. Tin, heng kan zirlai hian min ti buai thei dawna kan hriat chuan zir loh ngam mai te pawh a pawi loh thu sawi a ni bawk. Zir loh tur tihna ni lovin, mahni leh mahni kan in thunun theih dawn phawt chuan zir vek tur chu a ni tho e.

Ni e, hringnun hi zirlai a ni. Hetia lehkhazir tura hmun danga kan awm tantirh dawna A Pu Chhuana thu min chah kha ka hrechhuak zawk thin. "Mizoram pel in Vai ramah lehkhazir turin in kal dawn a ni a, in zuk thleng thla anga, in tui in a hal ngei ang. Tuisik mai pawh a 'taste' a lo danglam a ni tih in hriat atangin in zirlai a in tan ang".

"Lehkha chauh emaw kan zir kan tih lai hian thil tamtak kan zir a, nakin zelah pawh mi bula awm dan chenin in vai ram awm hian a lo zirtir che u a ni tih in hrechhuak zel ang". Ni e, tui sik kan han in atang chiah khan kan zirlai chu a lo intan chiah a lo ni.

Artui kan bak thiam ngai lo khan, bai siam te chenin kan lo thiam chhunzawm ta zel a. Kan zirtirtu pakhat chuan heti hian min hrilh a, "Mi in thil an hmuh a, an en liam puat ang hian thil in hmuh reng reng hi en liam ve puat zel mai suh ang che u. Mi hmuh bak hmuh tumin in en thin tur a ni."

Hetianga thil kan thlir thin hi chuan kan thiltih reng reng hi a 'interesting' em em a, a ti nuam a, thil te ber ber te pawh chhuichian tham fe te an lo awm thin a ni tih te kan hriat phah thin. Hetia kan lehkhazir ngawt ngawt ngaihtuah chuan a 'boring' zia chu tuman kan hai lo. Khaw lum leh chhuah apianga "Enga?" tih pui tur awm mang loh naah hian rilru nghet takin kan awm phah thei zawk dawn a ni. Lunglen avanga zirlai zir zo lo a mahni veng lam pan pawh chhiar tham fe kan nih tawh hi.

Krismas kan lo hmang tam chho ve zel a, thil chi hrang hrang kan tawng chho ve zel a. Blog te kan siam a, site te, tin thu te kan ziak bawk thin. Kan thuziak leh chhuah te atanga thil chi hrang hrang kan tawn te hi zan mut theihloh phahna tham zet zet te a ni thin. FIR thehluh mai theih a vau chang te kan han tawk a, a thenin "Ka that dawn che" ti tawk an lo awm bawk a. A chang leh chanchinbu lamah te kan fiamthu an lo la kawi chho kual vel thin a, thutaka lak chi leh ngaihtuah zui lem loh chi te thliar hran thiam a pawimawh thin khawp mai.

Hmana kan thusawi mai mai thin te sawi chi a lo ni tawh lo a. Kan tawngkam ho te te te pawhin mi huat thu an lo sawi palh thin. 'Tiang reng a nih dawn chuan ration card a kan hming a chung bera a awm hun a chakawm loh ngei mai. :-)

15 comments:

Unknown said...

"Tin, heng kan zirlai hian min ti buai thei dawna kan hriat chuan zir loh ngam mai te pawh a pawi loh thu sawi a ni bawk"

Hei hi ka lo tawn ve tawh ani tlat, mahse, "Kan khawvel lehkha zirna hian Thlarau lam Chhandamna a sawitel lo tlata" sawithui lo mai teh ang.

Nia, Hringnun hi thil zirtur hlirin a kat nuk mai. Lehkhathiam IQ sângtak pawh Social Intelligence vis-a-vis his/her Social Milieu a neihthat loh chuan nupa leh khawtlâng chungchângah buaina namen loh a tawk fo ang. "The more I learned, the less I know" tih hi a dik ngawtin ka hria, tun thlengin nitin chu ka la inzir ve bauh bauh reng e :)

Varte said...

A dik khawp mai, Hringnun zingkawngah hian zirlai a tam ngiang a, a zir peih leh chik peih deuh hi an ding chang mai thin a lo ni e.

Aduhi Chawngthu said...

Ziak tha hle mai, ration card a i hming a chung bera a awm hunah phei chuan ziak tha lehzual ngei tura beisei i ni.

Sekibuhchhuak said...

HRINGNUN - kawng chhuk cho hi zir tham ani a, zir chhuah sen lah anih hek lo ! A zir tam apiangin, hriat belh an duh mai zang chu ani si a.

Chutihrual chuan i sawi ang hian, thil hi a hlimawm zawng leh aphurawm zawng hian la thiam zel ila ; chu chu HRINGNUN-ah kan zirna kawngah pawh hian, hlawhtlina atana pawimawh takte pawh ani thei awm asin !

Hriatpuia Pa said...

A tha hle mai. Hringnun zirlai hi zir zawh a awm dawn lo a ni ang.

Kan thianpain, 'Han Indan (In luah hrang) chuan Chi te pawh hian man a lo nei vek mai!' a ti fiamthu thin. Ration Card-a a chungnung bera hming a chuan hunah chuan.......... :D

luliana said...

keichu ration card-ah hian a chung berah ka hming a awm har ngawt ang :P (thutak deuh i ziah tum pawhin a ho lai ber ka la rawn thur chhuak tho mawle...tinge le :P)

Lal Jo-a said...

@chhangte_ll - Tunlai chu ka blog update a khat riau a, ziah mood ah a awm loh theih ngei mai. Rawn bawrchuar deuh nuaih maithei a ni. Ni e, Hringnun chu zir ve bauh bauh reng mai tur a lo ni.

@varte - I ti dik thlois

@aduhi - A awm ve Ni te a la thleng ngai a nih chuan. :-)

@Seki - Ni e, a hlimawm zawnga thil lakthiam hi a pawimawh. Nuih deuh reng mai hi a tha a, mihring pawh hian kan ngeih khawp mai.

@Zaia - Hahaha, nia mawle. Chi thleng hian man a lo nei vek mai thin alawm le, buaithlak duh khawp mai. kan 'inhmuchhuak' thar awn awn mai reng a nih hi .

@luliana - Hringnun a hlimawm zawnga la thiam pawlah i awm tihna a ni mai awm mange a! :D

zama said...

A hmasa in i titha bik hle mai...keipon tih kan tum vwe tan ang e..rilrua thil awm tam tak tarlan a hun ve tawh in ka hria...
NI e,hringnun hi zirtur hlirin a inchhawpchho a,kan dam rei poh leh kan zir tam a ni mai...mi pakhat ka ngaihsan em em mai chuan,ka Pa hnenah,"tun thlengin kutziakmawi hi ka la zir a ni" a ti a,a kum ngaihtuah chuan,ka zak chem2 mai..keiin bu khat poh ka ziak zo tha peih lo chu ani si a. Mizo pahnih kan awm ve a,kan khuaah hian,mahse lunglen ka hre hman meuh lo, Lal Isua nen engkim a nuam fo thin...tiin kan khar ang e...

wonderboy said...

Lengzem ah tawi te te in an rawn ziak thin a. A chhiar a manhla thei khawp mai. Part 2 an tih chhuah leh hunah pawh chhiar leh ngei i tum leh dawn nia.

Tin i phuah belh thiam khawp mai.

Ration card i sawi lan tak danah khian hukss a hnai deuh tran tawh a ni chiang mai..hahaha

Lal Jo-a said...

@Zama - E khai, han ti ve tak tak teh. Paratha i heh ang bawkin hei hi chu i tihmi niin ka hria. KG ka zir atanga Class 12 ka nih thleng khan 'Handwriting' note book hi ka nei reng asin, 12 kan nih te khan homework nitin handwriting nalh tum tawkin phek 4 ka ziak ziah. :-) Ka ti thei thlawt lo.

@wonderboy - Huks lampang chu la hnaih hmel loh khawps mai. Nangni ho in in ti hmasa ang chu. :-)

Mimihrahsel said...

I bai siam chu a tui ve tho em? :P

Ziak tha khawp mai, ka thianpa nge nge :-) "tui" i sawi khian, mizoram "tui" tui zia hi i ngai ve thin em? kan boruak nawm bik zia te? Kan ram hi chu a lo nuam ani, ka'n ti daih teh ang. OT lutuk lem lo ang chu. hehe

Lal Jo-a said...

@mimi - Tui ve tho e, fak der te chuan. akekeke... OT lutuk lo e, a lo nuam takzet zet a ni. Mahse, beautician hian min siam hmeltha tur chuan min siam hmelchhe phawt thin ami kha? :-)

Michael Fanai said...

Hei ngei hi anih hi i lo chhiar ve tura mi tlaktlai lo deuh pa ka lo thawn kha..

zama said...

@joseph L;/- chu,va lo titha lehxual ve a...chhang eiruk chauh emaw i tih thin ka lo tia..kha,i eicha ta vek maw ni..an titop ta daih a...

Jesleen Awmi said...

hey nicely done...naupang tete hian in van lo tawng/experience hnem bikin,in van ril thei bik..when i was your age i dont think i was this wise at all!!i agree with what youve written and yes every step taken in life is a learning experience.."Tin, heng kan zirlai hian min ti buai thei dawna kan hriat chuan zir loh ngam mai te pawh a pawi loh thu sawi a ni bawk" hei tak hi chu ka pawm lo...I think one should read and learn everything and shoulnt shy away from what we think is greater than us at that time...ka zuk zir ngam loh chuan kumkhua in kha thil ka ka hneh lo aniang asin..ka tlan chhiatsan miau a...ka zuk zir anga ,ka hrethiam anga,min tih buai leh,a chhuah dan kawng chu ka hai chhuak leh mai dawn alom....nge i sawi point khi ka man lo zawk...ka chhiar a min ti serious zo vek..:)