Wednesday, March 5, 2008

Tunge Father Sphinx?

Internet khawvel chu...

Tun tum chu topic dang deuh sawi teh ang. Internet hi Class 9 ka nih lai chu chu, 2003 kum tawp lam khan ka khawih tan ve chiah a. Chutih lai chuan mail account siam dan pawh ka thiam lo, ka website tlawh hmasak ber chu liandingpuii.com kha ni ta in ka hria. Cyber cafe pawh ka kal ngai lo, internet hi a tangkaina leh a thatlohna sawi tur pawhin ka khawih ngai lo miau a. Class 7 kan nih vel lai atang tawh khan kan class ah khan mIRC kha an sawi an sawi zel a, modem tih ri te ka hre ve zeuh zeuh a, sava nge sazu an nih pawh ka hre ngai lo. Chutih lai chuan Mortal Kombat kan la tuipui tawk em em.

Chuan mIRC chu 2004 khan ka khawih ve tran ta a. Chumi ka khawih nachhan pawh TV ah hian Dr. PC Biaksiama online a biak theihna tih vel adver kha ka hmu a, a tihdan te kha a inziah thlap avangin ka lut ve mai. Ka nick hmasa ber chu 'xoxef' tih ngei kha a ni e.:D Chuan ka lut ve a, tumah be ta chuang lemlo chuan ka chhuak leh nghal.

Hun te a lo kal zel a, website surf lamah kan tui chho tan ta a. Chung hun laia website pakhat mizo-gamers.com kha ka tlawh thin a, kha kha Elf Clan ho ta a ni a. Clan din ve kha kan chak ta lutuk a, thianpa maia (ghostly_sphinx) nen hian. Chuan a hnuah kan din ta ngei a. Chu chu Sphin Clan hi a ni ta a. :D Ka clan name ah Father Sphinx tih chu ka hmang ta a, a chhan pawh ka hre lo, lam a awlsam a, father han tih zawh chiaha sphinx han belh leh chiah hian lam a awlsam riauin ka hriat avanga inphuah mai ka ni e.

Nick avanga inhriatpawlhna

father_sphinx tih nick ka hman tak avang chuan mi tam tak chuan patling deuh tawh turah min lo ngai ve ziah a ni awm e. Chanchinbu hrang hrangah te leh tv vela "ka vei zawng" an tih velah te khan ka thawh 'regu' thei bawk a, mi pangngai ngaihin min lo ngai ve thin a ni chek ang chu.

Insawifiahna

Mi tamtak hian ka nick ringawt atang hian "patling" ta viau turah min lo ngai ziah a. A taka kan inhmuh hnua "Eee... patling deuh, fa pawh nei treuh tawh emaw ka ti che a" ti tu hi ka tawng nawk tawh a sin. Insawifiah hi a ngai nasa thei khawp mai.

Vawikhat chu Firehouse ho Mizorama concert tura an lo kal dawn lai vel khan, a organising committee lam atang 'sawmna' ka dawng ta tlat mai. "Khawngaihin ka pu, motor, sum leh pai lamah tran i rawn la ve thei angem?" tih zawhna ka dawng ta tlat mai. Ka nuih a zata a zat zia kha aw. Min rawn thawntu i/c publicity hnenah chuan, "Ka pu, kei hi naupang mai ka la nia, pawl 11 zirlai chauh ka la nia, mahse, puih theihna che u ka neih chuan ka hreh chuang lo" tih vel te kha ka va thawn ta in ka hria. An rin ang chu a ni hauh lo ang le.

Nick a min kotu hi an awm ve nual bawk a,"father, father" min ti a, kan eih ve mai zel. Vawikhat chu ka nu nen kan bazar a, bazarah khan thiante hian min lo hmu ni tur a ni, "Fatherrrr.....fatherr...." ti khan min lo ko ta vak vak a. Ka hawi let leh a, kan han inbia a. Ka nu khan mak a tih hmel khawp mai a, nick tih vel hi ka hrilh duh ngai lo a. Hmanah pawh key chain ah hian 'father' tih hi ka chhut tir a, "I va lerh ve" min ti ringawt tawh. Enge lerh a tih chhan kha ka hre lo le.

Ka insawi duh ngai lo

Chhungte bulah chuan ka insawi duh ngai lo hrim hrim. Ka nick tih vel hi. Ka pa phei chuan misual.com hi a lo tlawh ve ziah a, ka thlalak a lo awm palh te hian, i thlalak misual.com ah ka hmu a, hi a ti ve thin a. Zahzel ka siam nasa thei lutuk ringawt, maia'n a dah aniang te ka ti thin. Tunah hi chuan a hre tawh tho in ka hria, mahse ka la hrilh dawt duh chuang lo. vawikhat mi pakhat muthlu lai thlalak ka post kha, ka pa thianpa a lo ni a. Computer ah khan a lo awm ringawt sia, tunge a nih ka hre si lo a, ka nuih a tiza lutuk a, ka post mai kha a nia, ka pa ten an lo hmu. An thianho ho hian an nuih tiah tiah zel a, misual.com ah ******-a thlalak a awm a, an tia. An sawi thawm ka hriat veleh ka paih leh nghal hmaks. :D

An buai ve khawp mai

Tum khat chu kan inah hian thian pakhat thil ka tihsak a. Chu chu lam turin a nau te a lo tir ngei a, hei hi a phone number a nia, "Father Sphinx tiin va zawng rawh u, an hre vek ang" hi a lo tihsak a. A nau te chuan mak an ti lutuk a, "Father Sphinx a??" an tia, "Aw.. Father Sphinx tiin va zawng ru" kha a ti zel a. Tichuan, phone call pawh ka dawng ta ngei a. A chang leh vai tawngin min rawn bia, a chang leh sap tawngin. A tawpah mizo tawnga an tawng ri ka hre hlauh a, ka be chhunzawm nghal a, kan in awmna pawh ka hrilhfiah thei ta.

Anmahni rawn thlen meuh chuan tihian an sawi. "U Zara khan Father Sphinx tiin va zawng tawp rawh u a tia, mizo nge vai nge eng hnam nge i nih kha kan hre thei si lo a, tawng hrang hrangin kan rawn bia che anih kha" an ti ta anih chu. A va han hahthlak thin ngai em!! :D Nick a min zawn hmuh tum meuh zawng a la hahthlak deuh rih ang chu.

A thui leh tawh dawn tlat, duhtawk leh hrih phawt mai teh ang. Tunah chuan ka tlangval ve tawh ania aw... lolz... thla lehah ka birthday a lo thleng dawn a, chu chu teen ka nih tawpna tur. kum khat chiah teenager ka ni dawn tawh. teenage ka pel teuh ta hle mai. :D lolzzzz

7 comments:

Calliopia said...

I lo va ziakmi reuh ve father my son. Ka rin aiin i lo la nau hleee mai! Mahse i kum phu lovin i puitlingin i fel tlat. izawl leh zoram.com a xoxef kha nangmah lek hi i lo nimaw? Voikhot poh avatar-ah ti turh turh deuh i hman kha haha. Ni e, kan nick te hi kan pu hlen thei ngot don mai. Kan thianpa 1 poh Hale tih hlirin kan ko a, miin a hming tak a an soi hian ka bo hu zel lol. Chuan thil 1 ka lo rinhlelh ruk deuh thin i ron nemnghet chiah. Fakselna leh ccbu a sms thu thawn ching deuh hi mi puitling tak an nih loh hmel ka lo ti rilru thin reng a ni!

Lal Jo-a said...

@ calliopia (a pi J) : ty ty..... haha... nia... khang hunlaia xoxef ngei kha ka ni e. I va hre rei ve, kha ka avatar hman avanga min hnial hrep hrep tute ho te kha, lol lol. ka nuih a la za. A hnuah hmeichhe (mizo) nula underwear nen chauha awm pic ka post te phei kha chu, an remove chiang lutuk. :)))

mi puitling tak tak an awm ngai lo. ka vei zawng sawi thintute kha, mi pangngai ti ila, patling deuh an nih pawhin vei zawng vei ngawt ngawt chi an ni tlangpui. :D

Awzzman said...

eih Father-a chu ...i father tak2 tawh ang chu ka lo tia..lolz.sorry, nia kei pawh mIRC(#aizawlchat) vang kha ni ta berin ka hria..internet ka lo hmelhriat ve na hi...!! chuan chu delhi ah chuan Father tiin i thang ta hluah a ni maw? hei kei pawh ka hming tak ai in ka nick hi a lar zawk a..:-( teen`s i la pel na nge? hehe ka nau..lolz

Lal Jo-a said...

@awzzman - la father tak tak lo e. trep tawh maithei.. lolz


teen`s i la pel na nge? hehe ka nau..lolz <-- i hate this part :-)

Almostunreal said...

2003-ah 11th, lolzzz..father my son

hahahaa

ngaihnom khop mai

keipoh i nick ka hriat tirh hian upa chuang si lo, mahse tiang eeemmmm em a naupang turah ka lo ngai ngai lo che

ka hmuh hmasak ber che poh khan mak ka ti...heh!

Lal Jo-a said...

@ almost unreal... i la hre sual.... 2003-ah 9th zawk alawm... hihi... 11th chu 2005 ah... :D :D engatinge chutia min lo rin mai mai?? ka duh miah lo ania.. hihi

samuelapa said...

Thu ho mai mai ngaihnawm taka ziak thiam hi thuziak thiam ka tih ve chu an nia. Chutiang deuh chu i ni e.