Titi - I

Thlifim tleh heuh heuh tur a awm lo a, chhun lama ni sa in a em nilen thak, concrete bang lum vut vut ke a tlawh tluan chho zuar chung chuan thiante nen kan mu fer fur hlawm a. Inchunga fan pakhat, kum tam fe herh vir tawh loh ni awm taka bal tak chu a vir lup lup a, a ri chik tiah tiah bawk a. Ngaihthlak chian chuan “Bawng sachek, bawng sachek” ti ni awm tak hian a ri reuh a. A ni, hetiang zan hian alawm, khaw lum hnuaia engmah tih tuiawm loh khawpa thlan a chhuah buah buah hian kan titi thin ni.

Light eng te chuan khua a tilum zual hian a hriat a, awngphah te lah chu ur hmin ang mai hian a lum vut vut a, chutah light off na bul hnaia awm ber in light a han off chhak a, “Hmanah khan…” tiin titi bul chu kan tan a ni nghal der thin.

(L-R - Zama, Tka, Aklesh, Arun, Rsa, Opa, Me)

“Opa kha a tenawm ve khawp mai. School kan kal laia vawikhat class a mutthluk der kha in la hria em? Miss Siami khan a chhan a zawt a, a nawmsamloh thu a hrilh. A mutchhuah vang a ni tih kan hre khiau tho si a, subject boring lutuk mai neih laia a lo muthlu bik kha a thikawm khawp mai. Chutah a lo muthlu tui deuh nge, a rawn vawih ri trawt a, a zak lutuk kha, nilengin a’n muthlu der kuit thak a..” tiin RS-a’n bul a han tan a. Kan han nui ri dar dar a…

Hetianga titi hian alawm bul hnaia awm lo thiante chanchin vawrha zankhaw tairek thlenga kan men thin ni.

Kan la nui zo lo tihin, Maia’n a rawn chhunzawm a, “Khaa…hmanah (hmingthup) nen an nih laia school bana kan haw ho kha. Bus ah kan hmaah an thudun ve ngei a. Opa kha a hritlang khuhpuak nasa si a, a tawng hlek dawn chuan a puak dawn si a. A ngawi reng a. A hnua ama sawi leh dan phei chuan, thawk pawh a thaw tha ngam tawh lo a ni awm e, ka hrawk ah a ri hruap hruap tawh a tia. Haha….Chuan (hmingthup-i) khan “I van tawng duhlo em em….” a ti zo chiah a, Opa’n chhan a tum, a ka a ang hman tawk tihin an puak pawp mai kha chu...” Hahaha

“Lalawmpuia kha chu a che uih thei hrim hrim…vawikhat upper khatla atanga lower khatla chhukna step an siam lai kha in la hria em? Ek line chiahin a kal theih a, kan inzui thla dam dam a. A ex te kha an lo chho ve chiah a…”E khu khu, “englo-i” te an lo chho ania, kan tih a a mangan zia kha. Chhoh leh a tum a, kan phal tawh bawk si lo..A der mai rawh kan tih kha. A zawn an lo thlenin a ding vung vung a, a hawi vual vual ringawt…a va inhmeh tak” tiin ka lo chhunzawm ve leh a.

“Kha kha…vawikhat, a star deuh te, amah phei chuan an ni tawh emaw a tih kha, in la hria em? Sunday apianga kan thianho a kan zuk rim pui thin kha, a sur a sa hnuaiah pawh. Kha nu birthday zan khan alawm, zungbun leh present ilo a keng ve nual a. A zuk thlen chuan chu nu chu a bialpa nen an lo awm si, rilru na tawkin a haw a. A hnuah aman a sawi dan chuan, “Ka rilru a na lutuk a, ka haw kha. Zanah pawh ka muhil thei lova, chutah zing dar 3 velah ka pa in min rawn kaitho a, kan vawk talh tur thu min rawn hrilh a. Thawh loh theih si lo a, a hnuah mittui tla chungin vawk ka rawh..” a tih te kha…” Hahaha….

“Englo pawh kha, vawikhat school kal laiin, zingah kaikuang an hmeh a, a eisual kha. School a rawn thlenin a thak nuaih nuaih a, damdawi kan zuk dil pui a. Avil an lo pe a, a mum kha a en a, te a ti lutuk a, mum 3 a ei kha. Assembly neih laiin a thal tep a, kan zawn thlak te kha…” Hahaha

“Vawikhat school banah “Pokemon” thar an inah kan en a, kan en laia current a rawn awm loh kha in la hria em? A disc kha a la in thun laklawh si, kan nghak ngat ngat a, a awm thei bawk si lo a, kan hawsan kha. (Note: Hetih hunlai hian Windows 98 kha OS hman ber a la ni a, improper shutdown hnu a kan on leh hian a hma folder in hawng sa leh thil hawn sa zawng zawng hi a lo in hawng leh thin). A tukah school ah a rawn kal, “Nimin kha hit lo tiah tiah, chaw kan ei dawn a, chaw ei dawhkan kan kil thap tawh a. Inchungah ka nu in computer a lo on a, ka lo hre tawh si lo. Ring tawkin, “Lalawmpui, engatinge i computer ah hian hmeichhe sazu te a lan a?” a rawn ti chiah mai kha chu. Chaw ei a har ngei mai” a tih kha….”

“Chumi i sawi takah chuan Mission Vengthlanga BZ-a te ina kan len tum khan kalkawnga kan kal laiin, CD Library dawr nghaktunu khan ring leng lawngin “Biaka, i thianpa kha a blue film hawh kha a la rawn dah lo ania aw, a rei tawh lutuk” a rawn ti mai kha chu…”

“Chda nen Saron vengah an leng a, Chda’n Opa chu a ti zahthlak thei lutuk a rawn tih kha. An len na a an note khan superhero vel a lo sawipui chiah mai. A tuina zawng tak kha a ni bawk si…Spiderman lem te a chang vel…a rawn tih kha” tiin kan nui leh dar dar a.

A khat tawkin toilet ah kan inluh chhawk chhen a, titi a kal tui laklawh phei chuan zun rei lutuk te hi a uihawm tlat.

Tichuan ka han chhunzawm ve leh a “Ka la hriat reng bawk chu, Rsa kha an inah a riak a, OPa kha ka va text reng a. A chhan chu a tukah an inah chaw kan eikhawm dawn a. Tihdan tur vel ka va zawt a, balance ka nei tawh lo, naktukah kan sawi tha leh dawn nia, zingah ka lo topup anga, a tia. Ka ngei lutuk a, number dang atangin hming lem Emy tih hmangin ka va text ta a. Min chhang tha duh khawp mai a, Rsa kha chuan khami no. pawh kha a hre sa a, a lo hrilh duh miahlo a. Zan rei tawk tak thleng kan inbiak hnu in a tuk a kan thianho chaw ei khawm na turah te chuan min sawm ve nghal mawle…A tukah Emy chu va sawm ta che ka’n ti mai chu…”Emy, i va han chhe tak em! Ka balance a zawh phah vek” a ti teng chhuai..”

“Vawikhat motor a rawn la chhuak, chhas te kan phur chhuak ve ngei a. Sefa nen an nia, a hnungah Puia leh John-a’n bike in an zui a. College veng chho ah motor nen an intawk thut, a buai sa mah nak alaiin chhas te a phur ve bawk si. A hnunga lo tlan te a ngaihtuah tawh lo, a back hrut hrut a, a ri chhuai a. Dak chhuak zuk pahin amah vek chuan “A pawi lo, a pawi lo” a tia, a tlan zawm leh mai a. A hnuah Puia te chuan an rawn zui tawh si lo….workshop a bike nawr luh ngai hial in a lo sut sak chu niin..Haha.. A hnua ama sawi leh dan chuan ka motor number plate an su keh zawk emaw ka tia..te a ti vel” Haha..

“Mizofed petrol pump bul chhukah sawn chho zawngin a tlan chhoh theih John-a ten an tia, a tlan chho ve ringawt a, Traffic ho in an man chiang teh asin aww…”

“Opa kha exam paper an sem apiangin School ka bang tawh dawn, ka nu te paw’n an phal vek a ti ve ziah a. A tukah a rawn kal leh ziah tho mawle..”

“Vawikhat Maths paper ah Mark 4 a hmuh kha…Sir Simon-a’n “Where are the 96 marks? You must commit suicide” a tih kha….hahaha. A tang ve sauh a, next term ah Mark 3 a hmu leh chiah mai kha chu…”

“Entawn te kha a hnehsawh re re, chhuatah lehkhabu a dah a, pheikhawk nen pawh a duh na lai lai a keu thei…”

“Principal signature pawh duhtawkin a thiam a, zingah leave letter sign tur a ngah thei mai mai…pen tui hring te kha a nei hrang thlap…”

“Duhsaki birthday lawmnaa kan kal tum kha la hria em? Motor rawn ken ngei kha…haw lamah Chanmari West ah a chhe ta. Dar 12 a rik te pawhin petrol kan la in hip chhuah siak zak zak..A bul hnai In pakhata pitar khan min khawngaih lutuk a, torch light te min rawn pek kha. A that hnuah lungmuang tawkin Bazar Bungkawn tlumpi ho thutna thinah momo kan ei kha…A tuk school kal peihawm loh ngei mai..khami tum kha chu..”

“Kha kha..Matric result chhuah dawna, result en pui tura kan va sawm kha. A huphurh lutuk a, fail a inring si. Lungleng ah kan chhungin kan kal dawn, dawt ka sawi lo, hei kan chhuak a ni mai, a tih kha. A result kan hriat veleh an landline kan zu bia a, amah bawkin a rawn chhang a, “Kan landline hi Lungleng ah pawh a ken theih a..” te a ti vel…”

“E taka, school kal lai bawka Ngaizel lama kal an phal tawh loh kha, in la hria em? Spy Teacher ten Ngaizel a kal thin an man zingah khan a tel a, khang man ho khan Ngaizela kal thin tho midang hming 4 tal an report tur tih a nih kha…A bialnu hming a’n sawi hmasa ber ah…” hahaha

“Mahse OPa hi chu a fel e.. a inthlahrung thei bawk si. Thiante tih ang ang hian a awm ve peih a”

“Nia…a lerh ve thin deuh tih mai loh chu”

“Bike lampang a tui lai khan a nu in Bike lem a lei sak a, a hnuah boxing a tui leh a, glove an leisak leh a”

“A hla duh ber pawh M2M – Pretty Boy kha a nih ngei kha”

“Korean Serials a ngah theih zia kha, vawikhat world cup final en tumin an inah kan riak khawm a, The Classic kan en zankhua thak kha”..

“Nia….”

“……..”

Sawi tur a vang tial tial a, leilung pawh a lang leh tan ta. Boruak pawh a dai tawh e….Mu ve siai siai tawh ang aw. Zan dangah kan titi leh dawn nia.

Building a Naturist Colony!

(FYI: This is an attempt at humour!)

Recently I've watched a short documentary on naturist community titled “Carina : Ecstasy of Existence ” Watch HERE (NSFW). My first reaction was “WTF! That,... is the place i belong" Well, lets not think about that for now, since its going to cost me a fortune to do that and what if I didn’t understand their language and what if they didn’t accept me?

First and Foremost, before I get into details about this issue, you’re free to check out more videos on vimeo.com with the search keyword “naturist” (all NSFW) and read more about the Naturists here.

My thought

Since, it isn’t possible to join the small naturist colony in Brazil, why not building our own naturist colony here in Mizoram? *Light Bulb* I sure hope you yourself would like to join in. But, don’t be in a hurry. Lets take a moment and concentrate on how are we going to set up such an unique community.

Location?

First thing first, the search for location of setting up the colony will involve a bit of hard work. It has to be some place secret, secret as in secret enough from the NGOs and the press.

The location should be in such a high security level that even the camera lenses and flashes won’t work (we should work on that). Should always be covered with white clouds to protect it from distant photographers with macro lenses and to protect the people from sunburns. Not too cold to avoid goose bumps and not too hot to avoid sweats.

Toilets should be there in every corner. Being a naturist here doesn’t mean disposing your toxic waste everywhere, it isn’t sexy (write that down).

People?

The members should be preferably at the age of 18 yrs and above (Standard legal age for anything). The colony will welcome anybody fat, tall, thin, short, long haired, bald, schlong or schlort who thinks “Reality is Community”. If you’re a human being, feel free to join.

President?

Needless to mention, Me the President. Or anyone who thinks they deserve the position may write an application on why he/she should be the president with a DD of Rs. 5,000/-.

Administration

• The President is the head of the colony and He/She will have the power to appoint his/her personal aides.

• The President will be responsible for expelling members in case of unavoidable circumstances.

• The President will not be responsible for any charges laid upon him unless they’re the opposite sex of the colony. *Naughty*

• The President can expand his authority to any extend at anytime, anywhere.

Rules

1. The secret spot shouldn’t allow trespassing for mosquitoes, blood sucking bugs, wasps etc. and trespassers will be killed instantly.

2. Male members shouldn’t bend down at any cost.

3. No mobile phones inside the colony, esp. those android phones.

4. Female members shouldn’t show off their acrobatic ability, martial arts or yoga positions.

5. Staring is prohibited.

6. Erection is prohibited.

7. Hugging while having erection will not be tolerated. At the same time it will be relaxed for couples.

8. A simple hand-shaking (Hand, and only the hand) is the only physical contact allowed for regular (single) members.

9. No ass scratching.

10. Sharing isn’t Community.

11. The President and his/her aides will make more rules as we go on.

The main advantage of building a naturist/nudist colony is the low-cost fashion. Poor or rich, you afford it. I hope building a naturist colony will be very sexful. Successful and sexful, they’re the same thing. :-)

Lam ang ka lo let e….

Hun leh ni te an ral zel a, kum khat a vei meuh chuan thlalaka Rih Dil a hmuh ve tawh mai avanga Ramfangzauva inti ve ringawt pawh a lo lang leh ta hlawl e. “I va vang ve” in rawn ti tliar tliar dawn nia, Vanglaini ka sem thu erawh chu min lo hriatsak hmasa ula.

Vanglaini sawi takah chuan Zorock-a hian Vanglaini (www.youtube.com/watch?v=1WSDgT3hFas) a phuah chhan hi an sawi a – Vawikhat chu Zorock-a hi ramhnuaiah a kal a, a ek a chhuak ta em em mai a, hmun rem deuh a hmuh chuan a e ta a, mahse a mawng thiarna tur lam a lo ngaihtuah lo pek, a zawng kual ruai ta a. Chutah Vanglaini chanchinbu hlui hi a hmu hlauh, a mawng-ek thiar nan chuan a hmang ta a, hla a phuah ta a “Vanglaini te hi…hman dan thiam a va pawimawh em” tiin….

Tunlai Aizawl

Lam ang ka lo let leh na a nih avangin thu ho mai mai i han chhu kual leh vel teh ang.

Mi chi hrang hrang hi kan buai mup mup ni ber hian a hriat a, hman deuha khawlaia thu mai mai kan tih thin te pawh tlai lama a sen chi leina tur engtin nge ka neih theih ang tiin an thian hnai zualte be kualin ‘signal’ thatna hmunah an kut khinghnihin cell phone an hmet a.

Thenkhatin Speak Asia Online survey an buaipui mup mup a, nuai chuang chuang invest te pawh an awm leh ta nawk mai. Chiahpuam atanga kan lo inzir chhuah tawh angin a che hmasa sa vanneihna anih avangin a che hmasa nih tumin hmeichhe lam bikah an buai vut vut mai. Tha tak maw?

Oriflame aia tha tur Jafra a chhuak an ti, tunah Living Forever Products (Aloe Vera) a lar chho leh bawk a. Mipa chenin an buaipui.

Neih nei lova mi thawhchhuah sa hmanga eng eng show emaw buatsaih tumin mi tam tak an phe sup sup a, a tunlai tawngkam takin “Sponsorship Age” ah kan cheng tak meuh meuh a ni.

Camera tha pui pui neiin eng eng photography emaw kan inti sup sup a, an nei sei sei an thiam hmel bik! A lens ania ka tih. Hehe. Thiam hmel tih sawi takah chuan hmanni Malsawma of Malsawma Photography hian tihian mi tia lawm, “Sam te hi zuah tur, hmuihmul te khabe hmul te hi zuah buk chhup tur, kan tuizawng nen a inmil a. Photographer ho theuh theuh kan han din tlar hian midang aiin kan thiam hmel bik” a tia lawm. J Photographer chu ka ni ve chiah lo nangin. Mizo Vocal Band a an hla sak pawh kha “Lumehna ka neih si loh chuan” tih vel em ni kha?

Comedian ho an common hle. Mizo fiamthu hi nuih tur pawh a awm tawh meuh lo. A nuihzatthlak loh lutuk hi a nuihzatthlak tawh zawk. A kuit tlat!

Politician ho pawh an in ngeih leh vak tawh lo a, mipuite an lamtangah an siam leh tan. Inthlan a hnai leh tawh bawk a.

Two wheeler market a lun hle, thla khata motor register thar zawng zawng zinga 90% chu two wheeler.

Facebook khawvel a tih theih ve hial ta. Facebook a/c neilo chu chhas vak tawh lo. J

Gutkha products do na MHIP lamin an kalpui vung hle a, an office pawh dawr tur an awm lo zeuh zeuh thin, “Tiranga an check” an lo ti mai zel. An ti tha khawp mai a, mahse a ei hnem ber pawh a MHIP lam tho hi an nih hmel, kuhva ei sen aiin nula hovin an thlang tlat.

Huau Huau emaw Concert lian tham emaw aiin thianzaho picnic ah kal an thahnem thei zawk.

Mizoram lamah internet te pawh khawih tur a that tawh avangin, computer zirna hrang hrang ah Internet a Free in an zirtir tel thin. A free a zir theih rau rau ah, ka taimakna in tlin se, ka zir ve chak khawp mai, zawh tur ka’n ngah dawn tehreng nen.

Hna a vang a, private firm a hlawh tam vak lovah pawh graduate te duate lo te kan inpek suau suau ta. E taka, hna zawnglai i nih chuan hnaruak.com lo tlawh ve la. J

“Mi rethei leh hausa an awm za a, an lenchhuahna chu Hmuifang a ni” an tih thin Hmuifang pawh a lun vak ta lo, a aia hla deuh Sialsuk tlang a hit leh tawh zawk.

Duhtawk phawts ta ila…thusawi hmingthang em em lo te hi i han thaikawi leh jokes ila…

Thusawi hmingthang lo te

“Mihring hi kan bo laklawh chuan a lo bo theih khawp mai a. Bo laklawh tlat chuan mahni choka ah pawh kan bo tlat zel”

- U Mafaka

“Chem hriam tak pawh hman loh chuan a bil thuai a, chutiang bawkin mipa thil pawh hi hman loh chuan a te tial tial mai a ni”

- Pu Thartea

“Sap ramah te chuan ka kal ve tawh alawm, kan naupan lain kan thenawmah Pu Sapchhuana te an awm a, an ram ah kan kal thin a, sap ram kal chu kan ni mai alawm”

- Pu Machana

“Stress is very stressful”

- Megha Joykumar (Seminar on Stress ah a sawi)

“Zu hi a tha chi, a chhe chi a awm hran lo. Lu a tih hai but theih chuan a tawk”

- U BT-a (Maia te driver sawi ni ta in ka hria)

“Hetiang drinks hi a va tha ve, tarmit power awm bun ang chiahin ka awm mawle”

- Thara

“Airtel balance check dan chhinchhiah dan tha ber chu, arsi one two three leihlawn”

- Sanga

“Internet an tih chu a tha khawp mai, mi tawm ru lai pawh a en theih vek”

- A sawitu ka hre tawh lo

“Nitin hian kan thil chak ber leh kan hreh ber hi tih thin tur an ti a, kei chu ka buai ve lo, chak takin ka mu a, hreh takin ka tho leh thin”

- Anonymous

“Kan hunlai mi leh tunlai mi te hi chu inang thei kan ni lo reng reng. Tunlai mite chu sap tawng changkang tak takin lehkha te an zir a, keini ve tlar 2 tlar 3 ah kan thu a, thle dual dual pahin ‘Ni khat chuuuu…. Zovi nu in….Ka feh dawnnnnn… a ti a” kan ti rual thap thap thin”

- Mi pakhat

Ka mut a chhuak, ka peih tawh lo. Ka hre teuh a, ka theihnghilh zo leh tawh.