Saturday, October 18, 2008

Update tur a va vang ve

Tunlai chu ka blog lampang a reh khawp mai. Update tur ka hre mai lo a ni e. Nizanah ka mu meng kur a, thil ka ngaihtuah kual ka ngaihtuah kual a, ka blog ka update khat zia te ka ngaihtuah chhuak a. Ka rawn lut leh ta a ni.

Zan mutthilh theihloh hian ngatinge thil kan ngaihtuah vak vak le? te ka ti ta mai mai a. Nge ni a, thil kan ngaihtuah vak vak hian kan muhil theilo zawk? Nge mutchhuak lo ve hrim hrim? Thil kan han ngaihtuah hian, kum te la tam lo mahse, hun kal tawh te ngaihtuah nan hian kan rilru hi kan seng hnem berin a rinawm.

Class 2/3 vel kan nih laia class room chhunga TV en ka chak thin zia te ka ngaihtuah chhuak a. Free period a lo nih a, sana han en hian cartoon network channel a chhuak tur kha kan hre chat chat zel a. Ka pencil box chhunga leng lek TV hi awm sela, en mai mai ila ka tih thin rauh rauh lai te ka ngaihtuah chhuak a, tunah chuan pencil box a leng chauh mai pawh nilo, hum bo vek thamin mobile phone te kan nei ve ta a. TV te chi chu a ni ringawt alawm mawle.

Thil eng engemaw 'calculate' kan uar tak tak lai te ka ngaihtuah chhuak leh a. Mi kekawrte rawng leh a man zat nen lama chhut chhuah dan te kha, kan ti leh dawn a. A formula ka lo theihnghilh hulhual tawh mai a lo nia. Engpawh ni rawh sek sek, thil ka hriat loh chuan ka google thuai zel a. Kekawrte rawng chhut chhuah dan pawh chu a lo awm mial takin ka tia, kan google leh hram a. Ka hmu leh nulh pek! Hei in duh ve chuan :-

Kekawrte chauh lo pawh eng eng emaw kha chu kan chhut nasa thin anih kha mawle. Tin, magic kan tui tak tak lai te ka ngaihtuah chhuak zel a. Magic trick chi hrang hrang kha kan zir nasa thin a, thianpa OPa nen. Kan class ah hmeichhe ho bulah kan show thin, free period ah. Mipa ho bulah chuan tihchi vak lo, mipa leh mipa chu kan in man thuai a. Bakah, hmeichhia hian thil mak hi an lawm deuh bik niin a lang. :-)

Vaiho khan an lawm lehzual a. Kan vaitawng thiam chhun, "dekho.. dekho" ti chung khan kan show khum thin a. An nui vur vur a, lu an hiat mual mual zel. Min ngaisang em em tawh mai thin a ni.

Awle, blog update chungchang bawkah lut leh ila. Update chu ka tum zing lutuk, mahse ka rilru ah engmah a kal thei lo. Eng lampang nge ka ziah ang tih ringawtah ka rilru a buai thin. Thil pakhat ka ziak a, ka ziah laklawh laiin a dang a lo lang a, ka ziak leh a, a dang a lo lang leh a, ka ziak leh a, a pathumna kan ziah meuh chuan ka lo ning thuai a, a eng ber mah ti puitling lo in ka delete leh ta mai thin.

A hrim hrimin, blog ah hian thil thui tak tak kher post kher ka tum emaw ni le aw? te ka ti mai mai a. Mi pawhin an blog ah te chuan thil tawi te te, milem mai mai te emaw, video mai mai te emaw pawh an ziak tho alawm mawle te ka tia, mahse kei chu thil ziah vel hi nuam ka ti ve sia, tawi te te ka ziah chuan ho ka ti deuh tlat thin a. :D

Blog hi miin an lo chhiar lo emaw kan tih lai hian mi hian an lo chhiar thin a lo nia. I blog pawh kha i mi rinloh deuh deuhin an lo chhiar ziah maithei ania. Hman deuha ka pa chungchang ka ziah phei kha chu phone call mai bakah a mimala thu min hrilh tu an thahnem ania. Ka rinloh deuh deuh hlir an ni, chuvangin thuziah hi fimkhur ve deuh te a ngaiin ka hria a.

Kan thianpa pakhatin hmanni ah min rawn bia a, hmun dang daiha awm a nia. Kan khuaah mi an rawn zin a, an hre lutuk che a, i blog an chhiar ziah thu an sawi a. I hria em? min rawn tia, ka hre bawk si lo, ka blog hi ka hmelhriat te chauh hian an chhiar thin emaw ka tih laiin a lo ni lo tawp ani tih te ka hrechhuak zel a.

Hmanni lawk khan Modernism in Mizo society tih emaw ni ta kha le, seminar buatsaih a ni a. A ziakthlatu tur atan min rawn ti ve ringawt a, "Thil i ziak thin an tia, rawn ti hram teh" an rawn ti tlat a, enge an tih thin pawh hre lo chuan ka kal ve mai a. Eng eng emaw chu ka ziak thla nual a, saptawng te a ni lehnghal bawk si, an sawi rang bawk si. Eng eng nge ka ziah thlak pawh ka hre leh tawh lo e. Tih vak tawh loh ka tum, khatiang chi kha chu.

Skit i ziak thin em? I ziah thin chuan Mizo Kut lawmna a Skit competition ami tur rawn ziak teh a? tih zawhna ka dawng leh nawlh bawk. Nizan hmasa lawkah, chu erawh ka tih ngai loh tak anih avangin ka hnial nghal. Nih leh, a sawi lam chi ah rawn tel la, extempore speech tih velah, an rawn ti leh a, a sawia sawi chi phei chu ka ti ngai lo re re ka ti leh a, an nui ta ringawt.

Vawikhat bial inkhawmnaah sharing programme ah ka chetchhiat velna ka sawi chiam avangin thusawi thiam turah min lo ngai ringawt a. A lehpekah thusawi turin min lo ruat nulh, ka huphurh vang nge ka hrelo, a hma ni chiah atang ka khua a sik tlat pek a, ka tih hlawhtlin sak ta lo. A sawia sawi chi ka ni lo a, a ziaha ziah hian ka ziak duh zawk. Tawng chuan ka dang a awk thei lutuk. :D

Mahni chanchin ka han sawi leh ta chiam a, engpawhnise, blog update loha awm reng ai chuan tlem update pawh a tha e tiin ka rawn ziak leh thut thut mai a ni e. Hei a lo thui leh hman tawh fu lehnghal a. Nih leh phawts

3 comments:

luliana said...

Post tur hre silovah chuan post sei ber i ni mai awm mange :P

blog a thil ziah hi, ni e, fimkhur a lo ngai khawp mai tih ka hrechhuak..hmanni khan ka pa ka kap vak a, a thawhpui pa pakhatin 'i pa i va tiduhdah ve a' min han ti chiah mai chuh, ka phu zawk mai mawle..chi loh raps :D

Calliopia said...

Nizanah comment sei deuh ka ziak a, ka post dawn lai takin net a lo down a a bo vek mawle. Anyways i ziak ngaihnawm thiam thin reuh ngawt mai, father my son. Blog hi kchu ngawi reng a lo chhiar thin hi ka ngei deuh tlat thin...bihthladuka te, bihthladuki te ka ti mai. Nia, fimkhur chu a lo ngai khawp mai.
Kpoh vawikhat chu seminar minutes recorder-ah min ruat ve ngot a ka ning teh mai ania. Mi thu leh hla zz lo record vek an duh chuan tape recorder hman mai tur ania. Techno age a awm manah tiro?

Joseph said...

@ luliana - nia mawle. post tur hriatloh thu rawn ziak kur duah anih kha. haha. Mahse i pa i kahna hi a nuihzatthlak thin em alawm mawle tiro? Pafa in kah ngam sak sak te hi a nuam a nia aw.

@ calliopia - Lol. a va pawi ve. Ngawi renga chhiar ching hi a comment tu te aiin an tam zawk ka ring. hahaha.. Nia, tape recorder te emaw hmang se, anih loh pawhin cam te hmang se, record mai se. Ziaha ziah kher chu a hahthlak duh khap mai.