Friday, January 27, 2012

Khawvel ka fang a..

Vawiin chu online hman in ka awm lo, khawvel ka fang chhuak e ka tia.

Khua a vawt bawk a, kan ram nge an ram vawt ang tiin "Pepe Jeans LONDON", Dawrpui chu ka pan phei chawt a, boruak a lo in an em avangin khawchhak lamah khua a lum deuh mai thei a, nula pawh an chhelo ang tiin "Sanghai Bazar" lamah ka in khawh chho leh ta fua fua a. Lo chhelo hlawm viau tura ka ngaih laiin kan thenawm nu ni awm tak tak hlir an lo awm a, hun pawh hmang rei lovin ka haw leh a, haw pahin kan unau te hi enge an an tiin "Punjab National Bank", Millenium Centre ah thingpui te kan in te te leh a. Chutihlai tak chuan US lam te pawh tlawh a khat tawh tak e tiin "US Dollar Store", Chanmari lamah vai vawih aia rangin ka lo thleng leh der tawh mai a, a hnai bawk a US kal tak rau rau ah tiin "Maryland Book Store", Bara Bazar lamah ka peng leh zuai a. Kan ngaihsan leh hriat lar em em Cambridge leh Oxford lam te pawh tlawh pah a rem a lawm mawle tiin "Oxford HSS", Electric Veng leh "Cambridge English School", Tuikual lamah te chuan mi ropui tak tak ka va kawm leh hnuhnawh a. Ram changkang tih takah a mi chengte pawhin khawvel mai nilo, planet hrang hranga zin kual te an lo intih hmuh khawp mai a. Hun ka neilo viau nachungin ka la kal ngai loh lam anih avangin "Mars Photo Lab", Dawrpui leh "Neptune Hardware", Dawrpui ah lunch ei turin ka'n inkapchhuak ve leh rawih a. Khawvel pawn atang chuan en lenna in khawvel lam ka rawn thlir a, mihring te chu te tak te te in ka rawn hmu thei. Chutah tak chuan ka rilru ah a rawn lang thut a, Gulliver-a pawhin nuam a tih em kha maw tiin, "Lilliput", Millenium Centre lam pan in ka rawn thlawk leh te ta nghal a. Rin ai takin an lo fel hlawm phian a, in fel viau chuan a awmna ka la hrilh ve ang che u. Chawhnu lam te a lo ni ta bawk a, hun a tam tawh loh avangin Milan lamah chakkhai eng ilo lam turin "Milan Collection", Millenium Centre chu ka pan leh ta nghal a. Tlai ni eng mawi tak ka hmuh chuan rilru ah Peniel tlang te a lo lang a, kal tak rau rau ah tiin "Peniel Business Centre", Chaltlang lamah chuan fb a post atan tiin thla te ka la leh zuai zuai a. Tlang chhip a ka awm lai takin kan Israel unau te ka hrechhuak uar uar a, tlawh ve ngei tha a ka hriat hnu ah Israel ka tlawh tawha man tlawm ber ni turin Bus fare Rs. 5 chawiin "Israel Point" ah chuan ka chhuk ta chhak chhak a. Hun rei tak ka awm hman loh bakah ril te pawh a lo tam ta riai riai a, tichuan haw zai ka rel ta a...

(Facebook status @ 27, January, 2012 1:28 AM)

Friday, January 20, 2012

Oldies Party kan nei a...

December 16, 2011 khan Valley View, Phunchawngah thiante nen Oldies Party kan nei a, a hlimawmin a nuam hle. He hunah hian hla hlui chi hrang hrang live music nena remin kan ngaithla a, kan lam nasa hle. A tui zual ho phei chu dar 3 thleng kan awm a, arsa nen eng eng emaw nen a nuam viau mai.

Zaithiam hranghlui Lalhungchhungi Pachuau, Zosangliani, Sailothangi Sailo, C. Lalengliana, Hualrozama, Vanlalhlana ten min rawn tawiawm a, tin, Mizo Idol 2009 top 3 Lalhmingliana (Hmingtea) a rawn che ve bawk. Ruth (FM Zoawi) in programme a kaihruai tha hle bawk, a zei tops. House band ah hian kan naute band Stomp Voltage kan sawm a, la naupang te te an nih bakah an music play ngai loh zawng tak mai an play a, mahse kan rin ai daihin an rawn che hit a, mi thenkhat comment danah phei chuan, "Aizawl party ah chuan hetiang bak hi a awm lo ang" an ti ve nia. Hotel Sangchia hovin eitur tuihnai tak tak an la rawn chhawp chhuak zui a. Khamlo takin hun kan hmang liam a ni ber.


A chang leh a hot deuh a, a chang leh muang fan raih in kan lam leh a, a chang leh kan in zui duah duah a. Kei phei chu a tuk tukleh thlengin ka rawl a ni ber e. Kan phur a, request a lut zut zut a, kan zai leh thin a, kan tawp dawn tawh emaw tih pawhin, kan tan leh zel a ni ber e. Han sawichhuah dan vak ka thiam lo e, video thenkhat hi vawm bei thlawp thlawp teh ang.

Dam chuan kumin kum tawp lamah buatsaih leh ngei kan tum a, in lo kal ve vek dawn nia. :-)