Khawvel thiamna a sang chho zel a, thil maksak leh a theih em em dawn emawni tih tur thlengin thil theihloh tura kan ngaih pawh a theih chho ta zel a. Heng thiamna hrang hrang bakah khawlvel in a ken tel thil hrang hrangah hian thil mak ka tih tam tak a awm a, chung zinga tlem chu han tarlang dawn ila. Mak in ti ve hlawm emaw?
1. Engtinnge sap ho hian toothpaste tel lova ha an nawh theih le? An mut dawn te hian pheikhawk an phelh ngai bawk si lo, a mak takzet a ni.
2. Mizote hian nambar kan chhiar dan hi engtianga phuahchhuak nge kan nih ang tih hi ka ngaihtuah fo thin a. Za, sangkhat, singkhat mmmmm a la hriatthiam theih mai. A tir bera chhiar tute khan an peih tawh neih nuaih lo a, “Nuai” te an ti ta mai em ni ang? A chhiar tute kha Val upa ho an ni ngei anga, an taksa a fit thra zek zawk bawk silo. An chhiar laiin lu hai te an lo awm a, pakhat phei chu a tlu a, an tung tho leh a, a ding awn riai riai a, “Tluklehdingawn” ti mai ang u an ti em ni ang? An trang bawk si, Pu Hreuva phei chuan a vaibel a seh chhe hial a, “Vaibelchhia” ti leh tawp mai ang u te an ti mai mai a nih a rinawm hial. Mak ve tak chu a ni.
3. Sap ho hi matric pass lo pawh hian duh tawkin saptawngin an tawng thei mai zel te hi.
4. Hmeichhe zai rut rut hi toilet a an luh hnu a an zai a tawp chiah hian an zung tan chiah an ti thin a, a englai takah hian nge zai leh zun hi a inzawmna ni ang le?
5. Chemtatrawta til a seh sak tu kaikuang khan eng rilru pu a seh nge a nih ang? A sehna tur a tuihnai deuh lai te pawh a awm ngei anga, a til ah ber kher. Kaikuang rilru piangsual tak a nih a rinawm. A rilru kha a mak takzet a ni.
6. Mipa in phone call kan dawn sual a, thum ve angreng zet a kan han “hello” pap hnu a, “Mary a ni nange?” “Nancy a ni em?” rawn ti lui tralh thin te hi a mak ka ti.
7. Arnold-a hi robot a lo ni reng reng hleinem!
8. Naute thau deuh hi an duhawmin an cute em em a, a lo puitlin a a la thau chhunzawm zel hian ngatinge a duhawmna kha a bo tak daih thin le?
9. Pasaltha Neuva kha kan ngaisang em em a, mi huaisen bon heavy lutuk a ni. A huaisenna tihlan nana patling pumpa in taivang bu a mawng lawnga a thrut kher kha tun thleng hian ka la hrethiam theilo.
10. A tawp berah chuan engtinnge Samosa chhungah hian Alu hi a lo awm theih le?
