Sikul luh tirh kha aw

A hmasa berin KG-I kan nih laia ka classmate te hi tute nge an nih hriat kan tum leh chhin teh ang. Mi haihawt tak mai ka nih avangin a tam zawk hi chu ka hre thei tawh meuh lo ang. A chung ber tlar ang hian tan ta ila, veilam atanga dinglam thlengin.

HTL = Hre tawh lo tihna haha

Mary Mount School, KG-I Sec B, 1993 (:D)

Tlar 1 na :

Hmeichhia - HTL, Lucy (tunah hian enge a tih chiah ka hre lo, Aizawl lamah a awmin ka hria), Mapuii (Engtik laiin nge mapuii a lo intih ve ringot le? K-i ti hlirin ka ko thin, tun thlenga ka kid rinawm tak te zingah a la tel. Tunah hian Delhi ah lehkha a zir), P. Lalremruati, Melissa (Ani pawh hi Delhi ah lehkha a zir mek), VL-i (ni ta in ka hria), HTL, Mandy (Fel lutuk mai Mandy, tunah Kolkata ah lehkha zir mek. Football tui lutuk), Doris (Aizawl Kulikawn ah ka hmu leh zuk zuk thin), Puii (Kan chhaih thin dan kha chu sawi lo mai ang. hehe)

Mipa -Hmingsanga (a tawng fiahlo thei lutuk, hnap tawlh pur zel bawk :D), Aloysius, HC-a, Rammuanpuia, Malsawma (Tumtelel siam dan min zirtirtu), Jerry (Hei hi chu kan vengpa a ni a, a awmna a la sawn lo in ka hria. haha), Rempuia.

Tlar 2-na :

Hmeichhia - Amelia (Tunah Kol ah lehkha zir mek, ani hi music tui thar lutuk ni awm e), VL Chhandami, RS-i, Christina, Mary, HTL, HTL.

Mipa - Peka (A famous lutuk kan batch ah chuan, kan nu leh pate pawhin Peka hi chu an hre ltk. An hriat chhan chu sawi lo ang. hehe), Krishna Kumar, Lalzuala, Rindika, David, Benjamin, David, Ruatte-a, Mafelkima, VL Hmangaihsanga, David (Hepa hi chu Football 1 on 1 ah ka la hneh ngei ang, David 3 kan nei kan class ah khan).

Tlar 3-na :

Hmeichhia - Lucy, Jakobedi, Zorini (Ani pawh Delhi ah lehkha zir mek), Nu-i (Ani hi chu a, KG I chu Class 12 classmate kuit... lol. Fel ltks, kan thianpa hian a duh viau chuan Sphinx Clan monu pawh ani lo ang tih sawi theih loh :P), HTL (A hmel a lang theilo :D), Christina (Hei pawh Delhi ah lehkha zir mek), HTL, HTL (Eng Varte emaw chu a ni).

Mipa - HTL, Eric, Jonathan, Robert, Christopher (Mizoram Badminton Junior No. 1 te pawh ni thin), Thura (Zothansanga.... nupui a nei tawh emaw ka tia, a u zawk a lo ni. Ka hresual), HTL

Tlar hnuai ber :

Hmeichhia - HTL, HTL, HTL, Amanda, Alison (hemi te pahnih hi phir an ni a, hriat hran an har thei hle), Zonunthari, Catherine

Mipa - Malsawmkima, Danny, OP-a, Clement (Kan class ah chuan a lar ber pawl. A tawng fiahloh avangin recitation te an sawi tir thin), Keimah.. hahaha, George (Commercial Pilot, Hyderabad ah training a nei mek a ni awm e).

E khai, mi hi ka van lo hre lo em em!. Ka theihnghilh hma nge pawh ka hre lo. Mahse ngaihawm ve duh mai mai. KG I kan nih lai kha chu aw, kan te hlawm sep sep si a.

Kan class room ah khan bang kua a awm a, short break kan neih te khan chulai bang kua chu kan hmang tangkai thin hle. :D Kan class teacher Miss Lucy fel zia te kha aw, Sister Kiran-i khan min duat thei ropui sia. Action Song kan tih thin lai te, Nursery Rhymes kan sak rual dual dual lai te kha aw. Mitthla ah a la cham thei nia, "this is the way we sweep our floor" kan sak laia kan uar thei tauh tauh lutuk te kha.

Miss Geta khan "Stomach paining" tih hla kha min zirtir thin a, a uar thei sia, stomach paining tih kan sak lai chuan kan buai nuaih nuaih zel, kan uar ve thei ltk kha, kan na ti lem vel kha. :D "Lulu skip to my loo" kan sak lai te phei kha lung a ti leng lutuk. Mipa leh hmeichhia kan in pair ngei a, skip to my loo my darling part ah kha chuan kan in kuah dual zel.

Parents Day kan hman tumin, kei lah pek hi engtin nge a hrang daiha keimah chauha St. Pauls auditorium ah khan ka kal le. Ka classmate hi an bo vek a, ka mangang ru angreng viau a. Mahse mi pahnih hian an bula thru turin min sawm a, ka hming te min zawt a, anmahni chu kan senior an nih avangin fel ka ti hle mai a. Sis Kiran-i thusawi te kha a awmzia ka hre ve der si lo, "Tommorrow is holiday" tih a sawi laia sikul naupang an au dur dur lai te khan enge a sawi ka hre ve si lo, ka bula miten, naktuk chawlh a nia min tia, min hrilhfiah hnuah ka nui ver ver. :D Khamite an bula min thut tir tute kha an fel tehreng nen, tun hnua an chanchin ka hriat leh hian a mak ka ti khawp mai. An arte thih mai ang tih ka hlau.

Sikul bag ah hming leh address kan bel thlap a, a pawimawh loh hmel tehreng nen. Ka sikul bag ka tih bo ni zet kha chuan ka hmang tangkai teh e. Kan bag a inang vek si, hmun khatah an lo dah khawm a, ka bag ka zawng hmu zo ta lo. Mi kha chuan an rawn zawng hmu a, an haw nghal zel a. A tlai tawh si, a tawpah Class VII naupang ho hian bag ami hming an chhiar zel a, chuan ka hming an lam veleh ka va tlan ve vat. :D

Lawks, hemi ka sawi chuan thil pakhat ka zah deuh kan sawi tel lawks. Pawl sawm kan exam dawn khan ka scale ah hian "The Man with the Golden Water Pistol" tih hi ka ziak thin a. Chuan exam zawhah hian exam hall a bungraw theihnghilh vel hi assembly naah an sem leh thin a. Ka scale pawh chu ka lo ken theihnghilh ve ngei a, bungraw sem hun a lo thleng. An sem zel a, ka scale an ken veleh, "Hei hi tu scale nge?" an tih kha chuan a hriat mai loh. A puangtunu khan an chhiar te te a, "Who is the man with the Golden water pistol?" an tih chiah chuan, zak deuh chungin a rang arangin ka va la zuk. :D

Sikul ka luh tirh lai vel hian nu leh pa ngen tih vela trah hi ka nei ngai lo. :D Mi trap te hi ka nuih zat thin. Ka nu hian min lo hruai thin a, Sikul ban veleh mahni nu te kan han zawng sap sap a, ka nu ka hmuh har chuan ka trap trep zel. Ka nu lah hian, "In te hlawm sia, in in ang hlawm sia, hriat hran in har thei lutuk" a ti thin.

Sawi tur a tam dawn ngei mai. Sawi vek lo mai ang. Nidangah kan chhunzawm zel a niang chu.