Google : A tangkai zawkin

Tun tum chu post topic a dang deuh hlek dawn anih hi. Google chu inhrilh nawn leh pawh ngai lovin kan hre tlang theuh awm e. Search engine a nih ang ngeiin thil zawn nan kan hmang nasa em em a, mi tam berin kan hman a ni kan ti thei ang chu. Tuna kan hman na aia a tangkai lehzuala kan hman theih nan thil chi hrang hrang sawi chhoh kan tum ang. Ka hre ber e tih lam ni lovin, keini aia hrelo leh zawk te an lo awm ve leh chhawn mial takin, an lo hmang tangkai ve mahna tiin kan han ziak a ni.

Thil kan hriat tur pakhat chu google a thil kan zawn reng reng hian kan search query input kha character 32 aiin a tam tur a ni lo. A aia a tam chuan google hian a ignore hmak hmak zel a ni. Tin, stop words hrang hrang, "in, and, the, an etc.." te hi a block tawp a, heng hi a search tel ngai lem lo bawk. entirnan "a tale of a cowboy" tih kan lo zawng dawn ta a, google in a consider ber tur chu 'tale' leh 'cowboy' bak hi a ni lo.


1. Dar zat hriat theih nan : Khawvel hmun hrang hrangah kan dar zat a inang lo theuh a. Chu chu mi ram dar zat kan hriat duh chuan heti hian search box ah khan "time ram hming" ziah luh mai tur a ni. Entirnan Singapore dar zat kan hriat duh chuan - time singapore tiin kan zawng ta a. Singapore darzat chu heti hian a lo lang mai a ni.

2. Calculator : Google hian calculator/converter tha lutuk a nei bawk a. Ram hrang hrang pawisa hlut zawng kan ram pawisa nen kan tehkhin thei a. Entirnan : Search box ah khan 500 indian rupees in american money kan enter chuan India pawisa a cheng 500 kha America pawisa in engzat nge tih kan hre thei a ni. Heti lo pawh hian a tih theih a, ram hrang hrang currency code kan hriat phei chuan a awlsam lehzual. A chunga kan example pek tho pawh khi ti hian a zawn theih a, 500INR in USD ti maiin. INR hi Indian Rupees code a ni a, USD hi United States Dollar code a ni thung.

Pawisa mai bakah metrics, bytes leh thil dang dang convert nan a hman theih a ni. A dang en duh tan hetah hian click mai tur : Google Calculator

3. Music zawn nan tunah google kan lo hmang leh ang. Nirvana music kan lo zawng duh ta a, heti hian kan enter ang -inurl:(htm|html|php) intitle:"index of" +"last modified" +"parent directory" +description +size +(wma|mp3) "Nirvana" . A tawpa double quotation chhungah hian kan artist/band duh hming kha kan dah mai dawn a ni.

Tin, mp3 direct link zawn nan pawh a hman theih a, hetiangin ?intitle:index.of? mp3 britney-spears . Britney Spears aiah hian mahni artist duh hming kha dah leh mai tur a ni. Artist hming hi word 2/3 te a nih chuan hyphen '-' hmang hian zawm tur.


4. Comic books zawn nan pawh kan hmang leh thei zel bawk a. Spiderman comic kan lo zawng dawn ta a, chutah chuan heti hian enter tur a ni -inurl:htm -inurl:html intitle:"index of" "Last modified" spider-man cbr . cbr hi a file extension a ni ta a, chu chu Comic Book Reader hmangin a chhiar theih a ni.

5. Website tam berah hi chuan an website hian search engine a nei sa a, an website a kan thil duh hi a search zung zung theih a. Website thenkhat eg. rapidshare te chu an website ah search engine a awm loh avangin google hmang bawkin kan search leh dawn a ni. A parameter ah chuan site tih hi a ni ta a, entirnan The kite runner movie kha kan zawng duh a, hetiang hian enter tur a ni site:rapidshare.com the kite runner. Hetia kan search hian rapidshare.com chhunga mi chauh kha a zawng anga, website dang ami chu a zawng lo ang.


6. Google hi mahni subject duh bik zawn nan pawh kan hmang thei a, chutah chuan a parameter chu tilde "~" a ni. Nutrition chungchanga document tha leh a kaihhnawih thil kan zawn duh chuan heti hian kan zawng ang ~nutrition tiin. Hei hian nutrition chungchang bakah a kaihhnawih thil pawimawh a rawn zawng ta thin a ni.

7. Dictionary atan pawh kan hmang leh thei a, chu chu define parameter hi a ni. Winamp awmzia kan define tir duh chuan heti hian kan ti ang. define:winamp tiin.

8. Google image ah hian hmel chauh kan lo zawng duh ta a. Heta hmel ka tih hian, company hrang hrang emaw ram emaw a mihring awm te hmel tihna a ni. Entirnan Mizoram tih hi google image a kan zawn chuan map hrang hrang emaw te a rawn tilang a, hetiangin -


A mihring cheng hmel te emaw mizoram nena in relate mihring hmel kan zawn duh chuan a address bar a url awmah khan a tawpah &imgtype=face tih hi belh zeuh mai tur a ni. Tuna a chunga mi khi a url chu hetiang hi a lo ni ta a. http://images.google.co.in/images?hl=en&safe=off&q=mizoram&um=1&ie=UTF-8&sa=N&tab=wi

chuan, mihring hmel bik kan zawn duh chuan a url tawpah hian &imgtype=face kan belh ang hetiangin - http://images.google.co.in/images?hl=en&safe=off&q=mizoram&um=1&ie=UTF-8&sa=N&tab=wi&imgtype=face. Hemi i type zawh hian enter kha han hmet leh chiah teh. A search result in filter dan chu i hrethiam mai ang.


Tin, kan hriat tur pakhat bawk chu, kan ram awmna azirin google search result te hi a in filter ve thin bawk tih hi. Hei hi ram zawng zawngah ni lovin ram thenkhatah chauh a ni a. China google (http://google.cn) ah te chuan human rights lampang website google ina top rank a pek te hi a in censor nghal a ni.

Google.com ah site:ety.com i search ta a, result za chuang fe a rawn pe ang che. Amaherawhchu a ngai ang chiah site:ety.com kha France google (http://google.fr) ah i search chuan result engmah a awm lo ang. Google in disclaimer a dah chu : "In response to a legal request submitted to Google, we have removed 281 result(s) from this page. If you wish, you may read more about the request at ChillingEffects.org." An censor nachhan pawh hetiang hian an ziak a : Google received complaints prior to March 2005 about URLs that are alleged to be illegal under U.S. or local law. In response to these complaints, one or more URLs that would have appeared for this search were not displayed.

Tun atan chuan duhtawk phawt ang. A tam lutuk a, mahni pawhin zawn theih a ni.