Chi hrang hrang

Update khat rem rem bawk a, a tui ek dal ah ti ve leh mai mai a ni e.

Vaitawng hi a va han lo thiamloh theih em em ve le aw? ka ti reng mai. Class 2 ka nih a Hindi subject kan neih tantirh atang khan ka la thiamlo char char a, tun thlengin ka la thiamlo zel chu a nia.

Hindi thiamloh avanga buaina/chetchhiat/chanchin dangdai hrim hrim hi lawrkhawm vel mai mai teh ang. Mahni chanchin chauh ni lo, thiante/midang chanchin hrim hrim hi dah ve mai mai ta bawk ila, mahni ai chuan hralh an tla zawk deuh hrim hrim bawk ang.

• Vawikhat chu ka thianpa pakhat nen chawhhmeh lei in kan bazar ve a. Vai ho hmarcha ro ang kha lei kan duh ve si. Han sawi vak ngaihna leh han duh zat kha kan sawi thiam ta mai si lo, kan thiam ang tawk in "One KG" kan han ti a. An han buk ta mai chu rambo polythene tiat deuh lawih a khai a ngai hnaks mai. Han sawi kual vel dan kan thiam lo a, kum chuang fee kan rin hnu ah, a ni tawh em em lo tiin kan paih ve ta a.

• Kan thiannu pakhat pawh vairam a awm tantirh in a tia lawm, coconut tui hi ka in chak lutuk a ti. Vawikhat chu kan chhuah naah kawngsira dawr nawr thin ah hian an lo zuar a, coconut tui chauh kha chu zuar se ka kawk mai anga, a dik mai tur a tia. Mahse thil dang te nen a zuar a, bakah a tui in tur kha siam chawp te a lo ngai bawk sia. Sawi dan tur a vang khawp mai a, ka kawk thin, a coconut tak min pek a tum, ka duh si lo. Ka ngaihtuah a, Kasauti ah khan Anurag leh Prerna te khan an in thin te kha ka hrechhuak a, "Bhaiiaa, Anurag aur Prerna se,...aaaahhh... Kasautii ...ah.. pine taw....." tih velin ka ti vel nawk nawk a. Kan inhrethiam thei ngang lo a, ka in loh phah a ti.

• Kan thianpa pakhat hian Christmas dawna a haw dawnin, christmas tree chei na tur light eng phe zek zek thei ang hi lei a duh a. A zawrhna dawrah chuan a va kal ta vang vang a, sawi dan tur a ngaihtuah vang vang hnu ah...kut zungtang ti kak zuap zuap pahin... "Bhaiaa, light he...nai he....he...nai hee...he...nai heee..." a ti a, a lei ve zan tho.

• Pakhat leh pawh auto kha a la a, a kal tumna a thlen chuan a chhuk a. Pawisa tlang hi auto driver chu pek a han tum a, auto pu chuan pawisa nawi ka nei lo, a nawi min pe rawh, a tia. Ani lah khan auto driver kawr hma ipte a pawisa nawi kha a zu hmu reng si a, a thinrim deuh bawk si khan, vin deuh thak hian a ipte zuk keu pah in.. "Kaunn hee??" a zuk ti a.

• Nula in luah 2 an ni a, an vengah khan zawng kha an rawn ngampa angreng thin khawp mai a, an ni pahnih lah khan an hlau thei bawk si. Vawikhat chu an hlauh ang ngei in zawng pakhat hi an inah chuan a rawn lut ta..An mangang lutuk, an thenawmte va pun an tum, zawng kha vai tawngin enge a nih an hre si lo... "Bachaooo..... HANUMAN aayaaa"... an va ti hmiah.

• Tlangval 4 an ni a, auto an la dawn a, auto driver chuan "Kitna admi?" a lo ti a, an ni chuan chiang fahran a kutzungtang nena ti langin, "Char samarii" tiin samari mitha 4 an nih thu an hrilh a.

• Delhi tlangval pakhat hi South India lamah a zuk zin a, tui a zuk cheng ve ngei a. Tui chu a lo cheng thiam vak si lo a, a in ham buai ta mai a. Chutah chhanchhuaktu pakhat chuan, cheng 50 min pe la ka chhanchhuak ang che, a ti a. Ani lah chuan inhambuai chungin.."Chalis...chalis" tiin a la dawn lauh lauh.

• Tlangval pakhat pawh auto a la dawn a, auto pu chuan a lo ti to viau mai a. Rs. 90 man tur alawm tih kha a duh sia, a thianpa a va phone te te a, a thianpa chuan "Nape" ti rawh a lo tia. A ni chuan confi fe in.. "Bhaia..sabe rupya karlo...sabe..." a ti lauh lauh.

• Tlangval pakhat eirawngbawlna tel lei a tum a. "Uncle.. tel he?" a tia, "Kaunsa tel?" tiin dawr nghaktu chuan a lo chhang a. Ani chuan, "Haa...Kaunsa tel..kaunsa tel" a ti ta a.

Thil danga chet dangdai na pawh ti tel zel ang...

• Kan Mizo hmeichhia zaithiam lar tak 2 hi North Delhi ah an bo a, an thiante chu tanpui turin an va call a. An thiante chuan an awmna lai hmun awmdan te sawi turin an rawn ti a, an ni chuan, "Kan bulah hian Airtel top-up na dawr a awm a, a bulah In lian deuh a awm" an rawn ti a. :-)

• Tlangval pakhat bawlhhlawh paih peih lo thin hian, a bawlhhlawh te chu polythene ah a khung a, a in bul lawka bawng lo kal ki ah hian a thiat tawp zel.

• Tlangval pakhat pawh hmun a phiat a, a exam routine a phiat chhuak hlauh mai a. "E he, hei chu ka exam routine a nih hi le, vawiinah pakhat phei chu ka nei lehnghal!" a ti heu mai.

• Freshers Sports neih tumin tlangval thianho khat hian zana in tur beer hi an lei lawk ve teuh mai a. An tum ang ngei chuan an chau bawk a, zanah chuan an han in ta a. An in tam deuh tawh pawh khan eng tin mah an awm chuan kha an hre si lo, a bur chu an han enchiang a, "Thundervolt 10000, Extra Strong Fruit Beer, 0% Alcohol Content" tih hi a lo inchhu kulh a, an thinrim in an la in loh zawng chu an vaw keh vek!

• Nula thianho holiday hmanga zin te pawh kawng an bo nasa deuh aniang, kar khat hnuah pawh an la thleng thei lo, an kal tumna kha ni 1 thil thu a thlen theih mai a ni si a. An kal kawngah a zinga mi te holiday a lo zo tawh a, an tum ber pawh thleng lovin an let leh dial.

• Tlangval pakhat a bialnu love letter thawn tur chu a thian ten an lo en ru a, a tir lamah chuan, "When i first saw you, my heart was not OK.." tih velin a in tan a ni awm e, an chhiar zawm zel hma in a rawn pawhthlak sak hmaks.

• Delhi tlangval pakhat kawng bo pawh a car atanga a han chhuah meuh chuan Jaipur a lo thleng der tawh.

• Tlangval pakhat leh pawh rel in a haw a, a bialnu hnenah chuan chupa thiante chuan, "A hnunga X tih inziak saw i hmu em? Sawtiang X inziak saw chu lo kir leh tawh lo tur tihna a nih saw" an ti a, a bialnu insum thei lo chu a mittui a tla hial.

Ti zawng hi duh tawk rih teh ang. Heng a chunga chanchin te khi mi tak tak tawn leh thil tak tak vek an ni a, senior te nena titi ho na atanga ka ngaihtuah chhuah theih chin ho ka rawn ziak chhuak a ni ber e. A dang pawh a tam a, ka hrechhuak zo tawh hlawm lo.

St. Augustine’s Pears

Kan khua chu khaw lian pawh a ni lo, tuipui kam maia awm, In 150 bawr vel chauh kan ni. A chhunga cheng te chu kan inngeih em em a, hlim taka inkawm chungin ni te kan hmang liam thin. Tlai ni tla tur ina lui tui cham put mai a han chhun tle sar sar thin mai leh, thing te a han chhun eng nghulh te chuan kan lung a ti awi ve tawk em em a ni.

Kan khuaah chuan putar fel tak mai Pu Augustine-a a awm a, a In bul maiah hian pear kung pathum lai a nei nghe nghe. A rah tam thei em em a, a rah hunlai phei chuan naupang ho hi min ko lut a, a pear te chu min ei tir thin. Amah chauha awm a ni a, a khawhar hnem nan tiin naupang ho chu min kawi khawm a, thawnthu te min hrilh thin a ni.

Zan khat chu keimah chauhin inah ka lo awm a, tukverhah dakchhuakin thli thaw heuh heuh kara hriat phak riai riai a naupang hovin ‘Amazing grace’ an sak chu ka lo ngaithla mai mai a. Chutih lai chuan kawngkhar kik thawm a rawn ri nghal zat a. Ka va hawn chuan ka thiante ho an lo ni a, leng chhuak ve turin min rawn sawm a ni. Ka chhungte hmun danga chaw ei a an chhuah avanga keimaha ina awm ka ni bawk a, kal ve mai tur chuan ka insiam nghal a, ka phur hle. Chutiang ang huna mipa naupang kum 14 mi ina tawm reng chu a ninawm ve bawk em a ni.

Kalkawnga infiam pah chung zelin khawlai chu kan fang hneh hle a, kan incho phur zel a, thil chi hrang hrang kan intihsiak nasa hle. Chutia ngaihtuah pawh nei lem lova kan kal zel lai chuan Pu Augustine-a In bul maiah chuan kan lo ding der tawh. Zan a tlai deuh tawh avang leh ani kum upa deuh tawh chu a mu tawh ni ngei tur a ni, a in chu a thim thiap mai.

Chutih lai chuan kan zinga pakhat chuan, “Hawh u, Pu Augustine-a pear hi lo ru ang u,” a rawn ti a. A tam zawk chuan kan duh nghal mai a, thenkhat chuan, “A tihchi loh ang, thildangin infiam leh zawk ang u, kan ti lutuk tawh mah mah,” an rawn ti a. Mahse a tam zawkin ruk ve hrim hrim chu ‘pa’ thlak riaua kan ngaih avangin a huan hungna pal chu kan zuan khum a, pear chu mahni duhtawk theuh kan lo ta mial mial mai a, nuam kan ti hle.

Chutia putar lu tuak var vu tawh, zang kul deuh da, mahni chauha awm pear kan lawh ruk sak avang chuan ka mizia ka hloh reng a lo ni. Ni e, ka ze tha ka hloh a lo ni.

Hun leh ni te an her liam zel a, tunah chuan kei pawh ka lo upa ve ta in, ka sam te pawh a lo tuak var ve ta vu mai. Thil pakhat ka nun vaw hrehawm em em tu a awm. Hmana ka naupan laia Pu Augustine-a pear ka lawh ruk khan vawiin ni thleng hian min nghawng a, ka rilruah a cham reng a, hliam ser reh thei lo a siam a ni. Kha putar fel tak mai lakah khan engvangin nge rilru thalo ka lo put theih?

Theih nise, ka tha leh zung neih zawng zawng pawh hian kha hun kha siam that leh ka chak. Mahse a theih tawh si loh. Ka rilru vaw na tu ber chu, thil thalo a ni tih hre reng khan engvangin nge ka lo tih luih? Ka riltam leh eitur nei lo khawpa rethei ka nih vang pawh ni miah lo a, paih leh mai mai tura engvanga pear kha ru nge ka nih? Pear kha ka ngaina in ka ei chak em em pawh a ni tawp si lo a.

Mihring te hian engvangin nge thil thalo hi tih kan chak tlat zel a? Kan thil duhlo tur tur te hi a hnua inchhir kumkhua leh tura kan tih luih thin? Thil tih phalloh na na na te hian zawlaidi tha tak an nei emaw tih mai tura engvanga tilui chak tlat thin nge kan nih le?


Late one night I heard a knock at the door
The boys were really painting the town
I was just another bored teenage boy
Kickin' up and actin' the clown...

One dare led to another dare
Then things were getting out of control
We hopped the fence and we stole the pears
And I threw away a part of my soul
Yes, I threw away a part of my soul

Time goes by - now I'm old and grey
Those pears are just a memory
I would gladly pay all I have today
But that's just not the problem you see...

'Cause it's haunting me how I stole those pears
'Cause I loved the wrong
Even though I knew a better way
Not for hunger or poverty
It was more than pears that I ended up throwin' away...

Why do we love all the things that are wrong?
Forbidden fruit has a strange siren song
Why do we do what we don't want to do?
When we live with regrets our whole lifethrough
And I don't even like pears that well...

Tunlai

• A lum hle
• Thatchhiat theih hle
• Buai theih hle
• Ei hnem theih hle
• Post tur hriatloh theih hle
• Tui heh hle
• Inbual regu hle
• SMS tenawm deuh deuh thawn peih hle
• Sam sei hle
• Nuih heh hle
• Mut peih hle
• FB peih hle
• Orkut tawh ngai lo hle
• Dul kiar hle
• Zai vak vak ching hle
• Movie en peih hle
• Balance nei tlem thei hle
• Fan hnuaia thut hrat hle
• Chhuak ngai lo hle
• Sa ei ngun hle

Thil pakhat mipa mahni emaw a awm te tana thil tangkai tak, in lo la tih ngailoh tak in. Hei summer a lo thleng chho leh tawh a, inchhung phiah fai leh chhuat nawh vel ilo tih a peihawm loh leh tawh hle. Thlan thla phunga tih a ngai thin bawk si. Hetiang hunah hi chuan thil pakhat tha deuh tihdan a awm.

Nula thianho chaw ei ah sawm tur. "Eirawng ka lo bawl ang? Enge in ei duh?" te han ti ila, "A ngai lo, kan lo bawl ang," an ti nghal mai a. Hmunphiah tumin hmuhphiah han ban ila, kan ban kan vai hman lo, "Khawi khawi, ka lo phiat ang," an ti leh a. Chutah chhuat nawh tumin bucket ah tui leh puan han la ila. Kan kun hman lo, "Khawi keiman ka lo ti ang," an ti zung zung mai a ni. LOL An tia lawm!!

Tin, kumin ka birthday chu Easter Sunday a ni tlat! In lo inkhawm vek dawn nia, awm na hmun theuh ah. Bday hma a update leh loh takin. lol

Rangvamual ah dawr kan lo hawng a....

Ka la hre reng, Tuesday zan a ni a. Exam zo rilru thawven leh tihtur awm bawk si lo nen movie en tur ka'n thlek kual a. "I hope they serve beer in hell" tih chu click deuh pawp a, ka'n surf kual zuai zuai a, a hmuhnawm hmel em em loh na a, a dang ka en peih chuang lo a tiin tui em em lo chuan ka en a. Zan danga tih thin ang in, ka mutthluk san palh takin tiin rem takin mutna te chu ka rem sa thlap a.

Reilote ka en hnu chuan ka mut a rawn chhuak tan nghal der mai a, zawi zawiin ka lo muhil a ni ang. SMS ri deuh trawng ka hriat chuan ka harh zawk a, thu pawimawh a nih takin tiin ka han hawng a, fiamthu ka dawng leh a. "Ka va han ning chiang tunlai fiamthu sms inthawn nasa lutuk hi, a nuam viau nangin keini ang phone ah chuan inbox hi a khat zung zung mai si a.." ti rilru nuah nuah chungin ka phone chu silent ah ka'n dah nghal hmaks a.

Mumang chu...

Mak em em in Lengpui kalkawngah chuan ka lo awm thut a. Ni e, Lengpui Airport panin ka'n lo tlan mek, ka thianpa pakhat hian meizial zu hlat hlat chungin motor a khalh bawk a. Keiin bungrua leh chawhmeh chi hrang hrang a hnunga kan phurh chu ka thlek dauh dauh a ni tih ka thianpa in "Tunlai thil man to nen nen, ti to ve leh vak ila a ni mai alawm" a rawn tih chuan, ka inhrechhuak thut a. Ka kutah chuan chung thil kan phurh zawng zawng chu a list hi lehkhaphek ah hian ka lo keng bawk a.

Chutia kan tlan zel lai chuan Rangvamual kan thleng thla a, kan tlan pel ti tih tawh, kawng nuam zawl phei deuh lai sirah hian dawr lian tak mai hi a lo in hung ruah mai a, a chungah chuan "Jzedong's" tih hi a in tar kalh bawk a, chu dawr chu kan dawr ngei a ni tih hai rual a ni lo.

* Pic leh thuziak hian inlaichin na an nei lo.

Chu chawlh hahdamna hmun nuam takah chuan eitur chi hrang hrang leh chhawl hal tih rehna chi hrang hrang a tam ngang mai. He dawr kan hawnna chhan ber pawh mi zin veivak an tam si a, kalkawnga thil ei chak leh chawlh hahdam duh te tan tih a ni deuh ber. Rin aiin a lun phian bawk, ti fuh kan inti ve hle mai kan thian dun pawhin.

Hnathawk tu te..

Kan dawra hnathawktu nula leh tlangval te hi an fel em em mai a. A tam zawk hi Rangvamual mi leh sa te an ni a, an tan kal a awlsam in, awm mai mai aia pawisa hlawh theihna tih hria in thahnemngai takin an thawk tauh tauh thin.

Heng zawng zawng zingah hian khualchhawn nula hmeltha tak mai chuan mi a hip phah tih chu a hmuha hmuh tham a ni. Mi lo chawl lut tur, a lo chhawnchhaih dan te chu, a ruaitu mit a tlung em em mai a ni. Sap tawng leh vai tawng pawh mizo tawng a hman nalh ang ai pawha no nalh zawka tawng thei a ni tlat.

Ei leh in lampang siamtu zinga an hotu deuh hi mizo tlangval ngei, Singapore atanga ei siam rawn zir chhuak a ni ngat. Kan chhuang ve lutuk, mi pawhin tui an tih thin thu hi min hrilh fo.

Eitur bakah??..

Ei leh in bakah hian thil dang zawrh tel chi a ni em ti a ngun taka kan ngaihtuah hnu in. Thil pawimawh tak pakhat SIM card leh phone top-up na etc vel zawrh kan duh leh ta. Hei hi Mizoram pawn atanga zirlai rawn haw, an cham chhunga an hman tur kalkawnga an neih mai theih nana siam a ni a. An veng an thlen hma in a nung hman ngei bawk thin. A tha phian, tin, Mizoram SIM Card nei sa, top-up mai duh te tan pawh duhthusam a lo ni leh zel bawk.

Kudam lian tak mai in hnuai lamah a awm bawk a. Hei hi flight cancel ho te tan bungraw dah hawhna a ni. In lama in ah haw leh bur bur ai chuan hetilaia dah mai kha mi tam tak an chuan a lo awlsam zawk a, a him leh him loh thu ah lah chuan dawr-a riak tlangval 2 an awm reng bawk a. Tin, hemite pahnih hian chumi kudam chahbi chu an kawl lo. Khualchhawn nula zawk khan a kawl a, bungraw nei tuten an mamawhin tlangval te a ko a, chahbi a pe a, an rawn pe leh mai thin. Bag pakhat dah man pawh Rs. 30 chauh a ni a, a na an ti ngai lo.

Inbualna room a awm bawk a, hetah hian man chawia inbual theih tho a ni. Mahni duh ang zawng zawng sahbawn leh shampoo, conditioner etc etc hman tur a awm. Hei hi hmang duh hi an awm ve leh chawk zel bawk a. In lampang thlen hma a hmun danga kal duh lehnghal te emaw tan a tangkai lehzual a, tui lum leh tui vawt duh zawk zawk a ni mai.

An chawlh hahdam chhunga motor sil thei reng tur mi an lo awm reng bawk.

Heti hian nilengin kan phu suau suau mai a ni.

Enge kan lo tih ve?

Ka thianpa nen chuan enge kan lo tih ve tak? E le, zing chaw ei kham puar peng pawng ah dawr bungrua tur lei lawk sa vek tawh chu bazar atang kan va la a, a kim nge kim lo check thuak thuak hnu ah, kan phur thla thin. Dawr chungah chuan room lian tak mai pakhat a awm a, tah chuan a ni kan lo thut ve thin ni.

Computer a awm a, internet chak tak a awm a, nileng lengin kan lo online a. Inhnuai lamin min biak duhna an neih leh min lo phone mai a.

Thiante zin haw an rawn awm leh awm loh tur chang reng rengin kan lo khawsa a, 'thil' min lo hawn rawh aw.. tih chu kan thuchah a ni tlangpui. An rawn tih hlawhtlin leh, dawrah chuan a free in, aw a free ngeiin an chawl a, keini'n inchung lamah khawvel kan lo vei thin!

Nuam deuh a sin!

Chutia han tih vel mai mai chu nuam kan ti khawp mai a. Hna thawktu zawng zawng lah chuan mahni ta anga an enkawl vek avangin thil fel lo a awm ngai meuh lo. Inlungrual takin kan awm khawm liam liam. Pu te hmuha hnathawh te hi nuam an tih ber a lo ni lem lo a, chutia inchunga kan awm daih te chu nuam hi an tia, an thawk sauh sauh mai a ni.

Nuam ti em em a, hun kan lo hman lai chuan ka harh zawk.

Dar zat en turin ka sana a eng thei si lo a, light ka lo off vek tawh si. Phone ka'n dap a, fiamthu sms 8 lai a lo thleng hman tawh. Ka movie en pawh chu a lo tawp tawh a, computer chu off lohin a lo eng vu vu a. Ka'n off leh te te a.... Ka mumang chu chhunzawm leh a, khawvel vei leh tur chuan mut zai ka rel zui leh ta nghal a..

Moments - 2009 (in pictures)

A brief round up of unforgettable moments of 2009 in pictures.

1. A one day Malana Medical Camp - Read more about it here


2. Mizo Kut 2009 - The Facebook master there.. hehehe


3. Raise His Anthem concert and I was there too... look at the second pic.


4. Seeing our performance at RHA - my friend Ann told me about Artistes Unlimited and they're organising a three day musical extravaganza that will take you on a journey through music over the years. And I went there... Most surprising of all, i went to the third night i.e MJ tribute nite.. heheh


5. Day out at Adventure Island.


6. We hit the dance floor at DMZP Freshers Social - Theme : Grease . Watch the video here - http://www.youtube.com/watch?v=AEzGzlMhAw4


7. The Gothic Party.. mwahahahha


8. The "Christmas Joy" programme shooting at DDK.


Yes, we were on TV.


The choir.


First time at the studio recording songs..


9. DMI Retreat 2009 - I was there too.....


...as a musician

10. And I've got random hairstyles throughout the year.. lol