Saturday, April 6, 2013

Khawluma in tih vawh dan


Khua a rawn lum leh chho a, nipui vanglai kan thleng chho leh dawn. Pawisa neih loh phei chuan AC tha tak tak te neih a harsa a, engtin nge man tlawm si a kan thlan kan tih daih theih ang? I lo thlir ang!

1. Bucket ah tui dah la, towel te emaw gamchha emaw chiah huh la. Sawr fu leh la. Tichuan, i kawr phelh in bat hnap rawh. Fan in chhem tir la, a vawt  sang sang mai ang. A ro hunah chutiang bawk chuan tih leh mai tur.

2. Current a awm loh a, fan a on theih loh hian a buaithlak thin hle. Chutiang ah chuan Blanket in in khuh thlan dup la, minute 10 vel i inkhuh hnu ah hlip rawh le. LG Air Conditioner aia a nawm lohna vak i hre lovang.

3. I inbual zawh veleh inhru hul lovin Ceiling fan hnuai zawn ah puan emaw phah la. Bawhkhup in, dawrh deuhin, saruak ngal ngatin mu rawh. Fan chu on la, i mawng hmul te chu chhem thlek tir siau siau rawh le. Hetiang hi Greek mifing hmasa ten “Phesiaus” an ti hial. In tih thlan daih nan an lo hmang nasa tawh thin a ni.

4. Kawngpui an maia awm in nih chuan thil awlsam tak mai pakhat a awm a. Bus/Truck emaw motor lian chak taka an rawn tlan hian an boruak rawn tawn phei hian a rawn zui nasa thin a. Chung motor rawn tlan chu lo chang char char la, a rawn tlan pelh veleh che kawngpuiah chuan va ding la, thli thaw nuam tak si, reilo te ni si, hlu bawk si a thlawn in i dawng dawn zu nia. A thawt zawh veleh let leh vat tur, chuti lo chu hun lo pui ah YMA no kan dawm palh ange.

5. I hang tur a ni. Mi ngo ai chuan mi hang te hian lum an tuar thei zawk niin a lang. Ni sa tawk takah te pawh hian an hlim diai bik zel.

6. Thlangra keng chhuak la. Lehkhapuan leh pen keng tel bawk la. Hmun pakhat ah lo ding la, mi lokal apiang chu thlangra chu lo ken tir la. “Sang deuhin han keng teh ,“  ti la, a tih veleh thil eng engemaw ziak thla nuaih la. “Hniam deuhah han keng leh teh,” ti la, thil ziak thla leh neuh neuh la. “Rang deuhin han han zap teh,” ti leh la, a thlawnin i in zah tir a lo ni reng mai. A hah hma in i kal tir anga, a chhan an zawh che chuan i zirlaia i mamawh thil a nih thu i hrilh dawn nia. Mi sawm vel i in zah tir chuan a vawt nuam sawng sawng tawh mai ang.

7. Motor sil na dawr velah hian thil pawimawh ti ni awm takin lo tei ve sek la, a nuam duh seng seng ania.

8. Mut hma in thosilen chiah huh la, zar leh la. Mut a nuam duh khawp mai. Mumangah star te hmuh an awl raps, kan lo inkuah lum chuk chuk zel!

9. PHE tui sem zui la, tui i khawih i khawih chuan tlai lamah vawt i ti ngei ngei ang.

10. “Vanilla Ice – Ice Ice Baby” hi vawt i tih hma chu ngaithla char char zel rawh.