Monday, April 19, 2010

St. Augustine’s Pears


Kan khua chu khaw lian pawh a ni lo, tuipui kam maia awm, In 150 bawr vel chauh kan ni. A chhunga cheng te chu kan inngeih em em a, hlim taka inkawm chungin ni te kan hmang liam thin. Tlai ni tla tur ina lui tui cham put mai a han chhun tle sar sar thin mai leh, thing te a han chhun eng nghulh te chuan kan lung a ti awi ve tawk em em a ni.

Kan khuaah chuan putar fel tak mai Pu Augustine-a a awm a, a In bul maiah hian pear kung pathum lai a nei nghe nghe. A rah tam thei em em a, a rah hunlai phei chuan naupang ho hi min ko lut a, a pear te chu min ei tir thin. Amah chauha awm a ni a, a khawhar hnem nan tiin naupang ho chu min kawi khawm a, thawnthu te min hrilh thin a ni.

Zan khat chu keimah chauhin inah ka lo awm a, tukverhah dakchhuakin thli thaw heuh heuh kara hriat phak riai riai a naupang hovin ‘Amazing grace’ an sak chu ka lo ngaithla mai mai a. Chutih lai chuan kawngkhar kik thawm a rawn ri nghal zat a. Ka va hawn chuan ka thiante ho an lo ni a, leng chhuak ve turin min rawn sawm a ni. Ka chhungte hmun danga chaw ei a an chhuah avanga keimaha ina awm ka ni bawk a, kal ve mai tur chuan ka insiam nghal a, ka phur hle. Chutiang ang huna mipa naupang kum 14 mi ina tawm reng chu a ninawm ve bawk em a ni.

Kalkawnga infiam pah chung zelin khawlai chu kan fang hneh hle a, kan incho phur zel a, thil chi hrang hrang kan intihsiak nasa hle. Chutia ngaihtuah pawh nei lem lova kan kal zel lai chuan Pu Augustine-a In bul maiah chuan kan lo ding der tawh. Zan a tlai deuh tawh avang leh ani kum upa deuh tawh chu a mu tawh ni ngei tur a ni, a in chu a thim thiap mai.

Chutih lai chuan kan zinga pakhat chuan, “Hawh u, Pu Augustine-a pear hi lo ru ang u,” a rawn ti a. A tam zawk chuan kan duh nghal mai a, thenkhat chuan, “A tihchi loh ang, thildangin infiam leh zawk ang u, kan ti lutuk tawh mah mah,” an rawn ti a. Mahse a tam zawkin ruk ve hrim hrim chu ‘pa’ thlak riaua kan ngaih avangin a huan hungna pal chu kan zuan khum a, pear chu mahni duhtawk theuh kan lo ta mial mial mai a, nuam kan ti hle.

Chutia putar lu tuak var vu tawh, zang kul deuh da, mahni chauha awm pear kan lawh ruk sak avang chuan ka mizia ka hloh reng a lo ni. Ni e, ka ze tha ka hloh a lo ni.

Hun leh ni te an her liam zel a, tunah chuan kei pawh ka lo upa ve ta in, ka sam te pawh a lo tuak var ve ta vu mai. Thil pakhat ka nun vaw hrehawm em em tu a awm. Hmana ka naupan laia Pu Augustine-a pear ka lawh ruk khan vawiin ni thleng hian min nghawng a, ka rilruah a cham reng a, hliam ser reh thei lo a siam a ni. Kha putar fel tak mai lakah khan engvangin nge rilru thalo ka lo put theih?

Theih nise, ka tha leh zung neih zawng zawng pawh hian kha hun kha siam that leh ka chak. Mahse a theih tawh si loh. Ka rilru vaw na tu ber chu, thil thalo a ni tih hre reng khan engvangin nge ka lo tih luih? Ka riltam leh eitur nei lo khawpa rethei ka nih vang pawh ni miah lo a, paih leh mai mai tura engvanga pear kha ru nge ka nih? Pear kha ka ngaina in ka ei chak em em pawh a ni tawp si lo a.

Mihring te hian engvangin nge thil thalo hi tih kan chak tlat zel a? Kan thil duhlo tur tur te hi a hnua inchhir kumkhua leh tura kan tih luih thin? Thil tih phalloh na na na te hian zawlaidi tha tak an nei emaw tih mai tura engvanga tilui chak tlat thin nge kan nih le?


Late one night I heard a knock at the door
The boys were really painting the town
I was just another bored teenage boy
Kickin' up and actin' the clown...

One dare led to another dare
Then things were getting out of control
We hopped the fence and we stole the pears
And I threw away a part of my soul
Yes, I threw away a part of my soul

Time goes by - now I'm old and grey
Those pears are just a memory
I would gladly pay all I have today
But that's just not the problem you see...

'Cause it's haunting me how I stole those pears
'Cause I loved the wrong
Even though I knew a better way
Not for hunger or poverty
It was more than pears that I ended up throwin' away...

Why do we love all the things that are wrong?
Forbidden fruit has a strange siren song
Why do we do what we don't want to do?
When we live with regrets our whole lifethrough
And I don't even like pears that well...

13 comments:

Michael Fanai said...

Sir, i bei ngaihnawm thin e.

A thalo zawk hi zawm a lo nuam tlat thin anih hi maw....

Unknown said...

Ngaihnawm tawpz.... I likeee

Zorema said...

He hla hi nalh kan ti thei khawp mai..kan high school kal lai chuan in perh siak nan teh kan hmang thian.. ngaihnawm hle mai

Varte said...

nia, hei hi chu Mihringin kan pianpui sual a ni awm e, thil tha tih ka duh laiin keimahah sualna-in hna a thawk tiin Tirhkoh Paula meuh pawh a chiau vawng vawng ve bawk ania..

Mahni theuha sual hneh tur chuan mahni tho hi kan pawimawh, a chhan chu sual kha a hranpa-in a lokal bik lo a, sual tih kan tum lai pawh hian thil tha tih duhna rilru chu kan pu tho, chu zawk chu mahni-ah hian Thanglian tura kan beih reng a ngai ve bawk ania... Sermon ka va ang ve..

Lal Jo-a said...

@Michael - Sir, i ti lawmawm thin e. A thalo na na na hi a nuam zawk a ni ziah bawk sia tin ni tiro..? hehe

@lalram - Ve tehmial che chuan. Thank you...

@Zorema - Nakinah perh leh la, hehe. I ti lawmawm e, i blog pawh chu bul han tan tha leh thuai teh.

@Varte - E, rawn sermon chiam rawh,. a ho ltk, a leng vek. :-) Hmanni ka zing tho, st augustines pears hla ka ngaithla chu, ka rilru a rawn lut thut a, zeldin thawnthu ka'n han phuah chho ta vel a ni.

Mizohican said...

A va ngaihnawm reuh. Ziak tha khawp mai.

thinchhia said...

haha ka ngaithla nasa thei he hla hi. thuziak hi i thiam roh riau mai.cowboy bu te han ziak la mole haha

David Lutmang said...

Kan sawi ve chiam teh ang...

Mihring hi, kan Five Senses ten information kan thluaka an rawn lakluh kan duh ang hawi zawnga kan process dan a zirin sual lam kawng emaw, thra lam kawng ermaw kan zawh thin.

Chumi atan chuan siater Varte sawi ang khian, keimahni theuh hi thutlukna siam tu tur kan ni.

Wateve, Ziak tha khawps mai. Kan thianpa Electronics zuk train chhuak in a U Tailoring dawra Bike chhe siamna dawr a hawng ang deuh khan, Novelist ah i chhuak daihin ka ring :)

Te-a said...

Ngaihtuahna ril tak phawrh chhuah hi nuam dangdai tak a ni.
A ngaihnawm khawp mai.

Lal Jo-a said...

@kima - i ti lawmawm thin e.

@thinchhia - cowboy bu lampang te chu nangin i ziak thiam viau tak ang chu. Khu deuh rum rum thei ang chu, a bu ringawt pawh. :-)

@David - Bengvarthlak thin teh e. Novelist a chhuah daih pawh chu a tha viau ang a, haha.

@Te-a - I rawn tlawh ve teh mial a. Ti lawmawm khawp mai. Lo tlawh ve ziah thin dawn nia.

Unknown said...

Ngaihnawm zek tak mai! A zirtir a tha em em bawk! A thawnthu han chhiar hian mahni kan inchan thei deuh rum rum mai a!

Naupan laia ngaihtuah mang hlei lova kan thiltihte hian upat hnuah min la rawn thing let thei dawn a nih tak hi! Fimkhur a ngai hle mai. Good post!

Almostunreal said...

ngaihnom reuh ltkkk

thil sual han tih hi chu a chakom tlat zel a ni e

Francis Vanchhawng said...

He hla hian ka rilru a hneh thin khawp mai. I ziak ngaihnawm in a phuahtu rilru I tawm pha niin ka hria.