Friday, January 20, 2012

Oldies Party kan nei a...

December 16, 2011 khan Valley View, Phunchawngah thiante nen Oldies Party kan nei a, a hlimawmin a nuam hle. He hunah hian hla hlui chi hrang hrang live music nena remin kan ngaithla a, kan lam nasa hle. A tui zual ho phei chu dar 3 thleng kan awm a, arsa nen eng eng emaw nen a nuam viau mai.

Zaithiam hranghlui Lalhungchhungi Pachuau, Zosangliani, Sailothangi Sailo, C. Lalengliana, Hualrozama, Vanlalhlana ten min rawn tawiawm a, tin, Mizo Idol 2009 top 3 Lalhmingliana (Hmingtea) a rawn che ve bawk. Ruth (FM Zoawi) in programme a kaihruai tha hle bawk, a zei tops. House band ah hian kan naute band Stomp Voltage kan sawm a, la naupang te te an nih bakah an music play ngai loh zawng tak mai an play a, mahse kan rin ai daihin an rawn che hit a, mi thenkhat comment danah phei chuan, "Aizawl party ah chuan hetiang bak hi a awm lo ang" an ti ve nia. Hotel Sangchia hovin eitur tuihnai tak tak an la rawn chhawp chhuak zui a. Khamlo takin hun kan hmang liam a ni ber.


A chang leh a hot deuh a, a chang leh muang fan raih in kan lam leh a, a chang leh kan in zui duah duah a. Kei phei chu a tuk tukleh thlengin ka rawl a ni ber e. Kan phur a, request a lut zut zut a, kan zai leh thin a, kan tawp dawn tawh emaw tih pawhin, kan tan leh zel a ni ber e. Han sawichhuah dan vak ka thiam lo e, video thenkhat hi vawm bei thlawp thlawp teh ang.

Dam chuan kumin kum tawp lamah buatsaih leh ngei kan tum a, in lo kal ve vek dawn nia. :-)














5 comments:

TS Khupchong said...

A nawm hmel tak hle mai.

H.Vangchhia said...

Ka tel peihna chi tak hairehai. A nawm dawn mip mep kha mawle.

Zaia said...

A nawm hmel hle mai. I va blog khat ve!?

Geminiboyz said...

A nawm dawn chu leee. Hlim taka hun hman theih hi a hlu a nia

Joseph L said...

@In vaiin : Kan ti leh anih chuan in lo kal vek dawn nia. :-)