Wednesday, February 10, 2010

Rangvamual ah dawr kan lo hawng a....

Ka la hre reng, Tuesday zan a ni a. Exam zo rilru thawven leh tihtur awm bawk si lo nen movie en tur ka'n thlek kual a. "I hope they serve beer in hell" tih chu click deuh pawp a, ka'n surf kual zuai zuai a, a hmuhnawm hmel em em loh na a, a dang ka en peih chuang lo a tiin tui em em lo chuan ka en a. Zan danga tih thin ang in, ka mutthluk san palh takin tiin rem takin mutna te chu ka rem sa thlap a.

Reilote ka en hnu chuan ka mut a rawn chhuak tan nghal der mai a, zawi zawiin ka lo muhil a ni ang. SMS ri deuh trawng ka hriat chuan ka harh zawk a, thu pawimawh a nih takin tiin ka han hawng a, fiamthu ka dawng leh a. "Ka va han ning chiang tunlai fiamthu sms inthawn nasa lutuk hi, a nuam viau nangin keini ang phone ah chuan inbox hi a khat zung zung mai si a.." ti rilru nuah nuah chungin ka phone chu silent ah ka'n dah nghal hmaks a.

Mumang chu...

Mak em em in Lengpui kalkawngah chuan ka lo awm thut a. Ni e, Lengpui Airport panin ka'n lo tlan mek, ka thianpa pakhat hian meizial zu hlat hlat chungin motor a khalh bawk a. Keiin bungrua leh chawhmeh chi hrang hrang a hnunga kan phurh chu ka thlek dauh dauh a ni tih ka thianpa in "Tunlai thil man to nen nen, ti to ve leh vak ila a ni mai alawm" a rawn tih chuan, ka inhrechhuak thut a. Ka kutah chuan chung thil kan phurh zawng zawng chu a list hi lehkhaphek ah hian ka lo keng bawk a.

Chutia kan tlan zel lai chuan Rangvamual kan thleng thla a, kan tlan pel ti tih tawh, kawng nuam zawl phei deuh lai sirah hian dawr lian tak mai hi a lo in hung ruah mai a, a chungah chuan "Jzedong's" tih hi a in tar kalh bawk a, chu dawr chu kan dawr ngei a ni tih hai rual a ni lo.

* Pic leh thuziak hian inlaichin na an nei lo.

Chu chawlh hahdamna hmun nuam takah chuan eitur chi hrang hrang leh chhawl hal tih rehna chi hrang hrang a tam ngang mai. He dawr kan hawnna chhan ber pawh mi zin veivak an tam si a, kalkawnga thil ei chak leh chawlh hahdam duh te tan tih a ni deuh ber. Rin aiin a lun phian bawk, ti fuh kan inti ve hle mai kan thian dun pawhin.

Hnathawk tu te..

Kan dawra hnathawktu nula leh tlangval te hi an fel em em mai a. A tam zawk hi Rangvamual mi leh sa te an ni a, an tan kal a awlsam in, awm mai mai aia pawisa hlawh theihna tih hria in thahnemngai takin an thawk tauh tauh thin.

Heng zawng zawng zingah hian khualchhawn nula hmeltha tak mai chuan mi a hip phah tih chu a hmuha hmuh tham a ni. Mi lo chawl lut tur, a lo chhawnchhaih dan te chu, a ruaitu mit a tlung em em mai a ni. Sap tawng leh vai tawng pawh mizo tawng a hman nalh ang ai pawha no nalh zawka tawng thei a ni tlat.

Ei leh in lampang siamtu zinga an hotu deuh hi mizo tlangval ngei, Singapore atanga ei siam rawn zir chhuak a ni ngat. Kan chhuang ve lutuk, mi pawhin tui an tih thin thu hi min hrilh fo.

Eitur bakah??..

Ei leh in bakah hian thil dang zawrh tel chi a ni em ti a ngun taka kan ngaihtuah hnu in. Thil pawimawh tak pakhat SIM card leh phone top-up na etc vel zawrh kan duh leh ta. Hei hi Mizoram pawn atanga zirlai rawn haw, an cham chhunga an hman tur kalkawnga an neih mai theih nana siam a ni a. An veng an thlen hma in a nung hman ngei bawk thin. A tha phian, tin, Mizoram SIM Card nei sa, top-up mai duh te tan pawh duhthusam a lo ni leh zel bawk.

Kudam lian tak mai in hnuai lamah a awm bawk a. Hei hi flight cancel ho te tan bungraw dah hawhna a ni. In lama in ah haw leh bur bur ai chuan hetilaia dah mai kha mi tam tak an chuan a lo awlsam zawk a, a him leh him loh thu ah lah chuan dawr-a riak tlangval 2 an awm reng bawk a. Tin, hemite pahnih hian chumi kudam chahbi chu an kawl lo. Khualchhawn nula zawk khan a kawl a, bungraw nei tuten an mamawhin tlangval te a ko a, chahbi a pe a, an rawn pe leh mai thin. Bag pakhat dah man pawh Rs. 30 chauh a ni a, a na an ti ngai lo.

Inbualna room a awm bawk a, hetah hian man chawia inbual theih tho a ni. Mahni duh ang zawng zawng sahbawn leh shampoo, conditioner etc etc hman tur a awm. Hei hi hmang duh hi an awm ve leh chawk zel bawk a. In lampang thlen hma a hmun danga kal duh lehnghal te emaw tan a tangkai lehzual a, tui lum leh tui vawt duh zawk zawk a ni mai.

An chawlh hahdam chhunga motor sil thei reng tur mi an lo awm reng bawk.

Heti hian nilengin kan phu suau suau mai a ni.

Enge kan lo tih ve?

Ka thianpa nen chuan enge kan lo tih ve tak? E le, zing chaw ei kham puar peng pawng ah dawr bungrua tur lei lawk sa vek tawh chu bazar atang kan va la a, a kim nge kim lo check thuak thuak hnu ah, kan phur thla thin. Dawr chungah chuan room lian tak mai pakhat a awm a, tah chuan a ni kan lo thut ve thin ni.

Computer a awm a, internet chak tak a awm a, nileng lengin kan lo online a. Inhnuai lamin min biak duhna an neih leh min lo phone mai a.

Thiante zin haw an rawn awm leh awm loh tur chang reng rengin kan lo khawsa a, 'thil' min lo hawn rawh aw.. tih chu kan thuchah a ni tlangpui. An rawn tih hlawhtlin leh, dawrah chuan a free in, aw a free ngeiin an chawl a, keini'n inchung lamah khawvel kan lo vei thin!

Nuam deuh a sin!

Chutia han tih vel mai mai chu nuam kan ti khawp mai a. Hna thawktu zawng zawng lah chuan mahni ta anga an enkawl vek avangin thil fel lo a awm ngai meuh lo. Inlungrual takin kan awm khawm liam liam. Pu te hmuha hnathawh te hi nuam an tih ber a lo ni lem lo a, chutia inchunga kan awm daih te chu nuam hi an tia, an thawk sauh sauh mai a ni.

Nuam ti em em a, hun kan lo hman lai chuan ka harh zawk.

Dar zat en turin ka sana a eng thei si lo a, light ka lo off vek tawh si. Phone ka'n dap a, fiamthu sms 8 lai a lo thleng hman tawh. Ka movie en pawh chu a lo tawp tawh a, computer chu off lohin a lo eng vu vu a. Ka'n off leh te te a.... Ka mumang chu chhunzawm leh a, khawvel vei leh tur chuan mut zai ka rel zui leh ta nghal a..

15 comments:

Varte said...

ehh, Mang i va nei tha ve, tih hlawhtlin tak taka khi-ah khi-ah awm theihna a va nih hmel e...

Joseph L said...

@Varte - Hman zanah kan thiannu pakhat nen sms kan inthawn kan inthawn na atanga ngaihtuah chhuah mai mai, ziak thla thut nih khi. Ka nui vur vur!

illusionaire said...

lolzzzzz... i mumang chu a va ropui ve! A chang kang tawps! A dangdai viau ang khing tiang dawr khi RV ah awm tak tak se chu. hehehehe....

Car tha deuh, spoilers, bumper, headlight etc etc nalh deuh, a paint job te chu a changkang leh flashy thei ang ber, chhas chhelo deuh deuh te pawh thu fur mai... mahse a engine ber a awmlo tih ang vel a ni. :D

David Ralte said...

Nang pui roh hi Animation/Graphics lam i zir tlut tlut anga, Journalist ah i chhuah nulh duh hmel. I thuziak a gravity thei roh em mai.

Thian 1 pawh (True story) Chennai ah Electronics lam thil kum 2 a zuk zir a, Aizawl ah Bike chhe siam na dawr a rawn hawng, a dawr kawngkhar chungah Lapuii Tailoring tih a la intar zui :D :D

wonderboy said...

Ngaihnawm in tihlawhtling thei awm se an hlawk khawp ang.

I mumang ang deuh hi tunthla chhuak Lengzem ah ka chhiar! VNT-a nen in mumang a inang a niang!! :-D

kan thianpa pawh Hotel Management kum 4 a zir a, bike siamna dawr a hawng daih. Kan thiannu 1 pawh Airhostess academy ah a zir a, computer dawr a nghak deih! :-D

Joseph L said...

@Kima - Han hawng teh a, chutiang dawr chu. :-) I rawn tehkhin thiam khawp mai.

@David - Hahaha... graphics lampang ka zir lohna a rei tawh, kum 3 dawn a ni tawh. :-) Kan thianpa pakhat pawh MBBS zir turin a kal ve a, computer chhe siam rawn thiam chhuak rapss!!

@wonderboy - A ni maw? Chhiar ve ngei tur a nih chu. Lengzem copy hi ka hmuhlohna a reii ta khawp mai. Lo zawnchhuah ngei tur a nih chu.

Keichala said...

creative ru zek leh nghal a...

Michael Fanai said...

Sir i ziak tha thei miah miah khawp mai. Keini a ngaihna hre ve lo te tan hian a manhla thin e. Thank You

Joseph L said...

@Keichala - Chutia mawn le....

@Michael - Sir, i lo chhiar ve ziah a, a lawmawm dangdai hle mai. Thank you

ku2 said...

very tlai khawhnu mahse...a title en hi chuan zu dawr in hawn ka lo ring ve ringawt a. mang tha phiana, ti tak2 teh u..zin ho bakah picnic ho tan pawh ala tangkai dawn deuh2.

Mimihrahsel said...

hehe.. tha tawp. Mahse excise ho in an check ngun awm che u. hihi.. bungraw dahna khi tha fu ni.. leh Sim card pawh khi. Mumang idea bik khawp mai :D

Sekibuhchhuak said...

Hetianga mumang creative deuh neih hi chuan, kan mawng ek hi kan lo thiar fai lo ani duh chawk! :-DD

AZL ka hawng chho leh trep tawh a, RV-a i dawr ah chuan chawlh chhoh tur anih hi! :-)

Anonymous said...

I am reading this article second time today, you have to be more careful with content leakers. If I will fount it again I will send you a link

Anonymous said...

Khualchhawn nula ngei khi i star chiang mai i ziah danah khian!!!

Anonymous said...

You have tested it and writing form your personal experience or you find some information online?